ZNPNN | KIPIT HISTORICAL MARKER GIBUKSAN DIDTO SA LABASON скачать в хорошем качестве

ZNPNN | KIPIT HISTORICAL MARKER GIBUKSAN DIDTO SA LABASON

Atol sa ika-500 Anibersaryo sa Magellan-Elcano expedition… KIPIT HISTORICAL MARKER GIBUKSAN DIDTO SA LABASON Labason, ZDN (May 7, 2021)—Nunot sa daghang sunod-sunod nga kalihokan sa pagsaulog sa ika 500 nga anniversaryo sa unang pagtuyok-layag sa tibook kalibutan sa Magellan-Elcano expedition, paghiabot sa kristianismo sa nasud ug ang ‘the battle of Mactan’, gipahigayon usab ang pag-bukas sa usa ka ‘historical marker’ didto sa baybayon sa barangay Kipit, Labason, Zamboanga del Norte. Kini usa ka timailhan nga ang barangay Kipit sa maong lungsod, nahiapil sa ruta sa Magellan-Elcano expedition human sa pagkamatay ni Magellan sa Mactan. Gibutayag nga ang mga nahabilin nga mga tripulante, mipadayon sa paglabigar padulong sa habagatang bahin ug tungod sa ilang pagpangita ug usa ka hamugawayng dungguanan, didto sila nahadunggo sa Kipit, human nila gitadlas ang lawod sa “Panilongon”, nga karon mao ang lungsod sa Santander, Cebu, ug sa dili lamang nga kalayoan,ang atbang niini mao ang Negros Oriental diin ang ika-17 nga historical marker didto usab giugbok sa syudad sa Dumaguete. Base sa nahisulat sa kasaysayan, si Calanao, ang Raha sa Kipit, nakipagsandugo (blood compact) ngadto kang Juan Carvallo, ang namuno sa expedition niadtong tungora isip timaan dili lamang sa usa ka bililhong paghinagalaay, kon dili simbolo usab kini isip gugma, kalooy, ug pag abi-abi ngadto sa mga bisita. Si Asec Myra Paz Valderossa-Abubakar uban kang OIC, Executive Director, Alvin R. Alcid sa National Historical Commission of the Philippines (NHCP), Mayor Eddie T. Quimbo, Vice Mayor Virgilio Go, Atty. Goldie Love Poculan-Gonzales nga nagrepresentar kang Gov. Roberto Y. Uy ug mga barangay opisyales, mga magtutudlo uban pang mga opisyales, maoy nangunay sa pagbukas sa bilo sa historical marker kaniadtong adlawng Biernes, Mayo 17. Matud pa ni Asec Abubakar, nga ang Kipit Historical Marker maoy pinaka una nga gibuksan sa upat nga giilang historical sites dinhi sa rehiyon diin aduna pay ubang napulo (10) ka lugar sa tibook Mindanao. Gipasabot usab ni OIC Executive Director Alcid nga nag representar kang NHCP Chairman, Dr. Rene Escalante nga “kining historical marker dinhi sa Kipit, dili lamang kini nagpahinumdom nga ang Labason parte na sa Philippine history kon dili parte usab kini sa World History. Gisaysay usab niya nga pinaagi niini, daghan na unyang mga kaayohan ug kalamboan ang moabot sa lungsod sa Labason. Gibutyag usab ni Mayor Quimbo nga ang iyang pagdawat sa historical marker, usa kini ka hagit tungod kay dako kayo ang responsibilidad niini apan sa ngadto-ngadto siya nag dahom ug nanghinaot nga moabot usab ang kalamboan sa ilang lungsod tungod kay ang Kipit Historical Marker maoy nakadugang sa ilang listahan sa bag-ong ‘tourist destination’ sa ilang lungsod.” Kahibaloan nga adunay 34 ka mga historical markers nga gi-instalar sa mga ‘key places’ sa Palawan, Visayas ug Mindanao nga gibana-banang mahuman karong Oktubre ning tuiga. Ang Kipit Historical Marker gipahimutang sa usa halapad nga ‘concrete-base pavement’ nga adunay 14 ka ang-ang, ug sa ibabaw sa marker, adunay usa ka globe. Sa atubangan niini adunay nakakulit nga sulat nga nagpasabot sa kontribyusyon sa mga lugar nga ilang naagian ug sa likod nga parte, makita usab ang hulagway nga nakakulit ang panag sandugo nila ni Raha Calanao ug Juan Carvallo. Laing tipik sa programa, mao pagbendisyon sa marker pinaagi kang Most Rev. Severo C. Caermare, ang obispo sa Diocese of Dipolog ug ang pag pinirmahay sa Certificate of Transfer timaan sa pormal nga pagtugyan sa historical marker gikan sa NHCP ngadto sa lokal nga pangagamhanan sa lungsod sa Labason pinaagi kang OIC Executive Director Alcid ug si Mayor Quimbo nga gisaksihan ni Mr. Johnas Bernardo Cabral, Municipal Local Government Operations Officer (MLGOO) sa Labason nga maoy nagrepresentar kang DILG Provincial Director, Oliver Ombos. (PIC-sba) #KipitHistoricalMarker #KatumananSaGisaadNgaKalamboan #KalamboanIpaabotSaPinakahilitNgaBarangay #BrgyKipitLabason #DipologCity #DapitanCity #ZamboangaDelNorte