10.03.2026 Жаңалықтар топтамасы скачать в хорошем качестве

10.03.2026 Жаңалықтар топтамасы

1. МУЗЕЙ - МҰРА, РЕФЕРЕНДУМ – БОЛАШАҚ Балқаш ауданында жаңа тарихи-өлкетану музейі ашылды. Жеке қаражат есебінен салынған бұл музей заманауи талаптарға сай бой көтерді. Салтанатты ашылу рәсіміне Алматы облысының әкімі Марат Сұлтанғазиев қатысып, тарихи мұраны келер ұрпаққа жеткізудің маңызын атап өтті. 2. 55 ПӘТЕР КІЛТІ ТАБЫСТАЛДЫ Талғар ауданы Панфилов ауылдық округінде 55 отбасы баспаналы болды. Мемлекеттік бағдарламамен салынған үйлер әлеуметтік осал топтағы азаматтарға берілді. 3. 17 ОТБАСЫ БАСПАНАЛЫ БОЛДЫ Қарада өңірінде де қуанышты жаңалық. Шонжы ауылында қоныс тойы тойланып, бір күнде 17 отбасы жаңа баспанаға қол жеткізді. Бұл – талай жылдан бері өз шаңырағын аңсаған жандар үшін ерекше сәт, қуаныш пен үмітке толы мереке болды 4. ШЕЛЕКТЕГІ ШЕШІЛМЕГЕН ТҮЙІТКІЛДЕР Еңбекшіқазақ ауданы, Шелек ауылында инфрақұрылым мәселесі әлі толық шешілмей келеді. Бірқатар көше жөнделмеген. Газ тарту жұмысы да аяқталар емес. Бұған қоса,электр жарығы да жиі сөнеді. Ал, көпті алаңдатқан бұл мәселе қашан шешілмек? 5. ШАЛКӨДЕНІҢ ШҰЖЫҒЫ Райымбек ауданы, Шалкөде ауылында табиғи өнімнен дайындалған үй шұжығы нағыз брэндке айналды. Ауылдың дәмі мен дәстүрін сақтаған бұл өнімді жеке кәсіпкер Қарлығаш Бақыт дайындайды. Қарапайым ғана ауыл тұрмысынан басталған іс бүгінде берекелі кәсіпке айналған 6. «ZHUBANOFFEST-2026» Алматыда Ахмет Жұбанов атындағы мамандандырылған музыка мектеп-интернатында халықаралық конференция өтті. Іс-шара сазгердің 120 жылдығына арналған «Zhubanoffest–2026» фестивалі аясында ұйымдастырылған. Биыл конференцияға қатысуға 6 мемлекеттің оқушылары мен студенттерінен бөлек өнер қайраткерлері, ғалымдар мен педагогтер келді. Тәжірибе алмасу алаңында 100 ден астам баяндама оқылып, 894 беттен тұратын жаңа ғылыми жинақ дайындалды. 7. ЖҰЛДЫЗДЫ ФУТБОЛ Бұрын соңды болмаған дода. Қарасай ауданында спорт және өнер жұлдыздарының қатысуымен футбол матчы өтті. Жасыл алаңда ел намысын әлемдік деңгейлі додаларда қорғап жүрген чемпиондар мен танымал эстрада жұлдыздары бәсекеге түсті. Жаңа Конституцияны қолдау мақсатында өткен айтулы кездесуге 3000 мыңға жуық жанкүйер жиналды. Аймақтағы басты оқиғалардан хабардар болу үшін Qonaev Media News арнасына жазылып, лайк басып, видеолармен бөлісіңіз. Instagram — https://www.instagram.com/qonaev.medi... TikTok — https://www.tiktok.com/@qonaev.media?... Telegram — https://t.me/qonaevmedia #QonaevMedia #КонаевМедиа #ҚонаевМедиа #Алматыоблысы #Алматинскаяобласть #Конаев #Қонаевқаласы #Қазақстанжаңалықтары #жаңалықтар #новости