Dashuria që s’njeh distancë! Familja flet njëzëri për dritëzën e shtëpisë: Je krenaria jonë! скачать в хорошем качестве

Dashuria që s’njeh distancë! Familja flet njëzëri për dritëzën e shtëpisë: Je krenaria jonë!

“E Diela Shqiptare” në Tv Klan ka gjithnjë në fokus familjen dhe vjen në çdo shtëpi përmes ekranit duke ndarë mesazhe të forta për të. Programi është një ‘dritare’ ku ndahet loja, shqetësimi, diskutimet, momentet e trishtuara e të gëzuara, siç ndodh në një shtëpi. Këtë herë, një familje e tërë vjen në “Ka Një Mesazh Për Ty” për një person të vetëm. Gazetarja Doreada Mio dhe familja e saj janë shumë të lidhur, por prej disa vitesh, në shtëpi mungon më e vogla, Zheni. Ajo është zhvendosur në Vjenë me familjen e saj dhe tashmë asgjë nuk është njësoj. Dreka familjare në ditën e diel, takimet, ditëlindjet, festat pa të nuk kanë të njëjtën shije. Zheni është kujdesur gjithnjë për familjen duke organizuar gjithçka dhe duke i surprizuar gjithnjë, por këtë herë, surpriza është për të. Doreada: Zheni! Ideja për këtë mesazh ishte imja. Të kërkoj falje që të thashë se ka menduar babi një drekë se do që të jemi të gjithë bashkë dhe mbase do të na japë edhe ndonjë lek, harroje! Zheni: S’ka drekë për sot! Ardit Gjebrea: Drekë po, por lekë jo! Doreada: Të shohim! Ndërkohë që ti na ke bërë gjithnjë surpriza, ke organizuar dasmat, ditëlindjet, ditëlindjet e fëmijëve, pushimet, vazhdon gjithmonë. Unë dhurata e torta me qirinj nuk di të bëj, por di të bëj surpriza te Arditi dhe besoj i kam mbyllur të gjitha ato që nuk kam bërë me këtë. Jam shumë krenare për ty, ne të gjithë jemi, më pëlqen shumë gruaja që ti je bërë me gjithë potencialin tënd, të shoh të vendosur, të shoh me kokën lart, me shikimin gjithmonë përpara, por nga ana tjetër më duket sikur mban shumë përgjegjësi mbi supe, do t’i bësh të gjitha gjërat në perfeksion. Thuaj edhe ndonjëherë jo ose lër ndonjë gjë të vogël pa bërë se nuk ka rëndësi t’i bësh mirë, shkëlqyer të gjitha, ka rëndësi të shohësh edhe veten tënde pak. Ndërkohë që ti je rritur, je bërë grua, për mua ti do të mbetesh gjithmonë ajo bebja e vogël që të kam parë te divani në “Ali Dem” kur të solli mami për herë të parë. Të dua shumë! Do të doja të të isha më pranë dhe të të ndihmoja më snumë siç më ke ndihmuar ti mua kur kam pasur djalin e vogël, por largësia është largësi... Motra e dytë, Anjeza, e quajti “dritëzën” dhe “bekimin” e shtëpisë. Anjeza: Zhen, ti je, ke qenë dhe do të mbetesh gjithmonë dritëza e shtëpisë sonë! Je bekimi ynë! Faleminderit që ekziston! Ndërsa nëna, Natasha që u shpreh se e ka pikë të dobët më të voglën, pati edhe një këshillë për të. Natasha: Jo të gjitha t’i marrësh përsipër dhe t’i bësh vetë. Qëndro njëherë zemra e mamit! Ulu, qëndro, shiko veten dhe duke parë veten, do t’i shikosh më mirë fëmijët, burrin dhe të gjithë neve. Mami të do siç të ka dashur dhe nuk të zëvendësoj me asnjërën nga këto të dyja vetëm për atë fjalë dhe përkëdheli që më jep ti mua! Babai i shprehu me plot zemër krenarinë që ndien për të. Vasillaq: Zheni, jam shumë krenar për ty! Vazhdo se je në rrugë të mbarë! E zgjuar, e mençur, sistematike, e formatuar në të gjitha drejtimet! Je krenaria e familjes sonë! E Diela Shqiptare, programi më popullor në të gjitha familjet shqiptare, vjen çdo të diel. Një program i cili përfshin një fashë orari maratonë, prej 6 orësh transmetim live. Struktura e programit: “Ka një mesazh për ty”, “Quiz me 5 Yje”, “Të panjohurit”, “Kujdes shëndetin”, “Telebingo shqiptare”, “Shihemi në gjyq”, “Power Kidz”, etj. Ndërsa që prej vitit 2003, bashkëprodhon me Klan festivalin më prestigjioz të muzikës moderne shqiptare, “Kënga Magjike”, live nga Pallati i Kongreseve. #EDielaShqiptare #ArditGjebrea #TVKlan #mihallaq #natasha #anjeza #doreadamio #familje #zheni #dashuri #motra #prinder #vjene #surprize