ეკომიგრაციის გენდერული ასპექტები: სოფელი უდაბნო скачать в хорошем качестве

ეკომიგრაციის გენდერული ასპექტები: სოფელი უდაბნო

ბოლო წლების განმავლობაში, ეკოლოგიური კატასტროფების დროს, არაერთხელ დავრწმუნდით სახელმწიფოს პოლიტიკის არაეფექტურობაში. იქნება ეს ხანძარი თუ წყალდიდობა მასთან გამკლავებისა და შემდგომ შეგუების პასუხისმგებლობას სახელმწიფო, დიდწილად, დაზარალებულებს აკისრებს. ამ პროცესში განსაკუთრებით ის ადამიანები ირიყებიან და იჩაგრებიან, ვინც, სახელმწიფოს არაეფექტური პოლიტიკიდან გამომდინარე, ისედაც დაქვემდებარებულ პოზიციაში არიან. ამ კვლევის ფარგლებში ყურადღება ეკომიგრანტ ქალებს ეპყრობათ. ქალების საჭიროებები ხშირად უგულვებელყოფილია სტიქიასთან გამკლავებისა და შემდგომი ინტეგრაციისა თუ ადაპტაციის პროცესში. 1987 წელს, დიდთოვლობის გამო, დაზარალებული მოსახლეობის ნაწილი სვანეთიდან საგარეჯოს რაიონის სოფელ უდაბნოში გადმოასახლეს. ეს კონკრეტული ისტორია ეკომიგრანტი ქალების პერსპექტივიდანაა გაჟღერებული. კვლევა ერთმანეთთან აკავშირებს ეკოლოგიურ კატასტროფებს, მიგრაციას, გენდერული დაქვემდებარების პრობლემებსა და ეკონომიკურ პოლიტიკას. კვლევის პრეზენტიით: „ეკომიგრაციის გენდერული ასპექტები: ეკოკატასტროფების პოლიტიკა და გენდერიზებული სუბიექტები ნეოლიბერალურ/საბჭოთა მმართველობებში“, ფოკუსირდა სამ ძირითად საკითხზე: როგორ იცვლებოდა სახელმწიფოსა და მოქალაქის ურთიერთმიმართება საბჭოთა წყობიდან ნეოლიბერალურ ეკონომიკაზე ტრანზიციის პერიოდში? როგორ აისახება ეკოლოგიური კატასტროფები ქალებზე და რა სპეციფიკა აქვს მას? როგორი უნდა იყოს სახელმწიფო პოლიტიკა, რომელიც არა მხოლოდ იზრუნებს, არამედ გააძლიერებს კიდეც მოწყვლად მდგომარეობაში ჩავარდნილ მოქალაქეებს? კვლევის ფარგლებში გაკეთებულ წინამდებარე ვიდეოში პროექტში მონაწილე ადგილობრივი რესპონდენტები თავადვე ყვებიან თავიანთ ისტორიებს და საუბრობენ საჭიროებებზე.