Dha Jang E Akhiri Teer Ah - SarFaraz Wahid - Ishaq Fida скачать в хорошем качестве

Dha Jang E Akhiri Teer Ah - SarFaraz Wahid - Ishaq Fida

singer sarfaraz wahid poet ishaq fida داں جنگ ءِ آخری تیرءَ وراں ءُ رُخصت باں اے هَلک ءُ دَمک وتئ چہرگاں نہ مَٹیناں اے درد ءُ رَنج وتئ چیدگاں نہ ریپیناں اے آس ءُ آپ وتئ هستیءَ نہ رنجیناں داں سرمچار وتئ جاوراں نہ مَٹیناں کہ اوست مُهکمیں ڈیوایے ءِ بهاران بیت نوں ماهیکان مُجانی تہا شنکودیم انت همئے هسابءَ وتن آجوئی وداران بیت من سرگران تَہ وتئ کسہاں کُجا نَکشاں اے کِشک تراولیں پادانی مُژدهءَ بارانت نصیب دَنز ءُ گُبارانی جنگلءَ گارانت تو وهدءِ تُلسیں زیبائیءَ کُجا ڈس ئے اے دُرس اَنی همیشاں وتئ بهاراناں داں جنگءِ آخری تیرءَ وراں ءُ رُخصت باں اے سنگرانی سِلاه پوشیں بیتواریءَ کمال ِ زَپت اَبیتکیءِ چاڑ بے تاهیر زمین وارثیں ساهانی زندگیں کارست پہ سِتک رُولهیں رنگانی منزلءَ جُنزانت صباءِ سُهریءَ فکرانی جیڑگاں، جیڑاں گوں پادءِ تراولاں پندانی مُشکلاں واناں نویساں کِشک سواسانی واهگءِ تاکاں گُبار ریسیں هیالانی مهپراں پیچاں نگیگیں نوبتءِ چولانی بیل ءُ آلاڑاں شهیدیں دیدگاں وابانی سَنگہاں پروشنت وفا ءُ محبتءِ جنگ انت سفر نمیران باں داں جنگءِ آخری تیرءَ وراں ءُ رُخصت باں بدل نہ بنت کپوتانی کوکوءِ آواز سُبّکیں گوات، وتئ بانزُلءَ نہ پَرّچیت گیاب هالی انت دْرچکانی مجلسءَ هچ نیست رُدان انت تُن وتئ آگهیءِ اومانءَ تَہ سرگراَنت کدی کونج رَپتگیں شهرءَ من ریگزارءِ بدن پِرّنچ اِتہ ءُ هیراناں کہ آس اَچ وتئ داواءَ چنچو مُلمہ انت نوں گریوگانی چِڈّکہ اوں مَٹ بوواناں کہ وهد کندگءِ بستارءَ اَنچو پوه بیتگ اے جنگ اَنچو منی انت ہمئے وڈا تئ انت من زندگیءِ توارءَ دَمانے ساکم باں داں جنگءِ آخری تیرءَ وراں ءُ رُخصت باں منی زمین منی دل منی گمءِ شاہد داں چُنتءَ اَچ وتئ بیگواهءِ پَدا نِندئے نوں مارا ایمنی تژنیگ کنت ءُ بچکندیت نوں مارا بیوسی ویران کنت ءُ سَرچَنڈیت اے اَہد سازیں گُلابانی واب مانا بنت کہ گُلزمینءِ دُرهیں لنککُان کناں هنّی وتن نوائیں چراگانی آسءَ بُرز کناں کہ آجوئیءِ کَساب هونءِ وشبوهاں لوٹیت پہ بامءِ سُهرچَکیں دیدارءَ کِے شپاں وپسیت او همنوا من تئ لُنٹءِ کندگاں زیراں داں جنگءِ آخری تیرءَ وراں ءُ رُخصت باں #balochisong #balochistan #sarfarazwahid