你有冇試過被催眠？| 英國註冊催眠治療師媽媽｜兩年多以來第一次NHS嘅經驗｜世界上最厲害嘅催眠治療師係⋯⋯｜ скачать в хорошем качестве

你有冇試過被催眠？| 英國註冊催眠治療師媽媽｜兩年多以來第一次NHS嘅經驗｜世界上最厲害嘅催眠治療師係⋯⋯｜

我相信世界上對你嚟講最厲害嘅催眠治療師有三類： 1）你自己； 2）你身邊最親近嘅家人同埋朋友； 3）再其次係社會大環境。 自我對話、自我認同、自我設限，例如：中六彩一定無我份啦，我唔夠好、我唔值得、我一定要食甜野、我唔鐘意食菜等等； 身邊家人如何互動？阿爸點樣對阿媽嘅呢？ 你同朋友之間係點相處嘅呢？對於朋友嘅行為喜惡可能會好敏感，無形之中會學習到好多唔屬於你嘅觀念，例如：個個都鐘意嗰個歌星，我諗我都好鍾意佢呀。阿爸話我大個咗最好做律師、醫生或者工程師，唔知點解我好想令阿爸開心，我要做律師。 同樣致命嘅係個社會大環境，我讀小學上健康教育堂，睇過條片📺，佢教我：「病向淺中醫」，專家話咁樣對你最好，於是我就被條片催眠咗，相信咗呢個想法啦，我哋習慣咗有病就去睇醫生。 我大女3歲半之前，我都成日帶佢去睇醫生。 直到有一次，阿女流鼻水加小小咳，我帶佢去見家庭醫生，由於阿女對clinic 環境已經好熟，佢坐唔定行來行去，個年輕男醫生同我講：「太太，我觀察到你個女有過度活躍嘅徵狀，最好去做個相關評估。」由呢一刻開始，我知道自己相信嘅 同我 透過催眠治療所了解嘅宇宙真理有好根本上嘅出入。 我突然間覺醒！ 我哋點解唔相信自己有自我療癒力量？ 由個陣時開始，我兩個女基本上完全再無需要接觸任何藥物。 直到依家，我哋過咗嚟英國兩年有多，就算前年11月我中咗COVID-19, 我都無去睇醫生，幾日之後我自動康復。同我同住嘅兩個女從來驗到係negative。 大約三個月前，由於天氣好凍，大女不停流黃黃綠綠嘅鼻涕，於是我第一次帶女去睇NHS，醫生檢查完之後就話：「唔洗食藥，佢自己會好返。」當時我都有啲擔心，結果，真係咁樣，一個禮拜左右佢完全康復。 我好認同呢套 鼓勵自我療癒嘅理念，拒絕濫用藥物，同埋盡量唔好用對抗式嘅治療，減低對自己身體造成不必要嘅負擔。 我哋可以盡量用溫柔嘅轉化方式去調整自己嘅內在對話，當自我療癒力量被激活，基本上物質世界之中所有問題都會迎刃而解，獲得轉化。 我希望今日嘅分享，令大家再諗一諗，自己信緊啲咩嘢，有幾多係成長過程中被植入嘅？你可能一直被催眠而自己係唔知道嘅。 而光愛療癒，運用催眠治療嘅技術，基於宇宙嘅大愛，係雙方同意之下進行轉化嗰啲根本就唔屬你嘅負面信念，以提升大家嘅心靈能量，人自然可以創造更健康、豐盛同幸福嘅人生。 大家諗唔諗到任何阻住你活得更自在嘅想法，歡迎留言話俾我知，轉化嘅第一步係覺醒，然後係勇敢面對，轉化好自然就會成功。祝福大家活得更幸福自在。 有興趣了解更多歡迎瀏覽更多內容： https://m.facebook.com/story.php?stor... 或參考更多用家見證： https://m.facebook.com/story.php?stor... 聲明：有需要的話，請自己決定向你嘅醫生進行諮詢。