ပခုံးဒဏ်ရာ ခွဲစိတ်မှု ခံခဲ့ရတဲ့ BTS အဖွဲ့သား ဆူဂါ скачать в хорошем качестве

ပခုံးဒဏ်ရာ ခွဲစိတ်မှု ခံခဲ့ရတဲ့ BTS အဖွဲ့သား ဆူဂါ

နိုဝင်ဘာ − ၇ ၊၂၀၂၀ BTS အဖွဲ့ဝင် တစ်ဦးဖြစ်တဲ့ ဆူဂါဟာ ပခုံးဒဏ်ရာကြောင့် ခွဲစိတ်မှု ခံယူခဲ့ရကြောင်း သိရပါတယ်။ အသက် ၂၇ နှစ် ရှိပြီး နာမည်ရင်း မင်ယွန်ဂျီဖြစ်တဲ့ အဆိုတော်ဟာ ပခုံးနောက်ဖက် အရွတ်ဆက်တဲ့ နေရာမှာ နာကျင်နေတာ ကာလအတန်ကြာ ရှိခဲ့ပြီလို့ သိရပါတယ်။ ကမ္ဘာကျော် အမျိုးသား K-Pop အဖွဲ့ကို ကိုယ်စားပြုတဲ့ Big Hit Entertainmentက ဆူဂါအနေနဲ့ နိုဝင်ဘာ ၃ ရက်တုန်းက ဒီပြဿနာကို ဖြေရှင်းဖို့ ခွဲစိတ်ခန်း ဝင်ခဲ့ရတာဖြစ်ကြောင်း အခုသီတင်းပတ်ကုန်မှာ အတည်ပြု ထုတ်ပြန်ပါတယ်။ BTS အဖွဲ့ဟာ နိုဝင်ဘာ ၂၀ မှ ‘BE’ အယ်လ်ဘမ်အသစ် မိတ်ဆက်ပွဲ ပြုလုပ်ဖို့ စီစဉ်ထားပေမယ့် ဆူဂါကတော့ တက်ရောက်နိုင်ဖွယ် မရှိတော့ပါဘူး။ ခွဲစိတ်မှု အပြီးမှာ ဒဏ်ရာ အမြန်ဆုံး သက်သာပြီး နာလန် ပြန်ထဖို့အတွက် တင်းတင်းကျပ်ကျပ် သတ်မှတ်ထားတဲ့ အစီအစဉ်တွေအတိုင်း အနားယူရမယ်လို့ ဆိုပါတယ်။ ဆူဂါရဲ့ ဒဏ်ရာဟာ နှစ်နဲ့ချီ ကြာမြင့်ခဲ့ရာက အခုတော့ ပိုဆိုးလာကြောင်း၊ လက်ကို သိပ်မမြှောက်နိုင်တာ၊ ရုတ်တရက် ထိုးပြီးနာတာမျိုးတွေ လက္ခဏာ ပြသလာကြောင်း၊ ဒီအခြေအနေတွေကြောင့်လည်း ဒဏ်ရာကို ခွဲစိတ်ဖို့ ပညာရှင်တွေရဲ့ အကြံပြုချက်အတိုင်း လက်ခံခဲ့တာဖြစ်ကြောင်း Big Hit Entertainmentက ကြေညာပါတယ်။ နာလန်ထ ကာလမှာ ဆူဂါ အနေနဲ့ ဖျော်ဖြေပွဲတွေကို ရှောင်နေရမယ့်အပြင် နိစ္စဓူဝ လူနေမှု ဘဝမှာပါ အသွားအလာ အနေအထိုင် ဆင်ခြင်ဖို့ လိုအပ်ကြောင်း သိရပါတယ်။ နာလန်ထ ကာလ အလွန်မှာတော့ ဆူဂါက ကာယ လေ့ကျင့်ခန်းတွေ ပြန်လည် ပြုလုပ်ပြီး ကျန်းမာရေးအခြေအနေ ရာနှုန်းပြည့် ပြန်ကောင်းလာမယ်လို့လည်း ကြေညာချက်မှာ ဖော်ပြထားပါတယ်။ Subscribe to our channel at https://bit.ly/2CVSP6d Check out our website: http://www.7daydaily.com/ Connect with us at our social media handles: Facebook:   / 7dayonlinetv   Twitter:   / 7day_tv