MAALIM SEIF AKUMBUKWA MIAKA MITANO IMETIMU LEO скачать в хорошем качестве

MAALIM SEIF AKUMBUKWA MIAKA MITANO IMETIMU LEO

Chama cha ACT-Wazalendo kimeadhimisha miaka mitano tangu kufariki kwa aliyekuwa Mwenyekiti wa Taifa wa chama hicho, Seif Sharif Hamad, kwa dua maalum zilizofanyika katika maeneo mbalimbali ikiwemo Msikiti wa Barza. Dua hiyo iliofanyika Masiji hiyo iliopo Mchambawima eneo la Mji Mkongwe Zanzibar ilihudhuriwa na viongozi wa kitaifa wa chama hicho, akiwemo Mwenyekiti wa Taifa wa sasa, Othman Masoud Othman, Makamu Mwenyekiti wake Zanzibar Ismail Jussa pamoja na Mwenyekiti mstaafu Juma Duni haji. Akizungumza wakati wa dua hizo, Hassan Jan Masoud, ambaye aliishi na kufanya kazi kwa karibu na Maalim Seif wakati wa uhai wake, alieleza sifa mbalimbali za kiongozi huyo. Alisema Maalim Seif alijitahidi kuondoa ubaguzi na kuimarisha umoja miongoni mwa Wazanzibari. Aidha, alibainisha kuwa Maalim Seif alipigania kuasisiwa kwa Serikali ya Umoja wa Kitaifa ili kuhakikisha Wazanzibari wanakuwa kitu kimoja na kuishi kwa mshikamano. Aliongeza kuwa kiongozi huyo ni mfano wa kuigwa, na waliobaki wana wajibu wa kuyaendeleza mema yote aliyoyaacha. Maalim Seif alifariki dunia tarehe 17 Februari 2021 katika Hospitali ya Taifa Muhimbili, akiwa bado anahudumu kama Mwenyekiti wa Taifa wa ACT-Wazalendo na Makamu wa Kwanza wa Rais wa Zanzibar. Ataendelea kukumbukwa kwa mchango wake mkubwa katika siasa za vyama vingi nchini Tanzania na kimataifa. Kwa upande wake, Nassor Ahmed Mazrui aliwashukuru wanachama na wananchi kwa ujumla kwa kuendelea kumuenzi kiongozi huyo kupitia dua na matendo mema.h