ՀՊՏՀ «Հաշվապահական հաշվառում և հարկում» մասնագիտության մասին скачать в хорошем качестве

ՀՊՏՀ «Հաշվապահական հաշվառում և հարկում» մասնագիտության մասին

💵ՀՊՏՀ «Հաշվապահական հաշվառում և հարկում» մասնագիտության ուսուցումը առկա բակալավրիատում 4 տարի է։ Ընդունելության քննական առարկաներն են՝ «Մաթեմատիկա»՝ պարտադիր, «Հայոց լեզու և գրականություն» կամ «Օտար լեզու»՝ ընտրովի։ Քննությունները գրավոր-թեստային են։ Ուսման վարձը 600․000 ՀՀ դրամ է։ Հաշվապահները, հարկային ոլորտի մասնագետները (հարկային խորհրդատուները) և աուդիտորները բիզնես վարչարարության ոլորտի ամենապահանջված մասնագետներից են։ Ժամանակակից աշխարհում հաշվապահի դերը և գործառույթները ընդլայնվել են և ներառում են նաև կազմակերպության ու տնտեսության կայուն զարգացման հաշվառման ապահովումը, կազմակերպությունների առանձին նախագծերի բյուջեների կազմումը, ֆինանսական միջոցների տեղաշարժի հարկային, ֆինանսական հաշվառումը և վերահսկումը, ֆինանսական կառավարման աջակցությունը, անհրաժեշտության դեպքում՝ կադրային հաշվառումը: Կազմակերպության հաշվապահական հաշվառման վարման, հետևաբար՝ հաշվապահի նկատմամբ աշխատաշուկայի պահանջարկը սահմանված է համապատասխան օրենքով: ՀՊՏՀ հաշվապահական հաշվառման և հարկման կրթական ծրագիրը նախագծված է այնպես, որ ապագա շրջանավարտները հմտություններ ունենան նաև առանձնահատուկ հաշվառում պահանջող կազմակերպություններում աշխատելու համար։ Մասնավորապես՝ բանկերում, ֆինանսական հատվածի այլ ընկերություններում, շինարարական և կառուցապատման բիզնեսով զբաղվող ընկերություններում, հանրային հատվածի պետական կազմակերպություններում և այլն։ Հաշվապահները, մարքեթինգի, ֆինանսների և նախագծերի կառավարման մասնագետների հետ միասին, մասնավոր (freelans) պրակտիկայի ամենամեծ փորձ ունեցող մասնագետներից են և հաճախ հաշվապահական խորհրդատվություն են մատուցում միանգամից մի քանի ընկերությունների՝ հետզհետե ձևավորելով խորհրդատվական մասնագիտական թիմեր և ընկերություններ։ ‼️Լրացուցիչ հարցերի դեպքում զանգահարեք (+374 10) 59-34-73, (+374 41) 76-40-41