Yeni kənd təsərrüfatı naziri Məcnun Məmmədovdan vaxtilə alınmış müsahibə скачать в хорошем качестве

Yeni kənd təsərrüfatı naziri Məcnun Məmmədovdan vaxtilə alınmış müsahibə

Bu gün Azərbaycan Prezidentinin imzaladığı Sərəncam ilə Məcnun Qadir oğlu Məmmədov Azərbaycan Respublikasının kənd təsərrüfatı naziri təyin edilib. Marja.az xəbər verir ki, təyinatadək Məcnun Məmmədov 52 milyon 560 min manat nizamnamə kapitalı olan "GRAND-AGRO" MMC-nin direktoru olub. Bu şirkətin hüquqi ünvanı Bakı şəhəri, Nəsimi rayonu, Neftçilərr pr 153-dür (Port Baku). "Grand-Agro "MMC-nin əsas fəaliyyət istiqaməti bağçılıqdır. Hal-hazırda şirkət Abşeron yarımadasında zeytun bağlarının salınmasını həyata keçirir. Həmçinin Məcnun Məmmədov "Agro Food Investments" MMC (AFİ) şirkətinin rəhbəri olub. Bu şirkət Azərbaycanın ən böyük agrar və qida şirkətlər qrupundan biridir. AFİ bu sahədə fəaliyyət göstərən bir neçə şirkəti və onların istehsalat sahələrini, o cümlədən zeytun yağı istehsalı müəssisəsi, fındıq emalı müəssisəsi, badam emalı müəssisəsi, ting və calaqaltı istehsalı müəssisəsi, uçucu yağlar emalı müəssisəsi, açıq və qapalı şəraitdə gül yetiştiriciliyi və emalı və minlərlə hektar fındıq, badam, zeytun və qarışıq meyvə bağlarını idarə edir. Bunlarla yanaşı, qrup, dəyər zəncirinin bir neçə mərhələsində təmsil olunmaqla, logistika, saxlanc xidməti, quru və soyuducu kameralar, laboratoriyalar kimi tamamlayıcı biznes sahələrinə daxil olmuş və keyfiyyət və dayanıqlılığı təmin etməyi hədəfləmişdir. 42 yaşlı M.Məmmədov Azərbaycan Dövlət İqtisad Universitetinin və Lahor İdarəetmə Elmləri Universitetinin məzunudur. Məcnun Məmmədov "PMD Group", "Modern Group", "AER" və "Deloitte" şirkətlərində müxtəlif vəzifələrdə çalışıb.