ပရိတ်ကြီး ၁၁ သုတ် - နတ်ပင့်-ရတနသုတ်-နတ်ပို့ (ပါဠိ[အသံ]-နိဿယ-စကားပြေ) နေ့စဉ်ပူဇော်ရန်။ скачать в хорошем качестве

ပရိတ်ကြီး ၁၁ သုတ် - နတ်ပင့်-ရတနသုတ်-နတ်ပို့ (ပါဠိ[အသံ]-နိဿယ-စကားပြေ) နေ့စဉ်ပူဇော်ရန်။

စကြဝဠာ ကုဋေတသိန်းက နတ်ဗြဟ္မာများ ရတနသုတ်၏ အာဏာအရှိန်အဝါကို ခံယူကြ သည်ဆိုသဖြင့် ရတနသုတ်၏ အာနုဘော်သာ စကြဝဠာကုဋေတသိန်း နှံ ့သည်ဟု မမှတ်ရ၊ အခြားပရိတ်တော်များ၏ အရှိန်အဝါကိုလည်း ထိုခေတ်အတွင်းရှိ နတ်ဗြဟ္မာများ ခံယူကြသည်သာ။ ဤသို့ ပရိတ် တော်တို့၏ အစွမ်းရှိန်ဝါ နှံ့ ရောက်ခြင်းမှာ ဘုရားရှင်၏ အာနုဘော် ကြောင့်ဖြစ်သည်။ ဤ ရတနသုတ်သည် ဝေသာလီပြည်၌ ဘေးကြီး သုံးပါးကို ပျောက် စေခဲ့ဘူးသည်ဟူသော စကားဖြင့် ရတနသုတ်ဖြစ်ပေါ်လာခြင်းအကြောင်း နိဒါန်းကို ညွှန်ပြ၏။ ဝေသာလီပြည်၌ မိုးခေါင်၍ ကောက်ပဲသီးနှံများ ပျက်စီးမှုကြောင့် အစာရှားပါး ငတ်မွတ်ခြင်း ဘေးကြုံရသောအခါ ဆင်းရဲသားများစွာ သေကျေပျက်စီးရ၏။ လူသေကောင်တွေ မြို့ပြင် ပစ်ထားကြရာ ထိုလူသေနံ့များကြောင့် မြို့တွင်းသို့ ဘီလူးများ ဝင်ရောက် ခဲ့၍ လူများ ပိုမိုသေဆုံးကြရပြန်၏။ မကောင်းသော အနံ့ဆိုးများကြောင့် ပလိပ်ရောဂါ စသည်ကဲ့သို့ ကူးစက်ပြန့်ပွါးတတ်သော အဟိဝါတ ရောဂါ တမျိုး ဖြစ်လာပြန်၍ အများအပြား ပျက်စီးကြရ၏။ ထိုအခါ လူအများ သည် ငါတို့ပြည်မှာ မင်းခုနစ်ဆက်တိုင်အောင် ဤကဲ့သို့ ဘေးမျိုး မကြုံစဘူးခဲ့။ ဘုရင် တရားမစောင့်သောကြောင့် ဖြစ်လေသလောဟု ဘုရင့်ထံ လျှောက်ထားကြသော် ဘုရင်လည်း ပရိသတ်စည်းဝေးစေ၍ မိမိအပေါ် အပြစ်ရှာစေ၏။ ဘုရင်၌ မည်သည့်အပြစ်မျှ မတွေ့ ရသော ကြောင့် ဘယ်နည်း ဘယ်ပုံပြုရမည်ကို တိုင်ပင်ဆွေးနွေးကြသော် အချို့ က တိတ္ထိဆရာကြီး ခြောက်ယောက်တို့အား ပင့်ရန် အကြံပေးကြ၍ အချို့က ဘုရားရှင်ကို ပင့်ရန် အကြံပေးကြ၏။ ဘုရားရှင်ကို ပင့်ရန် အားလုံး သဘောတူကြပြီးလျှင် လိစ္ဆဝီမင်းနှစ်ယောက်အား နောက်ပါ များနှင့်အတူ စေလွှတ် လျှောက်ထားစေခဲ့ရာ ဘုရားရှင်လည်း ဝေသာလီ ပြည်သို့ ကြွတော်မူခဲ့၏။ ဘုရားရှင် ဆိုက်ရောက်သောအခါ သိကြားမင်း နှင့်တကွ တန်ခိုးကြီး နတ်များလည်း ရောက်လာ၍ ဘီလူးများ အများ အပြား ထွက်ပြေးကြရ၏။ မြတ်စွာဘုရားသည် အရှင်အာနန္ဒာအား ရတနသုတ်ကို သင်ပေး၍ ရွတ်ဆိုစေခဲ့ရာ ဝေသာလီပြည် တံတိုင်း သုံးထပ်တို့ အကြားဝယ် ညဉ့်သုံး ယာမ်ပတ်လုံး အရှင်အာနန္ဒာ၏ ရွှတ်ဆိုမှုကြောင့် ဘီလူးများ အကုန် ထွက်ပြေးကြ၏။ ဘီလူးများ ကုန်လျှင်ပင် လူတွေအားလုံး ရောဂါပျောက် ငြိမ်းခဲ့ရာ လူတွေအားလုံး ထွက်လာပြီးလျှင် မြို့လယ်လွှတ်ရုံးကို မွမ်းမံပြင် ဆင်ကာ ဘုရားရှင်ကို ပင့်ဆောင်ကြ၏။ ဘုရားရှင်လည်း ထိုလွှတ်ရုံး၌ စုဝေးလာရောက်ကြသော လူနတ် ပရိသတ်တို့အား ရတနသုတ် ပရိတ် တော်ကိုပင် ဟောကြားတော်မူပေသည်။ #ပရိတ်ကြီး #ပရိတ်တရား #ပရိတ်တော်များ #ပါဠိ #နိဿယ #မြန်မာပြန် #မဟာဂန္ဓာရုံဆရာတော် #သပြေကန်ဆရာတော် #မင်္ဂလသုတ် #ရတနသုတ် #မေတ္တသုတ် #ခန္ဓသုတ် #မောရသုတ် #ဝဋ္ဋသုတ် #ဓဇဂ္ဂသုတ် #အာဋာနာဋိယသုတ် #အင်္ဂုလိမာလသုတ် #ဗောဇ္ဈင်သုတ် #ပုဗ္ဗဏှသုတ်