Öd kisəsinin iltihabı Xolesistit Lika Şıxıyeva Loğman klinikası Laparoscopic cholecystectomia Baku скачать в хорошем качестве

Öd kisəsinin iltihabı Xolesistit Lika Şıxıyeva Loğman klinikası Laparoscopic cholecystectomia Baku

Consilium-Lider tv verilişinə dəvət olunan klinikamızın təcrübəli ümumi və laparoskopik cərrahı, baş həkim Lika Şıxıyeva hal-hazırda geniş problemlərdən olan xolesistit - öd kisəsinin iltihabı haqqında - səbəblərindən, əmələ gəlməsindən, bu zaman olan şikayətlərdən və cərrahi müalicəsindən danışır. Həmçinin tamaşaçılarımızın maraqlı suallarını hər tərəfli şəkildə cavablandırır. Xolesistit - öd kisəsinin iltihabıdır. Xroniki və kəskin xolesistit növləri vardır. Bəzən xəstəlik öd kisəsində daşların əmələ gəlməsiylə müşayiət olunur. Daha çox qadınlarda müşahidə olunur. Səbəbləri: Virus infeksiyası (hepatit, sitomeqalovirus) Qeyri-sağlam qidalanma (yağlı, duzlu, qızardılmış yeməklər, qazlı içkilərdən çox istifadə); Spirtli içkilər, narkotik maddələrə aludəçilik, özünü müalicə məqsədiylə dərman maddələrindən çox istifadə; Stress; İmmunitetin zəifləməsi, disbakterioz; Tonzilit, haymorit, frontit; İrsi faktor. Simptomlar: Sağ qabırğa altında küt göynədici ağrılarla xarakterterizə olunur. Çox zaman kəskin, yağlı, qızardılmış qida qəbulundan 1-3 saat sonra ortaya çıxır. Ağrılar sağ çiyinə, sağ kürəyə irradiyasiya edir. Ağızda acı və metalik dad, gəyirmə, bulantı, meteorizm, defekasiyanın pozulması (ishal və qəbizlik) qıcıqlanma, yuxusuzluq ortaya çıxa bilər. Sarılıq xarakterik deyil. Palpasiya zamanı ağrı, həssaslıq hiss olunur. Laparoskopik xolesistektomiya əməliyyatı: Laparoskopik xolesistektomiya əməliyyatı ümumi narkoz altında aparılır, yəni xəstə yatır və heç bir ağrı hiss etmir. Qarın divarında 0.5-1 sm uzunluğunda 4 kəsik aparılır. Bu kəsiklərdən qarın boşluğuna troakarlar daxil olur. Troakarlar boruya bənzəyir və onların içi ilə əməliyyat zamanı istifadə olunan alətlər daxil olunur. Troakarlardan biri ilə optik sistemin bir hissəsi qarın boşluğuna daxil olunur. Bu sistem manitor vasitəsi ilə qarın boşluğunda baş verən hadisələri izləməyə imkan verir. Cərrah alətləri troakarlar vasitəsi ilə qarın boşluğuna salır və monitora baxaraq əməliyyatı həyata keçirir . Qarın boşluğunda rahat işləmək üçün steril qaz (CO2) vurulur. Bu zaman manitorda qarın boşluğu orqanları çox aydın görünür. Adətən öd kisədə xroniki iltihab olduğu üçün bitişmələr əmələ gəlir. Cərrah əvvəl bu bitişmələri aralayır bundan sonra öd kisəsini qanla təchiz edən öd kisə arteriyasını və öd kisənin ümumi öd axacağı ilə birləşdirən öd yolunu ayırır, sonra bunların üzərinə titan klipslər qoyulur və kəsilir. Bundan sonra cərrah elektrokoaqulyator vasitəsi ilə öd kisəsini qara ciyərdən ayırır və qarın boşluğundan (göbək nahiyyəsindən ) çıxarlır. Bundan sonra açılmış kiçik dəliklərə tikiş qoyulur və əməliyyat sona çatır . Bu əməliyyat 30 dəqiqə davam edir. Xəstədə qan itirmə olmur, əməliyyatdan sonrakı dövr çox rahat keçir . Laparoskopik əməliyyatın üstünlükləri: 1. Əməliyyatdan sonra ağrı bir gün və çox cüzi olur. 2. Xəstə narkozdan ayılan kimi gəzir və özünə qulluq edə bilir. 3. Stasionarda qalma müddəti çox qısalır (12-24 saat) 4. Əmək qabiliyyəti çox qısa müddətə bərpa olur. 5. Əməliyyatdan sonrakı yırtıqların əmələ gəlmə riski sıfır dərəcəyə düşür . 6. Laparoskopik əməliyyat kosmetik əməliyyatdır, bir neçə aydan sonra heç bir izi qalmır. Əməliyyatdan sonrakı dövr: Əməliyyatdan sonra xəstə maye qəbul edə bilər . (narkozdan ayıkan kimi) Əməliyyatdan 4-5 saat sonra xəstə yataqdan durub gəzır. Əməliyyatın ikinci günündən az miqdarda yumşaq qida qəbul edə bilər, mayeni çox qəbul etməsi məsləhətdir . Tikişlər anbulator şəraitdə ( 7-10) gündən sonra götürülür. Laparoskopik əməliyyatlar öd daşı xəstəliyinin bütün formalarında və ağırlaşmalarında oluna bilər: 1. Kalkulyoz xolesistit (öd daşı xəstəliyi) 2. Xroniki xolesistit 3. Kəskin xolesistit 4. Mexaniki sarılıq və öd yollarında daşların olması