စစ်ပွဲအတွင်းဘုရားကျောင်း ထိခိုက်မှုကို KIA စစ်ဌာနချုပ်ထိခိုက်မှုအဖြစ် စစ်ကောင်စီ လော်ဘီများ ပုံဖော် скачать в хорошем качестве

စစ်ပွဲအတွင်းဘုရားကျောင်း ထိခိုက်မှုကို KIA စစ်ဌာနချုပ်ထိခိုက်မှုအဖြစ် စစ်ကောင်စီ လော်ဘီများ ပုံဖော်

ZZ (မဇ္ဈိမ)။ ။ ကချင်ပြည်နယ် ဝိုင်းမော်မြို့ လမြန်ရွာမှာ KIA/PDF စခန်းဌာနချုပ်ကို စစ်ကောင်စီတပ်က ဒရုန်းဗုံးနဲ့ ပစ်ခတ်တာကြောင့် သေဆုံးမှုများပြားတဲ့အကြောင်းကို ထိခိုက်ပျက်စီးမှုတွေနဲ့ ဘုရားကျောင်းပုံကို တွဲပြီး သတင်းဖြန့်ဝေနေတာတွေရှိနေပါတယ်။ ဒီအကြောင်းကို စာရင်းသွင်းသူ ၂၁,၇၄၀ ရှိတဲ့ "Truth Media" တယ်လီဂရမ် ချန်နယ်ကနေ စပြီး ဖြန့်ဝေထားတာပါ။ ပျက်စီးနေတဲ့ ခရစ်ယာန် ဘုရားရှိခိုးကျောင်း ပုံ သုံးပုံနဲ့အတူ ဇွန်လ ၁၁ ရက်နေ့မှာ “လမြန်KIA ဝိုင်းမော် လမြန်ရွာKIA,PDFစခန်းဌာနချုပ်၊ဒရုန်းဗုံးစာမိ၊KIAအများအပြားသေဆုံးထိခိုက်ဒဏ်ရာရဟုကနဦးသိရသည်။ KIAသေဆုံးစာရင်းဆက်လက်ဖော်ပြပေးပါမည်။”လို့ (မူရင်းအရေးအသားအတိုင်း) ရေးပြီး ဖြန့်ဝေထားတာပါ။ ဒီအကြောင်းကို တခြားတယ်လီဂရမ် ၁၂ ခုကနေလည်း ဖြန့်ဝေထားပြီး ကြည့်ရှုသူ ၆၀,၀၀၀ ကျော်ရှိနေပါပြီ။ အလားတူပဲ ဖေ့ဘုတ်မှာလည်း ပျံ့နှံ့နေပါတယ်။ အချက်အလက် စစ်ဆေးသူတွေက ဒီသတင်းကို စိစစ်တဲ့အခါမှ ဒီသတင်းဟာ တစိတ်တပိုင်းမှားယွင်းနေတာကို တွေ့ရပါတယ်။ လမြန်ရွာမှာ စစ်ကောင်စီက ဒရုန်းနဲ့ ဗုံးကြဲတိုက်ခိုက်တာကြောင့် ခရစ်ယာန်ဘုရားကျောင်းတကျောင်း ထိခိုက်ပျက်စီးသွားတာပါ။ ဒီအကြောင်းကို ကချင်ပြည်နယ် ဒေသတွင်း သတင်းဌာနဖြစ်တဲ့ "The 74 Media" မှာ ခါနန်နှစ်ခြင်းဘုရားကျောင်းကို စစ်ကောင်စီတပ်က ဒရုန်းနဲ့ သုံးကြိမ် ဗုံးကြဲတိုက်ခိုက်တယ်လို့ ဖော်ပြထားပါတယ်။ ဘုရားကျောင်း ထိခိုက်မှုမှာ လူသေဆုံးမှု မရှိပါဘူး။ လင့်- https://shorturl.at/TpPEp BBC ရဲ့ မြန်မာပိုင်းအစီအစဉ်မှာလည်း ဇွန်လ ၁၁ ရက်နေ့မှာ ဘုရားကျောင်း တိုက်ခိုက်ခံရမှုကို သတင်းဖော်ပြထားပါတယ်။ "ခရစ်ယာန်ဘုရားကျောင်း ၁ ကျောင်းပျက်စီးခဲ့ပြီး လူထိခိုက်တာတော့ မရှိဘူး" လို့ဖော်ပြထားပါတယ်။ လူသေဆုံးမှုက ခတ်ချိုကျေးရွာထဲမှာ လက်နက်ကြီး ကျရောက်ပေါက်ကွဲတာကြောင့် ဒေသခံ တဦး သေဆုံးပြီး နောက်ထပ် ခြောက်ဦး ဒဏ်ရာရတယ်လို့ ဆိုထားတာပါ။ လင့် - t.ly/-f0_a ဒီအကြောင်းကိုပဲ မဇ္ဈိမက ဒေသခံတွေနဲ့ မေးမြန်းပြီး သတင်းဖော်ပြထားပါသေးတယ်။ ခါနန်ဘုရားကျောင်း ပြိုကျပျက်စီးခဲ့ပြီး ခတ်ချိုရွာ မှာတော့ လူသေဆုံးမှုရှိပြီး ဒဏ်ရာရရှိတဲ့သူတွေရှိတဲ့အကြောင်း ဒေသခံတွေဆီက သတင်းရရှိထားပါတယ်။ လင့် - https://shorturl.at/l3R1A ခါနန်အသင်းတော်ဘုရားကျောင်းကိုစစ်ကောင်စီက ဗုံးကြဲတိုက်ခိုက်ခဲ့တဲ့အပေါ် ကန့်ကွက်ရှုံ့ချတဲ့အကြောင်းကိုလည်း ကချင်လူအခွင့်အရေးစောင့်ကြည့်ရေးအဖွဲ့ - Kachin Human Rights Watch (KHRW)က ထုတ်ပြန်ထားပါတယ်။ လင့် - https://shorturl.at/0nNfF ဒါကြောင့် သတင်းတုမှာ ဖော်ပြထားသလို့ KIA/PDF စစ်ဌာနချုပ်ကို စစ်ကောင်စီတပ်က တိုက်ခိုက်တာမဟုတ်ဘဲ ခါနန် ခရစ်ယာန်ဘုရားရှိခိုးကျောင်းကို ဗုံးကြဲတိုက်ခိုက်တာပါ။ နောက်ပြီး သေဆုံးမှု များပြားတယ်လို့ ဆိုထားတာမှာ ဘုရားကျောင်းထိခိုက်မှုကြောင့် သေဆုံးမှုမရှိဘဲ ဝိုင်းမော်မြို့နယ်ထဲမှာပဲ ရှိတဲ့ ခတ်ချိုရွာကို လက်နက်ကြီးနဲ့ပစ်ခတ်တာကြောင့် ဒေသခံ တဦး သေဆုံးခဲ့တာပါ။ KIA/PDF တပ်သားတွေ ထိခိုက်သေဆုံးတာ မဟုတ်ပါဘူး။ စစ်ကောင်စီတပ်ဟာ တိုက်ပွဲအတွင်းမှာ ခရစ်ယာန်ဘုရားကျောင်းကို ရည်ရွယ်ချက်ရှိရှိ ဒရုန်းနဲ့ ဗုံးကြဲတိုက်ခိုက်ခဲ့တာဖြစ်ပြီး ဒါဟာ စစ်ရာဇဝတ်မှုကို ကျူးလွန်တာအပြင် လွတ်လပ်စွာကိုးကွယ်ခွင့်ကိုပါ ထိခိုက်နေတာပဲ ဖြစ်ပါတယ်။ ဒီလိုအခြေအနေမှာ စစ်ကောင်စီ လော်ဘီတွေကနေ ဘုရားကျောင်းမဟုတ်ဘဲ စစ်ဌာနချုပ်ကို ဗုံးကြဲတာဖြစ်တဲ့အကြောင်းကို သတင်းတုနဲ့ ပုံဖော် ဖြန့်ဝေနေကြတာပဲ ဖြစ်ပါတယ်။ သတင်းဖတ်ရှုသူတွေအနေနဲ့ သတင်းတုလို့ သံသယရှိရင်ဖြစ်ဖြစ် သတင်းတုကိုတွေ့ခဲ့ရင်ဖြစ်ဖြစ် မဇ္ဈိမကို အချက်အလက်စစ်ဆေးဖို့အတွက် ပေးပို့လို့ရပါတယ်။ ပေးပို့မယ်ဆိုရင်တော့ t.ly/AjFbz ဆိုတဲ့ လင့်ကို ရိုက်ထည့်ပြီး သတင်းလင့်နဲ့တကွ စစ်ဆေးစေချင်တဲ့အကြောင်းအရာကိုဖြည့်စွက်ပေးပို့နိုင်ပါတယ်။ #Misinformation_Buster #Fake_News #War_Crimes #Propaganda #Hkarnan_Church ----------------------------------------- မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်ခေါ်လိုက်ပါရစေ. လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U Subscribe our channel:    / @mizzimanewstv   Follow us: Facebook | Myanmar Language   / mizzimadaily   Facebook | English language   / mizzimamyanmarnews   Facebook | Mizzima+TV   / mizzimaplustv   Twitter   / mizzimanews   Telegram https://t.me/mizzimatv Sportify https://open.spotify.com/show/0JqldUl... Mizzima TV App http://onelink.to/jnuwak Mizzima Weekly Analysis & Insight Patreon https://patreon.com/MizzimaMedia?utm_... Website : https://bur.mizzima.com https://eng.mizzima.com https://www.mizzima.tv ..................... About us: Mizzima today is recognized as the most accessed and trusted source of news for the people of Myanmar. Mizzima boasts over 21 million followers of our main Facebook page in addition to a digital daily newspaper in Burmese, Mizzima App, weekly English language magazine, and FM and shortwave radio broadcasting. In addition to the approximately 32 million people reached via Mizzima TV and Radio broadcasting.