కన్నుల పండుగగా జరిగే సీతారామ కళ్యాణ వైభవాన్ని వర్ణిస్తూ రూపొందించిన భక్తి గీతం మీకోసం -మీ గైకోటి రవి скачать в хорошем качестве

కన్నుల పండుగగా జరిగే సీతారామ కళ్యాణ వైభవాన్ని వర్ణిస్తూ రూపొందించిన భక్తి గీతం మీకోసం -మీ గైకోటి రవి

పల్లవి: సీతారామ కళ్యాణం చూతము రారండీ శ్రీరాముని వైభవాన్ని పాడుదాము రారండీ కన్నుల పండుగగా జరిగే కమనీయ ఘట్టమిదీ జగమంతా పులకించే రమణీయ దృశ్యమిదీ !!సీతారామ!! చరణం 1: (సీతారాముల జననం, బాల్యం) మిథిలా నగరంలోన వెలసిన సిరిమల్లె సీతమ్మ అయోధ్య పురవీధిలో విరిసిన కలువపువ్వు రామయ్య జనకమహారాజు ఇంట అల్లారుముద్దుగా పెరిగిన జానకమ్మ దశరథుని కౌసల్యల కంటివెలుగైన కోదండ రాముడు ఇద్దరిదీ ఒకటే తీరు, ఈ జగతికి వీరే కదా ఆధారం !!సీతారామ!! చరణం 2: (శివ ధనుర్భంగం) విశ్వామిత్రుని వెంట నడిచి మిథిలకు రాముడు చేరగా శివధనుస్సును అవలీలగా ఎక్కుపెట్టి నిలువగా విల్లు విరిగి రెండుకాగా, దిక్కులన్నీ పిక్కటిల్లె జానకి మదిలోన కోరిక నెరవేరి సంతోషం ఉప్పొంగె శ్రీరాముని మెడలోన సీతమ్మ వేసెను పూలమాల !!సీతారామ!! చరణం 3: (అయోధ్య పరివారం రాక) కబురు తెలిసి అయోధ్య నుండి కదిలివచ్చె దశరథ రాజు చతురంగ బలగాలతో, బంధుమిత్ర సపరివారంగా వశిష్ట విశ్వామిత్రాది మహామునులంతా దీవించగా మిథిలా నగరమంతా పచ్చని తోరణాల పండుగలా రెండు మహా రాజ్యాల కలయికతో లోకమంతా ఆనందం !!సీతారామ!! చరణం 4: (మంగళ స్నానాలు, అలంకరణ) పసుపు పారాణి రాసి జానకమ్మను సింగారించగా దివ్యాభరణాలతో రఘురాముడు పెండ్లికొడుకై మెరిసిపోవగా నవ వధువరుల అందం చూసి ఆకాశంలో దేవతలే మురిసిపోగా దిక్పాలకులందరూ అదృశ్యరూపాన అక్షింతలు వేయగా ముచ్చటైన ఈ జంటను చూసి ముల్లోకాలు పొంగిపోగా !!సీతారామ!! చరణం 5: (జీలకర్ర బెల్లం, కన్యాదానం) శుభ ముహూర్తం రానేవచ్చె, సన్నాయి మంగళ వాద్యాలు మ్రోగె జీలకర్ర బెల్లం శిరస్సున పెట్టి, ఒకరినొకరు కన్నులారా చూసుకోగా జనకుడు తన గారాల పట్టిని రాముని చేతిలో పెట్టి కన్యాదానం చేయగా అగ్ని దేవుని సాక్షిగా శ్రీరాముడు సీతమ్మ చేయి పట్టుకోగా ఏడు అడుగులు కలిసి నడిచి, జన్మజన్మల బంధమాయెను !!సీతారామ!! చరణం 6: (మాంగళ్యధారణ, తలంబ్రాలు) రామయ్య కట్టిన మాంగళ్య ధారణతో సీతమ్మ మురిసిపోగా బంగారు పళ్లెంలో ముత్యాల తలంబ్రాలు దోసిటితో పట్టుకోగా పోటీలు పడి ఒకరిపై ఒకరు పోస్తూ చిరునవ్వులు చిందించగా చూడచక్కని ఆ దృశ్యాన్ని కనులారా చూసి తరించండి జగమేలే స్వామికి జరిగిన ఈ అద్భుత కల్యాణ వైభవం !!సీతారామ!!