#ព្រះ скачать в хорошем качестве

#ព្រះ

#ចំណងជើងវីដេអូ៖ «សេចក្តីសុចរិតនៃព្រះបាន​សំរេច​ក្នុង​ខ្លួន​យើង​រាល់​គ្នាហើយ» His Righteousness Fulfilled In Us #រៀបរៀងឡើងដោយ Pastor Chris #ព្រះបន្ទូលនៃសេចក្ដីពិតសម្រាប់ថ្ងៃច័ន្ទ ទី២៤ ខែមីនា ឆ្នាំ២០២៥។ «សេចក្តីសុចរិតនៃព្រះបាន​សំរេច​ក្នុង​ខ្លួន​យើង​រាល់​គ្នាហើយ» His Righteousness Fulfilled In Us #អត្ថបទព្រះបន្ទូលដកស្រង់នេះរៀបរៀងឡើងដោយ Pastor Chris បង្រៀនអំពី «ជីវិតដ៏អស់កល្ប» «ដើម្បី​ឲ្យ​សេចក្តី​ក្រឹត្យវិន័យ​បង្គាប់​មក បាន​សំរេច​ក្នុង​ខ្លួន​យើង​រាល់​គ្នា ដែល​មិន​ដើរ​តាម​សាច់​ឈាម គឺ​ដើរ​តាម​ព្រះវិញ្ញាណ​វិញ» (រ៉ូម 8:4 NIV)។ លោកម៉ូសេ​មាន​ការបើកសម្ដែងអំពី​សេចក្ដី​សុចរិត​របស់​ព្រះ​តាម​រយៈ​ក្រឹត្យវិន័យ ថាតើវាពិតជាពិសេស និងអស្ចារ្យប៉ុណ្ណាទៅ។ ហើយពិតណាស់ ការអស្ចារ្យនេះយើងមិនអាចឃើញបានតាមរយៈជាតិសាសន៍ផ្សេងៗបានឡើយ។ ដូចដែលោកម៉ូសេបានបង្ហាញឲ្យឃើញនៅក្នុងបទគម្ពីរចោទិយកថាគឺ «ហើយ​តើ​មាន​សាសន៍​ដ៏​ធំ​ណា​មួយ ដែល​មាន​ច្បាប់ និង​បញ្ញត្ត​ដ៏​ត្រឹមត្រូវ ឲ្យ​ដូច​ជា​ក្រឹត្យ​ព្រះវិន័យ​នេះ ដែល​អញ​ដាក់​នៅ​មុខ​ឯង​រាល់​គ្នា​នៅ​ថ្ងៃ​នេះ​ដូច្នេះ។» (ចោទិយកថា ៤:៨)។ នៅក្នុងចោទិយកថា 6:25 លោកម៉ូសេបានរំភើបជាមួយនឹងភាពស្រស់ត្រកាលនៃបញ្ញត្តនោះ។ ហើយលោកម៉ូសេបានដឹងថា​ បញ្ញត្តនោះមិនមានទំនូលអ្វីធ្ងន់ធ្ងរទេ ប៉ុន្តែ​ជា​ការ​ឆ្លុះ​បញ្ចាំង​ពី​ភាព​សុចរិត​ដ៏​អស្ចារ្យ​របស់​ព្រះវិញ។ អញ្ចឹងហើយ គាត់​បាន​និយាយទៅកាន់ប្រជារាស្ត្រ​ថា ការដែល​គោរព​តាម​បញ្ញត្តិទាំងនោះ ​នឹង​ធ្វើ់ឲ្យពួកគេបានជាសុចរិត៖ «ដូច្នេះ បើ​យើង​ប្រយ័ត្ន និង​កាន់​បញ្ញត្ត​ទាំង​នេះ នៅ​ចំពោះ​ព្រះយេហូវ៉ា ជា​ព្រះ​នៃ​យើង ដូច​ជា​ទ្រង់​បាន​បង្គាប់​មក នោះ​នឹង​បាន​រាប់​ជា​សេចក្តី​សុចរិត​ដល់​យើង​ហើយ។»។ ក្រោយមក លោកម៉ូសេក៏បានបញ្ជាក់បន្ថែមអំពីសេចក្ដីពិតនេះ នៅក្នុងចោទិយកថា 32:45-47 ថា “កាល​ម៉ូសេ​បាន​ប្រាប់​ពាក្យ​ទាំង​នេះ ដល់​សាសន៍​អ៊ីស្រាអែល​ទាំង​អស់​ស្រេច​ហើយ នោះ​លោក​ក៏​មាន​ប្រសាសន៍​ថា ចូរ​យក​ចិត្ត​ទុក​ដាក់​នឹង​ពាក្យ​ទាំង​អស់​ដែល​អញ​បាន​ប្រាប់​ដល់​ឯង​រាល់​គ្នា​នៅ​ថ្ងៃ​នេះ​ចុះ ដើម្បី​នឹង​បង្គាប់​ដល់​កូន​ចៅ​ឯង​រាល់​គ្នា ឲ្យ​ប្រយ័ត្ន​នឹង​ប្រព្រឹត្ត​តាម​ដែរ គឺ​ជា​អស់​ទាំង​ពាក្យ​ក្នុង​ក្រឹត្យវិន័យ​នេះ នេះ​មិន​មែន​ជា​សេចក្តី​ឥត​ប្រយោជន៍​ដល់​ឯង​រាល់​គ្នា​ទេ គឺ​ជា​ជីវិត​ដល់​ឯង​រាល់​គ្នា​វិញ ហើយ​ដោយសារ​សេចក្តី​នេះ នោះ​ឯង​រាល់​គ្នា​នឹង​បាន​ជីវិត​ជា​យូរអង្វែង​ត​ទៅ នៅ​ក្នុង​ស្រុក​ដែល​ឯង​រាល់​គ្នា នឹង​ឆ្លង​ទន្លេ​យ័រដាន់​ចូល​ទៅ​ចាប់​យក​នោះ។” ។ លោក​ម៉ូសេបាន​ចាត់ទុក​បញ្ញត្តនេះគឺជា​ជីវិត​របស់​ខ្លួន ហើយ​បាន​ជំរុញ​ឲ្យ​ប្រជារាស្ត្រនៃព្រះ​ធ្វើ​តាម​។ គម្ពីរសញ្ញាថ្មីក៏បង្ហាញពីទស្សនៈដូចគ្នានេះដែរ។ នៅក្នុងរ៉ូម 8: 3-4 យើងបានឃើញសេចក្ដីសម្រេចនៃសេចក្តីសុចរិតនេះ តាមរយៈព្រះគ្រីស្ទគឺថា: «ពី​ព្រោះ ឯ​ការ​ដែល​ក្រឹត្យវិន័យ​ធ្វើ​មិន​កើត​ដោយ​មាន​សេចក្តី​កំសោយ​ព្រោះ​សាច់​ឈាម នោះ​ព្រះ​ទ្រង់​បាន​ធ្វើ​វិញ ដោយ​ចាត់​ព្រះរាជបុត្រា​ទ្រង់​ឲ្យ​មក មាន​រូប​អង្គ​បែប​ដូច​ជា​សាច់​ឈាម ដែល​តែង​តែ​មាន​បាប ហើយ​ដោយ​ព្រោះ​អំពើ​បាប ក៏​កាត់​ទោស​អំពើ​បាប​នៅ​ក្នុង​សាច់​ឈាម ដើម្បី​ឲ្យ​សេចក្តី​ក្រឹត្យវិន័យ​បង្គាប់​មក បាន​សំរេច​ក្នុង​ខ្លួន​យើង​រាល់​គ្នា ដែល​មិន​ដើរ​តាម​សាច់​ឈាម គឺ​ដើរ​តាម​ព្រះវិញ្ញាណ​វិញ។ សេចក្ដីសុចរិតនៃបញ្ញត្តនោះ ដែលលោកម៉ូសេបានចាត់ទុកថា ជាសិរីល្អ និងស្រស់ត្រកាល ឥឡូវនេះ បានសំរេចហើយ សម្រាប់អស់អ្នកណាដើរតាមព្រះវិញ្ញាណ។ ដ្បិតសេចក្តីសុចរិតរបស់ព្រះ ត្រូវបានសំដែងមកតាមរយៈយើង។ ក្នុង​នាម​ជាទូតនៃនរគរបស់ព្រះ សូមយើង​ប្រាប់​សេចក្តី​សុចរិត សេចក្ដីសុខសាន្ត និង​សេចក្តី​អំណរ​របស់​ព្រះ​ដល់​ប្រជាជាតិនានាចុះ។ មិនថា​អ្នក​ទៅទី​ណា​ក៏​ដោយ ពេលដែលអ្នកទៅដល់ទីនោះ សេចក្ដី​សុចរិត​ក៏​មក​ដល់ទីនោះដែរ។ នៅពេលអ្នកឈានជើងជាន់ទីកន្លែណាមួយ សន្តិភាពនឹងមកជាមួយអ្នកដែរ។ កន្លែងដែលអ្នកកំពុងមានវត្តមាន នោះសេចក្ដីអំណរក៏បង្ហាញខ្លួនដែរ។ ជាប្រចាំថ្ងៃរបស់អ្នក អ្នកគួរតែយល់ដឹងអំពីរឿងនេះចុះ; ព្រះនគររបស់ព្រះនឹងពង្រីកបាន ក៏ដោយសារអ្នកហើយ។ ហាលេលូយ៉ា! #សេចក្ដីអធិស្ឋាន ឱព្រះវរបិតាអើយ កូនសូមអរព្រះគុណទ្រង់សម្រាប់ការបើកសម្ដែងពីសេចក្តីសុចរិតរបស់ទ្រង់ តាមរយៈព្រះបន្ទូល ហើយតាមរយៈព្រះគ្រីស្ទ នោះកូនក៏អាចសម្រេចសេចក្ដីសុចរិតនោះបាន។ កូន​សូម​ប្រកាស​ថា កូន​ដើរ​តាម​ព្រះវិញ្ញាណបរិសុទ្ធ ថែមទាំងបង្ហាញ​ជីវិតនេះ និង​សិរីល្អ​នៃ​ព្រះបន្ទូល​របស់​ព្រះ​ដល់​ពិភពលោក​របស់​កូន។ ព្រះ​បន្ទូល​ទ្រង់​ជា​ជីវិត​របស់​កូន ហើយ​កូន​នឹងទុកថា ព្រះបន្ទូលគឺសំខាន់​លើស​ជាង​អ្វី​ទាំង​អស់។ កូនសូម​អរគុណ​ចំពោះ​ការ​ធ្វើ​ឲ្យ​កូន ជាអ្នកដែលបង្ហាញ​ពី​សេចក្តី​សុចរិត​របស់​ទ្រង់ កូនសូមអធិស្ឋាននៅក្នុង​ព្រះនាម​ព្រះយេស៊ូវ។ អាម៉ែន #ការសិក្សាបន្ថែម៖ ទំនុកតម្កើង ១៩:៧​-​៩ កូរិនថូសទី២ ៣:៧-៩ កាឡាទី ៣:២៤​-​២៥