The Braes of Branksome - Allan Ramsay, Reg. QKKQJECT скачать в хорошем качестве

The Braes of Branksome - Allan Ramsay, Reg. QKKQJECT

The Braes of Branksome - Allan Ramsay As I cam' in by Teviot side, And by the braes of Branksome, There first I saw my bonnie bride, Young, smiling, sweet, and handsome. Her skin was safter than the down, And white as alabaster; Her hair, a shining, waving brown; In straightness nane surpass'd her. Life glow'd upon her lip and cheek, Her clear een were surprising, And beautifully turn'd her neck, Her little breasts just rising: Nae silken hose with gushats fine, Or shoon with glancing laces, On her bare leg, forbad to shine Weel-shaped native graces. Ae little coat and bodice white Was sum o' a' her claithing; E'en these oer muckle;—mair delight She'd given clad wi' naething. We lean'd upon a flowery brae, By which a burnie trotted; On her I glowr'd my soul away, While on her sweets I doated. A thousand beauties of desert Before had scarce alarm'd me, Till this dear artless struck my heart, And, bot designing, charm'd me. Hurried by love, close to my breast I clasp'd this fund of blisses,— Wha smiled, and said, Without a priest, Sir, hope for nocht but kisses. I had nae heart to do her harm, And yet I couldna want her; What she demanded, ilka charm O' hers pled I should grant her. Since heaven had dealt to me a routh, Straight to the kirk I led her; There plighted her my faith and trouth, And a young lady made her. #Allanramsay