“HIJA L-PASSJONI TIEGĦI” - DILETTANT TAL-ĠIMGĦA L-KBIRA скачать в хорошем качестве

“HIJA L-PASSJONI TIEGĦI” - DILETTANT TAL-ĠIMGĦA L-KBIRA

ONE.COM.MT • U nibqgħu fuq l-istess tema, għaliex għad-dilettanti tal-wirjiet, dan huwa l-isbaħ żmien tas-sena, meta jesebixxu dak li jkunu ilhom jaħdmu fuqu tul is-sena kollha. ONE News tkellem ma’ Marvic Aquilina, li ilu tmien snin jaħdem b’passjoni fuq il-wirja tiegħu u qalilna li għal dan il-passatemp, m’hemmx sajf u xitwa. KITBA: MATTHEW FARRUGIA FILMAT: CHRIS BORG F’Ħadd il-Palm, il-jum li jagħti bidu għall-Ġimgħa Mqaddsa, li twassal għall-ikbar festa tal-Knisja Kattolika, fi Triq il-Fuħħar f’Ħal Tarxien kien hemm xena mhux tas-soltu, hekk kif din it-triq ingħalqet biex jittella’ kunċert ta’ marċi funebri. Il-moħħ wara dan il-kunċert huwa Marvic Aquilina, li ilu jiddedika ħinu għaċ-ċelebrazzjonijiet ta’ żmien il-Ġimgħa l-Kbira u l-Għid għal dawn l-aħħar tmien snin, u din is-sena, huwa tella’ dan il-kunċert biex kull min jattendi, jidħol aktar fl-ispirtu ta’ dawn iż-żminijiet. Marvic itella’ wkoll wirja tal-Ġimgħa l-Kbira. MARVIC AQUILINA TELLA’ L-WIRJA U L-KUNĊERT “Hija xi ħaġa sabiħa ħafna. Fl-aħħar mill-aħħar dil-wirja, apparti kulturali, hija reliġjuża. Tfakkarna fil-mewt ta’ sidna Ġesu Kristu, u xtaqt li jkun hemm ukoll dawn il-marċi funebri li huma xi ħaġa sinonima mal-Ġimgħa l-Kbira f’Malta.” Din is-sena, fil-wirja, wieħed jista’ jsib sett statwi tal-mibki Noel Cauchi, flimkien ma’ vara kbira li hija replika ta’ dik f’Raħal Ġdid u bust ta’ Ġesù Kristu. Ma’ dan l-istazzjon, Marvic stqarr li kull sena jaħdem biex isebbaħ il-wirja u jżidilha d-dettall, u jistqarr li jkun fil-ġenna tal-art. MARVIC AQUILINA TELLA’ L-WIRJA U L-KUNĊERT “Hija l-passjoni tiegħi, m’hemmx sajf u m’hemmx xitwa. Dejjem, matul il-ġimgħa dejjem irrid insib il-ħin, niġi hawn, inqatta’ l-ħin u naħdem fuqha, u nara dejjem x’se nagħmel ġdid. Huwa l-passatemp tiegħi, passatemp tiegħi li jtini ħafna sodisdfazzjon.”