ធម៌កាព្យ​ ធម្មសង្វេគ​ តាំងពី​ នគាមធម្មោ​,​ អនិច្ចា​ ,រហូត​ យថា​ ទណ្ឌេន​ វត្តស្រែល្អ​ ឧត្តរមានជ័យ скачать в хорошем качестве

ធម៌កាព្យ​ ធម្មសង្វេគ​ តាំងពី​ នគាមធម្មោ​,​ អនិច្ចា​ ,រហូត​ យថា​ ទណ្ឌេន​ វត្តស្រែល្អ​ ឧត្តរមានជ័យ

🙏🌻សុភមង្គល សម្រាប់គ្រួសារមួយដែល ផ្ដើមចេញ ពីមនុស្សពីរនាក់ស្រឡាញ់គ្នា គឺមានក្ដីស្រឡាញ់ជាមូលដ្ឋាន ហើយឈានចូលដល់ចំណុចរៀបអាពាហ៍ពិពាហ៍ ក្លាយជាប្ដីប្រពន្ធ ត្រូវមានសិរីសួស្ដី រួមគ្នា ៨ប្រការ​ ចេះថែរក្សានូវក្ដីស្រឡាញ់នេះជារៀងរហូត។ កូនស្រី មាន៣ប្រការ កូនប្រុសមាន៥ប្រការ ☀️🌹បើអីចឹងស្ដាប់ខ្ញុំ អស់លោកចាស់ទុំ ក្រមុំមេម៉ាយ ស្ដាប់ខ្ញុំបរិយាយ សិរីសួស្ដី អ្នកស្ដាប់ទើបយល់ អំពីអត្ថន័យ ខ្ញុំស្រាយសេចក្ដី ទៅតាមដំណើរ។ 🌻-ថ្ងៃនេះថ្ងៃជា វេលាល្អ មង្គលបវរ ប្រសើរថ្កើងថ្កាន ឯថ្ងៃក៏បើក បែកឫក្សក៏បាន ជួបជុំសន្ដាន អស់ទាំងញាតិផៅ។ 🌻-អាពាហ៍ពិពាហ៍ ថ្ងៃបើកវេលា មូលញាតិក្នុងក្រៅ ខ្ញុំសូមថ្លាថ្លែង លើកកាព្យប្រដៅ ពាក្យពេចន៍រាក់ជ្រៅ ប្រាប់ កូនប្រុសស្រី ។ 🌻- ខ្ញុំសូមរ៉ាយរ៉ាប់ និយាយសាសព័្ទ សិរីសួស្តី សិរីរុងរឿងកើតពីកូនស្រី ឯពាក្យសួស្តីកើតពីកូនប្រុស ។ 🌻-សុំទោសផងញាតិ ក្រែងពាក្យវិវាទ កើតមានកំហុស រូបខ្ញុំនេះឯងមិនចង់អោយខុស មិនចង់ជ្រុលជ្រួស ពាល់ប្រាជ្ញឬខ្លៅ ។ 🌻-កូនអើយ! ចូរចាំ,នូវពាក្យបណ្តាំ កិច្ចការរាក់ជ្រៅ កើតប្តីប្រពន្ធ ត្រូវធ្ងន់ណាស់ពៅ កុំអោយហ្មងសៅ ញាតិផៅដៀលជេរ ។ 🌻-ទី១កូនស្រី ចូរកូនឃ្មាតខ្មី ប្រឹងកុំទំនេរ កិច្ចការក្នុងផ្ទះ បោសជ្រះរិះរេ ជួយរក្សាកេរិ៏្ត ពូជពង្សណាពៅ ។ 🌻-កុំយកភ្លើងក្នុង នាំចេញទៅប្រុស ដុតទីខាងក្រៅ លះបង់វាចារណានាំអោយក្តៅ ជៀសផុតហ្មងសៅ ទើបកើតសុខា ។ 🌻-មួយទៀតភ្លើងក្រៅ កុំនាំសំដៅ ចូលក្នុងគ្រួសារ គឺកុំនាំភ្លើង ចូលក្នុងគេហា ចាំទុកណាបា រក្សាកេរ្តិ៏ស្រី ។ 🌻-កូនអើយ! ចាំទុក ប្រាជ្ញប្រាប់ទំនុក ឈ្មោះថាឥត្ថី ពាក្យនេះជាពាក្យ ភាសាបាលី ប្រែខ្មែរថាស្រី មានសិរីថ្កើង ។ 🌻-ពាក្យថាមនុស្សស្រី អ្នកមានសិរី ចំរើនរុងរឿង លាងមុខលប់ទ្រូង លាងជម្រះជើង មិនដែលនាំភ្លើង មកចូលក្នុងផ្ទះ ។ 🌻-ពាក្យថាលាងមុខ កូនស្រីចាំទុក គឺលាងជម្រះ លះពាក្យអាក្រក់ កុហក់មានះ លះជារចង់ឈ្នះ លះពាក្យនិន្ទា ។ 🌻-លះពាក្យលេងសើច និយាយអាសោចិ៏ នាំកើតវេរា មានពេលទំនេរ កុំឲ្យនាំគ្នា ចំណាយវេលា ឲ្យឥតប្រយោជន៍។ 🌻-លប់ទ្រូងកូនអើយ! ចូនកូនត្រាណត្រើយ លះចិត្តអាសោចិ៍យកទឹកមេត្តា មកស្រពមកស្រោច ចិត្តខឹងដូចខ្មោច ស្រោចគឺបាត់ខឹង ៕ 🌻-អត់ខន្តី ហៃបាកូនស្រី តស៊ូខំប្រឹង សន្តោសប្រោសប្រាណ ស្មោះស្មាននឹងធឹង លះចិត្តក្រោធខឹង ទើបមានសិរី ។ 🌻-លះចិត្តលោភលន់ ចង់បានទ្រព្យធន របស់អ្នកដទៃ លះចិត្តគុំគួន លះចិត្តមោហ៍មៃ, ដឹងគុណតាយាយ ឪពុកម្តាយផង ។ 🌻-សិរីទីបី ហៃអើ! កូនស្រី លាងគ្រឿងសៅហ្មង ចាស់ប្រាប់លាងជើង លាងកាយបីកង លាងជើងទាំងសង គឺលាងកាយា ។ 🌻-១គឺលះបង់ ពិឃាតប៉ុនប៉ង សម្លាប់សត្តា លះកាយកាន់យក ទ្រព្យអ្នកដទៃណា ត្រង់ពាក្យកាមា កុំឲ្យប្រព្រឹត្ត​ ។ 🌻-កុំភូតភប្តី ចាស់ថាអប្រីយ៍​ អាប់អួរជីវិត កើតកេរ្ដិ៍សោចិ៍​ ចង្រៃពេកពិត អស់ផៅញាតិមិត្ត ប្រមាថដៀលជេរ ។ 🌻-កូនស្រីចូរចាំ នូវពាក្យបណ្តាំ កូនត្រូវរិះរេ ពាក្យថា សិរី ទោះយើងឬគេ មានរាល់ថ្ងៃខែ ទើបឈ្មោះថា ស្រី ៕ ♥️🌻-រីឯកូនប្រុស ចូរកូនស្តាប់ចុះ ពាក្យថាសួស្តី នរៈជនណា ដែលខំឃ្មាតខ្មី ត្រូវចេះលកលៃ ប្រការប្រាំយ៉ាង ។ 🌻-បាននាមបុរស អ្នកមានចិត្តស្មោះ មានសួស្តីតាង មិនក្បត់ភរិយា សាងតែសំណាង មិនចេះកោងកាង កាចដាក់ប្រពន្ធ ។ 🌻-១គឺបុរិសា បរិភោគអាហារ ត្រូវមើលទ្រព្យធន បែរមុខទៅកើត មុនហូបភោជន មើលកូនប្រពន្ធ ទាសាទាសី ។ 🌻-មានហូបគ្រប់ទេ ឬមួយមានតែ ម្នាក់ឯងទេអី ត្រូវមើលឲ្យសព្វ មុនហូបចំណី ប្រៀបដូចជាថ្ងៃ បំភ្លឺលោកា ។ 🌻-២គឺបុរស ពេលត្រូវដេកស្មោះ ក្បាលត្បូងទិសា មុនចូលដំណេក គិតគ្រប់កិច្ចការ វត្ថុថ្លៃថ្លា ត្រូវទុកឲ្យល្អ ។ 🌻-បិទទ្វារចាក់សោ​ ក្រែងជួនមានចោរ លបលួចខ្សែក លួចកង់ម៉ូតូ របស់របរ បុរសប្តីល្អ មើលសព្វកិច្ចការ ។ 🌻-៣ប្រុសចូរចាំ ខ្លួនដេកខាងស្ដាំ ឆ្វេងឲ្យភរិយា ថែទាំប្រពន្ធ កុំឲ្យសង្កា ថ្នាក់ថ្នមរក្សា ឲ្យធ្វើការស្រាល។ 🌻-ដូចដៃខាងឆ្វេង ឯដៃនេះឯង រក្សាព្យាបាល ថែទាំថ្នាក់ថ្នម បីបមគ្រប់កាល មាសក្រហមច្រាល ពាក់ឲ្យដៃឆ្វេង។ 🌻-៤ប្រុសជាប្ដី ប្រឹងរាល់ខែថ្ងៃ កុំគិតតែលេង ខំប្រឹងឲ្យណាស់ ទាន់ខ្លួននៅក្មេង កាប់គាស់លីសែង កើតមាសកើតពេជ្រ។ 🌻-ប្រុសបន្ទោរបង់ លាមកតូចធំ បែរមុខទៅលិច ចាំឲ្យបានជាក់ ទុក្ខធំឬតិច នេះឯងជាកិច្ច ប្រៀបធៀបឧបមា។ 🌻-រីទុក្ខកង្វល់ កុំឲ្យនៅសល់ ដល់ថ្ងៃថ្មីណា ឲ្យលិចដូចថ្ងៃ នាទិសបច្ឆិមា កុំប្រើហិង្សា ទើបមានសួស្ដី។ 🌻-ទី៥នោះមិញ ត្រូវចេះស្រឡាញ់ ស្ម័គ្រស្មោះនឹងស្រី ដែលជាភរិយា ត្រូវមានភក្ដី មិនក្បត់នួនស្រី សិរីនៅផ្ទះ។ 🌸-ហើយចេះនាំគ្នា ខ្នះខ្នែងម្នីម្នា ត្រូវរៀនសំពះ យកវត្តបដិបត្តិ ជាមួយនឹងព្រះ គឺនៅលើផ្ទះ ម៉ែឪទាំងសង។ 🌸-បើចង់បានសុខ គ្រួសារស្រណុក រាប់ញាតិប្អូនបង ធ្វើបុណ្យឲ្យទាន ជាមួយសង្ឃផង គោរពរៀមច្បង បានសិរីសួស្ដី ។ 🌸-ពរ៤ប្រការ អាយុ វណ្ណា ពលំសុខី អាយុយឺនយូរ ព្រោះមានសិរី សម្បុរស្រស់ខ្ចី ខន្ដីឧត្តម។ 🌸-កម្លាំងមាំមួន មានពេញទាំងខ្លួន គោរពចាស់ទុំ សុខីសុខកាយ សប្បាយភិរម្យ គោរពគុណធំ ព្រះរតនត្រ័យ។ 🌸-ពរ៤នេះណា បានមកពីការ គោរពរាល់ថ្ងៃ គោរពម៉ែឪ មីងមាតាយាយ កើតសុខពេកក្រៃ គ្មានទុក្ខភ័យឡើយ។ 🌸-សូមជូនពរជ័យ ឲ្យកូនប្រុសស្រី បានសុខល្ហែល្ហើយ រស់ស្រឡាញ់គ្នា កុំប្រែព្រងើយ ឲ្យកូនត្រាណត្រើយ សុខរហូតហោង៕ ដោយ​ ព្រះគ្រូ​សិរីវិមលបញ្ញា​ សុខ​ ផ្លូច​ វត្តស្រែល្អ