Taxıl əkininə başlamaq istəyirsən və ya bu işdə təcürbən azdır? Qobustan buğda sortu ək! скачать в хорошем качестве

Taxıl əkininə başlamaq istəyirsən və ya bu işdə təcürbən azdır? Qobustan buğda sortu ək!

Sort 2007-ci ildən Azərbaycan Respublikasının seleksiya nailiyyətlərinin Dövlət reyestrinə daxildir və patentlə mühafizə olunur (Patent № 00096). Mənşəyi: Sort Beynəlxalq Seleksiya Mərkəzlərindən alınmış yumşaq buğdanın yarım-quraq bölgələr üçün regional müşahidə pitomnikindən (RBWON (SAA)-2) yerli şəraitə uyğunlaşan buğda genotiplərindən fərdi seçmə aparılmaqla alınmışdır. Ümumi xarakteristikası: Sort orta boyludur (96-100 sm), gövdəsi möhkəm, yatmaya davamlıdır, məhsuldar kollanması 2,3-2,5-dir. Tezyetişkəndir. Növmüxtəlifliyi qrekumdur. Sünbülü silindrik, tam yetişmədə qismən əyilən, uzun, orta sıxlıqda olub ağ rəngdədir. Qılçıqları ağ, kobud və dişlidir. Sünbüldə sünbülcüklər sıx yerləşmiş, dəni orta irilikdə, şırımın xarakteri dayaz, rəngi ağ olub yarımyumru və qayəsi tüklüdür. Sünbüldə dənlərin sayı 40-45 ədəddir. Məhsuldarlığı: Sortun suvarmada orta məhsuldarlığı 7,35 t/ha olmuşdur Müxtəlif bölgələrdə keçirilən ekoloji sınaqlar zamanı rayonlaşmış sortlardan 20-40% artıq dən məhsulu vermişdir. Potensial məhsuldarlığı 8,0-9,0 t/ha-dır. Dənin keyfiyyəti: 1000 dənin kütləsi 40-44 qramdır. Dəndə zülalın miqdarı 14,2-16,0%, kleykovina 30-31% olmuşdur. Yüksək texnoloji və çörəkbişirmə qabiliyyətinə malikdir. Xəstəliklərə və iqlim şəraitinə davamlılığı: Sortun tədqiqat illərində sarı pasa, sürmə xəstəliklərinə tutulması müşahidə olunmamışdır. Tez yetişdiyindən yaz-yay quraqlığına məruz qalmır. Becərilmə bölgələri və sələfləri: Sortun əsasən dəmyə, yarım-quraq, dağətəyi və qismən də suvarma bölgələrdə becərilməsi təklif olunur. Dəmyə bölgələrində sort üçün ən yaxşı sələf qara və bitkili heriklər, suvarma bölgələrində isə çoxillik otlar və cərgəarası becərilən bitkilər hesab olunur. Səpin müddəti: Dağlıq və dağətəyi dəmyə şəraitində optimal səpin müddəti sentyabr ayının 20- dən oktyabrın 10-dək, suvarma şəraitində isə oktyabrın ikinci və noyabrın birinci ongünlükləri aralığı hesab olunur. Səpin norması: Suvarma şəraitində hektara 4,0-4,5 mllyon, dəmyə şəraitində 3,5-4,0 milyon cücərən toxum səpilməsi tövsiyə olunur. Gübrə norması: Yüksək və keyfiyyətli dən məhsulu almaq üçün hektara təsiredici maddə hesabı ilə 80-100 kq fosfor və 50-60 kq kalium və 100-120 kq azot gübrələri verilməlidir.