Narayaneeyam || Dasakam 24 скачать в хорошем качестве

Narayaneeyam || Dasakam 24

Dasakam 24 The story of Prahlada (The story of Prahalada , the son of Hiranya Kasipu begins in this dasaka) Dasakam: 024 -- Shlokam: 01 हिरण्याक्षे पोत्रिप्रवरवपुषा देव भवता हते शोकक्रोधग्लपितधृतिरेतस्य सहज: । हिरण्यप्रारम्भ: कशिपुरमरारातिसदसि प्रतिज्ञमातेने तव किल वधार्थं मधुरिपो ॥१॥ hiraNyaakshe pOtripravaravapuShaa deva bhavataa hate shOka krOdha glapita dhR^itiretasya sahajaH | hiraNya praarambhaH kashipuramaraaraati sadasi pratij~naamaatene tava kila vadhaarthaM madhuripO || 1 Dasakam: 024 -- Shlokam: 02 विधातारं घोरं स खलु तपसित्वा नचिरत: पुर: साक्षात्कुर्वन् सुरनरमृगाद्यैरनिधनम् । वरं लब्ध्वा दृप्तो जगदिह भवन्नायकमिदं परिक्षुन्दन्निन्द्रादहरत दिवं त्वामगणयन् ॥२॥ vidhaataaraM ghOraM sa khalu tapasitvaa nachirataH puraH saakshaatkurvan suranara mR^igaadyairanidhanam | varaM labdhvaa dR^iptO jagadihabhavannaayakamidaM parikshundannindraadaharata divaM tvaamagaNayan || Dasakam: 024 -- Shlokam: 03 निहन्तुं त्वां भूयस्तव पदमवाप्तस्य च रिपो- र्बहिर्दृष्टेरन्तर्दधिथ हृदये सूक्ष्मवपुषा । नदन्नुच्चैस्तत्राप्यखिलभुवनान्ते च मृगयन् भिया यातं मत्वा स खलु जितकाशी निववृते ॥३॥ nihantuntvaaM bhuuyastava padamavaaptasya cha ripOH bahirdR^iShTerantardadhita hR^idaye suukshmavapuShaa | nadannuchchai statraapyakhila bhuvanaante cha mR^igayan bhiyaa yaataM matvaa sa khalu jitakaashii nivavR^ite || 3 Dasakam: 024 -- Shlokam: 04 ततोऽस्य प्रह्लाद: समजनि सुतो गर्भवसतौ मुनेर्वीणापाणेरधिगतभवद्भक्तिमहिमा । स वै जात्या दैत्य: शिशुरपि समेत्य त्वयि रतिं गतस्त्वद्भक्तानां वरद परमोदाहरणताम् ॥४॥ tatO(a)sya prahlaadaH samajani sutO garbhavasatau munerviiNaapaaNeH adhigata bhavad bhaktimahimaa | sa vai jaatyaa daityaH shishurapi sametya tvayi ratiM gatastvadbhaktaanaaM varada paramOdaaharaNataam || Dasakam: 024 -- Shlokam: 05 सुरारीणां हास्यं तव चरणदास्यं निजसुते स दृष्ट्वा दुष्टात्मा गुरुभिरशिशिक्षच्चिरममुम् । गुरुप्रोक्तं चासाविदमिदमभद्राय दृढमि- त्यपाकुर्वन् सर्वं तव चरणभक्त्यैव ववृधे ॥ ५ ॥ suraariiNaaM haasyaM tava charaNadaasyaM nijasute sa dR^iShTvaa duShTaatmaa gurubhirashishikshachchiramamum | guruprOktaM chaasaavidamidamabhadraaya dR^iDhamiti apaakurvan sarvaM tava charaNa bhaktyaiaiva vavR^idhe || 5 Dasakam: 024 -- Shlokam: 06 अधीतेषु श्रेष्ठं किमिति परिपृष्टेऽथ तनये भवद्भक्तिं वर्यामभिगदति पर्याकुलधृति: । गुरुभ्यो रोषित्वा सहजमतिरस्येत्यभिविदन् वधोपायानस्मिन् व्यतनुत भवत्पादशरणे ॥६॥ adhiiteShu shreShThaM kimiti paripR^iShThe(a)tha tanaye bhavadbhaktiM varyaamabhigadati paryaakuladhR^itiH | gurubhyOrOShitvaa sahajamatirasyetyabhividan vadhOpaayaanasmin vyatanuta bhavatpaada sharaNe || 6 Dasakam: 024 -- Shlokam: 07 स शूलैराविद्ध: सुबहु मथितो दिग्गजगणै- र्महासर्पैर्दष्टोऽप्यनशनगराहारविधुत: । गिरीन्द्रवक्षिप्तोऽप्यहह! परमात्मन्नयि विभो त्वयि न्यस्तात्मत्वात् किमपि न निपीडामभजत ॥७॥ sa shuulairaaviddhaH suvahu mathitO diggajagaNaiH mahaasarpairdaShTOpyanashana garaahaara vidhutaH | giriindraavakshiptO(a)pyahaha paramaatmannayi vibhO tvayi nyastaatmatvaat kimapi na nipiiDaamabhajata || 7 Dasakam: 024 -- Shlokam: 08 तत: शङ्काविष्ट: स पुनरतिदुष्टोऽस्य जनको गुरूक्त्या तद्गेहे किल वरुणपाशैस्तमरुणत् । गुरोश्चासान्निध्ये स पुनरनुगान् दैत्यतनयान् भवद्भक्तेस्तत्त्वं परममपि विज्ञानमशिषत् ॥८॥ tataH shankaaviShTaH sa punarati duShTO(a)sya janakaH guruuktyaa tadgehe kila varuNapaashaistamaruNat | gurOshchaasaannidhye sa punaranugaan daityatanayaan bhavadbhaktestattvaM paramamapi vij~naanamashiShat || 8 Dasakam: 024 -- Shlokam: 09 पिता शृण्वन् बालप्रकरमखिलं त्वत्स्तुतिपरं रुषान्ध: प्राहैनं कुलहतक कस्ते बलमिति । बलं मे वैकुण्ठस्तव च जगतां चापि स बलं स एव त्रैलोक्यं सकलमिति धीरोऽयमगदीत् ॥९॥ pitaa shR^iNvan baala prakaramakhilaM tvatstutiparaM ruShaa(a)ndhaH praahainaM kulahataka kaste balamiti | balaM me vaikuNThastava cha jagataaM chaapi sa balaM sa eva trailOkyaM sakalamiti dhiirO(a)yamagadiit || 9 Dasakam: 024 -- Shlokam: 10 अरे क्वासौ क्वासौ सकलजगदात्मा हरिरिति प्रभिन्ते स्म स्तंभं चलितकरवालो दितिसुत: । अत: पश्चाद्विष्णो न हि वदितुमीशोऽस्मि सहसा कृपात्मन् विश्वात्मन् पवनपुरवासिन् मृडय माम् ॥१०॥ are kvaasau kvaasau sakalajagadaatmaa haririti prabhintesma stambhaM chalita karavaalO diti sutaH | ataH pashchaadviShNO na hi vaditumiishO(a)smi sahasaa kR^ipaatman vishvaatman pavanapuravaasin mR^iDaya maam || #narayaneeyamtv #hinduism #haridasji #narayaneeyam #dasakam24