Data Stories- 25 nëntor 1913 – Lindi Petro Marko, shkrimtari dhe rebeli скачать в хорошем качестве

Data Stories- 25 nëntor 1913 – Lindi Petro Marko, shkrimtari dhe rebeli

Petro Marko, një nga shkrimtarët dhe gazetarët më të shquar shqiptarë, i njohur për patriotizmin dhe mosbindjen ndaj të gjitha sistemeve totalitare, lindi më 25 nëntor të vitit 1913, në Dhërmi të Himarës. Arsimin e mesëm e kreu në vitet 1924-1931 në Shkollën Tregtare të Vlorës. Pas përfundimit të shkollës caktohet mësimdhënës në Dhërmi dhe më pas në Dropull. Në vitin 1933 shkon në Athinë, me qëllim që të vazhdonte studimet e larta për letërsi, por nuk e pranojnë prej faktit se ishte shqiptar. Për këtë arsye regjistrohet në shkollën e lirë të shkencave politike, ekonomike dhe sociale, që e ndjek për dy vite e gjysmë. Kthehet në Tiranë kur mëson se Kryeministër ishte zgjedhur Mehdi Bej Frashëri dhe se shtypi, gazetat dhe revistat, ishin liruar nga censura shtetërore. Por gazetat që ai, bashkë me Suat Asllanin, Branko Merxhanin dhe Tajar Zavalanin nisën të hapnin, do të mbylleshin nga një e nga një për shkak të depërtimit të ideve komuniste, që në këtë kohë ishin bërë e modës në gjithë Europën. Edhe revista ABC që Petro Marko nxjerr me Asim Vokshin, zgjat vetëm një muaj dhe mbyllet nga qeveria për shkak të frymës komuniste. Madje Petro Markon e ndalojnë dhe e internojnë në fshatin e lindjes. Duke ndjekur bindjet, në vitin 1937, Petro Marko niset drejt Spanjës së përfshirë nga lufta civile, ku u bashkohet brigadave ndërkombëtare republikane, që mbështeshin nga komunistët sovjetikë. #mcntv #mcn #datastories #ferdinanddervishi #histori #ngjarjethistorike