Top News - Kuba gjunjëzohet para Trumpit / Fillon bisedimet me SHBA-në në mes të krizës скачать в хорошем качестве

Top News - Kuba gjunjëzohet para Trumpit / Fillon bisedimet me SHBA-në në mes të krizës

Zyrtarët kubanë kanë hapur bisedime me qeverinë amerikane, tha të premten Presidenti Miguel Diaz-Canel, në mes të një krize të rëndë ekonomike dhe ndërsa qeveria komuniste është vënë nën presion në rritje nga Presidenti i SHBA-së Donald Trump. "Këto bisedime synojnë gjetjen e zgjidhjeve përmes dialogut për dallimet dypalëshe mes dy vendeve", tha Diaz-Canel në një video të transmetuar në televizionin shtetëror pak para se të fliste për mediat kubane. Më 5 shkurt, Diaz-Canel kishte paralajmëruar se Kuba po i afrohej një situate që do të kërkonte "masa ekstreme" duke pasur parasysh krizën ekonomike, ndërprerjet e shpeshta të energjisë elektrike dhe mungesat e karburantit të përkeqësuara nga vendosja e një bllokade nafte mbi ishullin nga ana e Trump. Diaz-Canel tha se kishte drejtuar bisedimet për palën kubane, së bashku me ish-Presidentin kuban Raul Castro dhe zyrtarë të tjerë të lartë të Partisë Komuniste dhe qeverisë. Ai nuk tha se kush kishte marrë pjesë në bisedime për Shtetet e Bashkuara. Trump ka thënë vazhdimisht se SHBA ishte tashmë në bisedime të nivelit të lartë me përfaqësuesit kubanë. Deri më tani, qeveria kubaneze kishte mohuar se ka pasur ndonjë takim zyrtar, por nuk i kishte mohuar në mënyrë eksplicite raportet e medias për diskutime të fshehta me Raul Guillermo Rodriguez Castro, nipin e Raul Castros, i cili është 94 vjeç dhe ende ushtron ndikim të madh. Rodriguez Castro ishte ulur pas Diaz-Canel dhe mes zyrtarëve të Partisë Komuniste që shiheshin në video. Që kur SHBA kapi Presidentin Venezuelian Nicolas Maduro dhe rrëzoi nga pushteti mbështetësin më të madh të Kubës në janar, Trump ka ndërprerë dërgesat e naftës venezueliane në Kubë dhe ka kërcënuar të vendosë tarifa për çdo vend që i shet naftë Kubës. Trump në javët e fundit kishte bërë një sërë deklaratash, duke thënë se Kuba ishte në prag të kolapsit ose e etur për të bërë një marrëveshje me Shtetet e Bashkuara. Të hënën ai tha se Kuba mund të jetë subjekt i një "pushtimi miqësor", duke shtuar më pas se "mund edhe të mos jetë një pushtim miqësor". Pamje:AFP Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#Kuba#Trump