عەشیرەتی ئێناخی ـــــ هـــۆرە ـــ shrati enaxi скачать в хорошем качестве

عەشیرەتی ئێناخی ـــــ هـــۆرە ـــ shrati enaxi

🌹{ هـــــــورە ــــ هـــــــۆرە ــــــ هــــــــــورا}🌷 .ناسنامەی فەرهەنگی ومیللی ومیراتی گرانبەهایی باوو باپیرانمانە لە وڵاتی کوردەوار نشیین... ــــــــــــــــــــــــــــــــــــــــــــــــــــــــــــــــــــــــــــــــــــ هۆرە ئاوازو دەربڕینێکی ناخ و ئەندێشەی مرۆڤە، کۆنترین چریکەی مرۆڤە.بۆ ڕەویینەوەی خەم و خەفەت و ناخۆشی ناخی مرۆڤە. فەرهەنگێکی کۆنی ئاسەواریی کوردییە.هەر لەدێر زەمانەوە سینگ بەسینگ و دەم بەدەم نەوە لەدوای نەوە گواستراوەتەوە هەتا وەکو ڕۆژگاریی ئەمڕۆمان.... دەبێتە ناسنامە و ئاوازیی هونەری و فۆلکلۆری کورد. بەتایبەت لە ناوچەکانی{ ئیلام و کرماشان و گەرمییان و هەڵەبجەو هەورامان و سڵێمانی و هولێرو پێنجوێن و سقز....} باسکردن لە بابەتی هۆرە زۆر لەوە گەورەترو دەوڵەمەندترە من لێرەدا بەچەند دێڕێک ئاماژەی پێ بدەم. سەرمایەیەکی دەوڵەمەندی کلتوری و فەرهەنگی و مرۆیی وناسنامەی تاکی کوردە... ئەم ئاوازیی دەربڕین و چڕاندنە دەگوترێ لە دێر زەمانەوە هەبووە لەناو کۆمەڵگادا.. بەتایبەت لە سەردەمانی مادو هەخامەنشی و ساسانی دا... جوانترین بەڵگەش بۆ ئەم وتەیە. دەڵێن دوو هۆرە چڕ بەناوەکانی { باربردو نەکیسا} بۆ خەسرەو پەروێز پادشایی دەوڵەتی ساسانی هۆرەیان چڕیوە..دۆزینەوەی کەتیبەیەکە {وێنەو نوسین} لەناوچەی ئیلامی ئێستادا.. کەوا دوونەفرن ..یەکێکییان ئامێرێکی مۆسیقی دەژەنێ و ئەوی تریان دەستی لە بنا گوێیدایە ئاوازی هۆرە دەچڕێ. ئەمەش لەکتێبی ئاسەواری کرماشان دکتۆر گڵزاری ئاماژەیی پێدراوە.. هۆرە مەقامێکی زیندوو بوە لەدێر زەمانەوە لە ناوچەی عیلام و کرماشان و کەڵهوڕو جاف و ماهیدەشت و سەرپێڵ و قەسرو کرن و کۆزەران و قەڵخانی و جوانڕۆو ڕوانسەرو کامیاران و پاوەو هەڵەبجەو گەرمییان{کەلار دەربەندیخان و کفری و خانقیین و چمچەماڵ دوزو } کرکوک و سلێمانی و هەوڵێر}.... بابەتێکی زیندوو بڵاو بووە لە ناو ئاینی خەڵکی ناوچەکەدا لە جێ بەجێ کردنی ئەرکی ئاینی و خوێندنی سرووتی ئاینیدا ئاوازی هۆرەیان بەکار هێناوە بەتایبەت ئایینی یارسان و زەردەشت. هەندێ لەبۆچونەکان وا دەڵێن لە ئاهوراوە هاتووە... هەروەها لەئایینی ئیسلامیشدا ئەم ئاوازە هاتۆتە چڕیین .... چڕینی هۆرە ڕەنگدانەوەی ناخی مرۆڤە لەژیاندا.. لە بەرکەوتنی مرۆڤ لە خۆشی و ناخۆشیەکانی ژیان دێتە دەربڕیین... زۆربەی کات لەم ساتانەدا هۆرە دێتە چڕیین. لاوەلاوە بەشێکە لە مقاماتی ئەسڵی هۆرە.لەکاتی غەم و دڵتەنگی... لەکاتی ئیش و کاردا{ ئاژەڵداری و کشتوکاڵ} گەرمیان و کۆێستان کردن.. لەکاتی سواری و جەنگدا.. لاوانەی منداڵ و مەشکە ژەنیین و شین کردن بۆمردوو و کۆبونەوەو میوانی و مەڕاسمی ئاینی و کۆمەڵایەتی وپاڕانەوەو ستایش. لە غەریب و غوربەتدا... هۆرە دێتە چڕین و ووتن... وەک دەگوترێ هۆرە 16 جۆر زیاتر مقامی دەربڕین و چڕینی هەیە. {باربۆدی ـــ کلیسانی ـــ جافــی ـــ کەڵهوڕ ــ لەکی ــ ئەرکەوازی چڕـــ غەریبی برالە ــ گۆرانی چڕ ــ یەکدەنگی ـــ دوودەنگی ــ سوارەسوار ـــ هەوەهەوە ــ قەڵوەزەی چڕ ــ ئەکبرخانی ــ پادیواری ــ سەرکڵاوی ــ بلاوێن ــ پانباری ــ بایناری ...