தஞ்சை பெரிய கோவில் | Thanjavur Big Temple Kumbabishekam скачать в хорошем качестве

தஞ்சை பெரிய கோவில் | Thanjavur Big Temple Kumbabishekam

தஞ்சை பெரிய கோவிலில் 23 ஆண்டுகளுக்குப் பிறகு குடமுழுக்கு கடந்த மாதம் 5ஆம் தேதி நடைபெற்றது. இதற்கான யாகசாலை பூஜை கடந்த மாதம் ஒன்றாம் தேதி தொடங்கி நடைபெற்றது இந்த குடமுழுக்கு விழாவில் லட்சக்கணக்கான பக்தர்கள் கலந்துகொண்டு சுவாமி தரிசனம் செய்தனர். இந்நிலையில் குடமுழுக்கு முடிவடைந்ததையொட்டி மண்டலாபிஷேக பூஜை கடந்த ஆறாம் தேதி தொடங்கி நடைபெற்று வந்தது. 48 நாட்கள் நடைபெறும் மண்டலாபிஷேக பூஜை சித்திரை திருவிழா நடைபெறுவதையொட்டி 24 நாட்களாக குறைக்கப்பட்டது. அதன்படி மண்டலாபிஷேக பூஜை நிறைவு விழா இன்று நடைபெற்றது. இதையொட்டி நேற்று நடராஜர் சன்னதி அருகே முதல்கால யாகசாலை பூஜை நடைபெற்றது அதில் விநாயகர் முருகன் சண்டிகேஸ்வரர் பெருவுடையார் பெரியநாயகி அம்மனுக்கு என தலா ஒரு வேதிகை ஒரு குண்டம் அமைக்கப்பட்டு இருந்தது. இதைத் தொடர்ந்து இன்று அதிகாலை 5 மணிக்கு இரண்டாம் கால யாகசாலை பூஜை துவங்கியது பின்னர் மகா பூர்ணாஹூதி தீபாராதனை நடைபெற்று தொடர்ந்து கடம் புறப்பாடு நடைபெற்றது மூலவருக்கு பால் மற்றும் புணிதநீரால் அபிஷேகம் செய்யப்பட்டு சிறப்பு தீபாராதனை காட்டப்பட்டது. இதில் ஆயிரக்கணக்கான பக்தர்கள் கலந்துகொண்டு சுவாமி தரிசனம் செய்தனர்