කුරුණෑගල විල්ගම්වෙහෙර රජමහා විහාරය | Wilgam Vehera, Kurunagala | බුද්ධානුසාසනා෴... скачать в хорошем качестве

කුරුණෑගල විල්ගම්වෙහෙර රජමහා විහාරය | Wilgam Vehera, Kurunagala | බුද්ධානුසාසනා෴...

සත් කෝරළ මහ දිසාවේ වෑඋඩ විල්ලි හත්පත්තුවේ මාදුරේ කෝරළයට අයත් විල්ගම් වෙහෙර රජමහ පිළිබඳ අධ්‍යයනය කරන විට එකී කලාපය තුළ ස්ථානගතව ඇති වෙහෙර විහාරස්ථාන අතුරින් වඩා වැදගත් ආස්ථානයක් හිමි කර ගන්නා අයුරු අධ්‍යයනය කළ හැකිය. විහාරස්ථානයට අයත් භුමිය හා ඒ ආශ්‍රිත කලාපය තුළ සිදුකරන ලද ගවේෂණයන් හා අධ්‍යයන අනුව ලක්දිව මුල් රාජධානි අවධීන් වූ අනුරාධපුර සහ පොළොන්නරු අවධීන් දක්වා ම එහි ඉතිහාසය දිවෙන බව පෙනී යන්නකි. මෙම විහාරය වටා ගොඩ නැගී ඇති ජනප්‍රවාද හා ජනශ්‍රැති අනුව දේවානම්පියතිස්ස රාජ සමය දක්වාත් දුටුගැමුණු රාජ්‍ය සමය දක්වාත් තවත් විටෙක වළගම්බා රාජ සමයේ දක්වාත් මෙහි ඉතිහාසය දිවෙන බව සඳහන් පෙනේ. එනමුත් එකී ජනප්‍රවාද තහවුරු කර ගැනීමෙහිලා පවතින සාධකයන්හි ඌණත්වය හේතුවෙන් එය තහවුරු කරගැනීම උගහටය. එසේ වුවද මෙම විහාර භුමියෙහි පවතින පුරා විද්‍යාත්මක සාධකයන්ට අනුව විල්ගම් වෙහෙර රජ මහ විහාරස්ථානය බෞද්ධාගමික විහාර ආරම්භක අවධිය දක්වා දිවෙන බව පැහැදිලිය. විහාර භූමියේ ගල්තලාව මත ස්ථාපිතව ඇති ශිලාලේඛන ද්විත්වය අධ්‍යයනය කිරීමෙන් හඳුනාගත් සාධක අනුව එම ශිලාලේඛනයන් පූර්ව බ්‍රාහ්මී අක්ෂරයන්ගෙන් හා අපර බ්‍රාහ්මී අක්ෂරයන්ගෙන් රචනා වී ඇති බව පෙනේ. ඒ අනුව ලක්දිව මුල්ම රාජධානි අවධිය දක්වා මෙකී විහාරයෙහි ඓතිහාසිකත්වය තහවුරු විය. තව ද, පූර්ව බ්‍රාහ්මීය අක්ෂරයන්ගෙන් හා අපර බ්‍රාහ්මීය අක්ෂරයන්ගෙන් රචිත ශිලා ලේඛන ද්විත්වයක් එක ස්ථානයක හමුවීම මගින් තහවුරු වන්නේ ශතවර්ෂ ගණනාවක් පුරා මෙම විහාරය සක්‍රීය ව පැවති බව තහවුරු විය. මෙම විහාරස්ථාන භූමිය ආශ්‍රිත ව සිදු කරන ලද ගවේෂණය මගින් පිහිටි ගල් තලාවෙහි කෙටු පියගැට පෙළවල් කණු පාදම්. ස්තම්භ. සඳකඩ පහන් ශිලාමය නටබුන් ස්මාරක හා චංචල පුරා වස්තු බොහොමයක් විසිරි ඇති බව දැකගත හැකි විය. විශාල ප්‍රදේශයක් පුරා විසිරී පවතින පුරා විද්‍යාත්මක සාධක අනුව අතීතයේ මෙම ස්ථානයේ විශාල ආරාම සංකීර්ණයක් පැවැති බවත් බොහෝ බෞද්ධ ජනයා රැස් වන්නට ඇති බවත් නිගමනය කෙරිණි. කෙසේ වෙතත් විහාරස්ථානය අවට පුද්ගලික ඉඩම් හිමිකරුවන් වගා කටයුතු සඳහා එළි පෙහෙළි කිරීම. විවිධ ඉදිකිරීම් කටයුතු සිදු කිරීම ආදී මානව ක්‍රියාකාරකම් හේතුවෙන් විහාරයේ ඉහළ භූමියේ පිහිටි ගල් බැමි, ගොඩනැගිලි සාධක සෝදාපාළුවට හසුව ඇති බවත් පැරනි ගඩොල්. මැටි බඳුන්, ශේෂ උළු කැබලි ජලය සමග පහළට සෝදාගෙන ගොස් හානි සිදු වී ඇති බව පෙනේ. 2013 වර්ෂයේ මෙම විහාරය ආශ්‍රිතව සිදු කරන ලද ගවේෂණය අනුව මෙම පුරාවිද්‍යා භූමියේ ආරක්ෂාව කර ගනු වස් පුරා විද්‍යා මායිම් කණු දමා මෙම ස්ථානයේ පැරණි ස්මාරක ආරක්ෂා කිරීම. නටබුන් වී යන ස්තූපය සංරක්ෂණය කිරීම. ගිරි ලිපිවලට ආරක්ෂිත වැටක් හා වටේට ජලය ඒම වැළැක්වීම සඳහා බැමි බැඳීම ආදී යෝජනා ඉදිරිපත් කර තිබුණ ද ඒ කිසිදු යෝජනාවක් මේ වන තුරුත් ක්‍රියාත්මක කර නොතිබීම කනගාටුදායකය. විනාස වෙමින් යන පුරාවස්තු ආරක්ෂා කිරීම සඳහා අවශ්‍ය ක්‍රියාමාර්ග කඩිනමින් නොගන්නේ නම් දීර්ඝ පුරාවෘත්තයකට උරුමකම් කියන විහාරයක ඉතිහාසය සැඟ වී යනු ඇත. මෙම විහාරස්ථානය හා තවත් ඓතිහාසික ස්ථානයන් පිළිබඳ ගවේෂණාත්මක තොරතුරු විස්තරාත්මකව ඔබ වෙත ගෙන ඒම සඳහා බලාපොරොත්තු වන අතර අප සමඟ රැඳී සිටින ලෙස සහෘද ඔබගෙන් ඉල්ලා සිටිමු. ----------------------------------------------------------------------------------------------- #බුද්ධානුසාසනා෴... #ග්‍රහණය_පිණිස_නොව_තරණය_පිණිසයි෴... ------------------------------------------------------------------------------------------------ Subscribe; https://www.youtube.com/channel/UCOO2...