هتد}. وە بەلەهجەو زمانی ناوچەکانی {کەڵهۆڕ و جافی سۆرانی و لەکی و گۆران و لوڕ } زیاتر دێتە گوتن و چڕیین.... زۆربەی کات سوود لە شیعری شاعیرانی بەناوبانگ و داستان و ڕووداوە مێژوییەکان و حیکایەتی دەماودەم وەردەگیرێت بۆ چڕینی هــۆرە... ــــــــــــــــــــــــــــــــــــــــــــــــــــــــــــــــــــــــــــــــــــ لێرەدا هۆرە چەند جۆرێکی هەیە کە ئاماژەی پێ دەدەیین ئەوانیش ①لـوورە بیرهێنانەوەی ڕابردووە لە دڵەوە دەوترێت. ②کوورە کاتی ناخۆشی وخەم وخەفەت و ئازارو داڕشتنی فرمێسک. ③کزە ئاوازێکی ناسک و جوان و سوتانی ناخ وڕۆح. ④چڕیین بیرەوەری خۆش و باسی خۆشەویستی و جوانی و دڵداری. ⑤زیکر دەچێتە ناح و ناوەڕۆکی خوداو ئایین ⑥ سۆز تایبەتە بەسۆفی گەری دەروێش و پیرو موریدو قەبرو قیامەت. ــــــــــــــــــــــــــــــــــــــــــــــــــــــــــــــــــــــــــــــ جێگایی لەدایک بوون و گەشەسەندنی ئاوازیی هۆرە و چڕینی ناوچەی { ئیلام و کرماشان و جاف} بە ناوچەکانی ناوەوەودەوروبەریانەوە... بۆیە چەندان خەڵکی بەتوانا لەم بوارەدا ئەسپی خۆیانیان تاوداوە و بونەتە وێردی سەرزمان و خەڵکی کوردەواری وەک بەڕێزان {علی نەزەر، سەی قولی،عبدالعزیزی حیدری،ٳبراهیمی حسینی،احمدی سەفەری،حاجی توتی سنجاوی ،شێرخان گەشکی .. وەلەناو خەڵکانی جاف نشیندا بەگشتی. بەتایبەت { ئێناخییەکان} لەڕۆژهەڵات و باشوری کوردستان و ناوچەی ئێناخی نشێن.. گرنگی و تایبەتمەندی خۆی هەیە تێکەڵی ڕۆح و ژیانیانبووە. بووە بەمیراتێکی بەجێماوەی فەرهەنگی وکلتوری لەناویاندا... لەدێر زەمانەوە هۆگری چڕینی هۆرەبوون بەتایبەت بەحوکمی تێکەڵاوی وهاتوچۆ لەناوچەکانی{ سەرپێڵ و کرماشان و داڵاهۆ و قەسرو گۆران وسنجاویی وشارەزوورو گەرمییان}وە سەربە ناوچەو زمان و فەرهەنگی جاف ـــــــــــــــــــــــــــــــــــــــــــــــــــ لــــــەپــــیــــــــاوان ① سلێمان علی محمد ②حمەنەزیف عبدالغفور سیدعزیز ③لطیف عبدالفغور قادر④مستەفا حمەخان⑤ٲسکندر فتح اللە ⑥محمد جعفرسعید ⑦حمەکریم حمەتقی⑧ جهانبخش مستەفا⑨ ٲکبری پورە سیما ⑩جلیل قادر 11 ـ تۆفیق حمەتقی 12ــ ڕەفعت شوکت 13 ـ ٲقباڵ پورە خاتوون 14 ـ کاک ٲکبر سان ٲحمد 15 ــ وەهبی عبداڵڵە حمەخان 16ـ وەهاب عبداللە. ــــــــــــــــ شمشاڵ ژەنی بەتواناو لێهاتوو ئەوانیش ــــــ ① خانە سید خاڵێ(خالید ②میرزا عبدالغفور قادر ③ سان ٲحمد حسن محمد ـــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــــــــــــــــــــــــ سەرچاوە{ سرودبادیە،جافی جوانڕۆ.مامۆستا محیالدین ساڵحی. کاک فاتح خاڵۆ حمەنەزیف} ـــــــــــــــــــــــــــــــــــــــــــــــــــــــــــــــــ نـــووســـیـن و ئــــامـــادەکـــردنـــی {شاهـــۆ جلال} 17/5/2020 بیست وچواری مانگی ڕەمەزان.سلێمانی..