Müalicəsini yarımçıq qoyub döyüş meydanında şəhid olan tankçı скачать в хорошем качестве

Müalicəsini yarımçıq qoyub döyüş meydanında şəhid olan tankçı

24 yanvar 1996-cı ildə Bakıda doğulub, əslən Göyçə mahalının Daşkənd kəndindəndir. 2013-cü ildə Heydər Əliyev adına Azərbaycan Ali Hərbi Məktəbinin tank bölüyü ixtisasına daxil olmuş, 2017-ci ildə həmin məktəbi leytenant hərbi rütbəsi ilə bitirmişdir. Təyinatı üzrə elə həmin ildən Füzuli rayonunun Horadiz şəhərindəki N saylı hərbi hissədə öz vəzifəsinə başlamışdır. 2018-ci il "Azərbaycan Ordusunun 100 illiyi" münasibətilə keçirilən hərbi tədbirdə ön sırada bayraqdar vəzifəsini daşımışdı. Bundan sonra o "Azərbaycan Ordusunun 100 illiyi (1918-2018)" yubiley medalı ilə təltif olundu. Peşəkarlığını artırmaq üçün Bakıda yerləşən Silahlı qüvvələrin təlim və tədris mərkəzində 45 gün müddətində zabit heyətinin təkmilləşdirmə kursunu keçərək baş leytenant rütbəsi almışdır. Füzuli, Qubadlı, Laçın istiqamətlərində gedən döyüşlərdə iştirak etmişdir. Tank tağımı komandiri olan Azad öz həyatını təhlükəyə ataraq düşmənin 5 tankını öz mövqelərimizə gətirib çıxarmış və dəfələrlə öz döyüş yoldaşlarını düşmən mühasirəsindən yaralı halda çıxara bilmişdi. Müharibənin yeni başladığı dövrdə o, komandirlik etdiyi tankı ilə minaya düşür. Özü ayağından yaralanır, tankı idarə edən mexanikinin daha ağır xəsarətlər aldığını gördükdə isə onu yaralı halda 25 km meşə ərazisində belində daşıyaraq 2 gündən sonra öz döyüş postlarına gətirib çıxara bilmişdi. Bundan sonra Azadı Beyləqanda hospitala müalicə üçün göndərirlər. O burada müalicəsini yarımçıq qoyaraq yenidən döyüş meydanına qayıdır. Ailəsi isə onun yaralı vəziyyətdə olmasından, müalicəsini yarımçıq qoyub yenidən döyüş meydanına qayıtmasından yalnız şəhid olandan sonra xəbər tutur. Onu da qeyd edək ki, döyüşlər zamanı rəhbəri olduğu tank bölüyündən, ona ehtiyac olan piyada döyüş bölüyünə rəhbər təyin edilir. 27 oktyabr 2020-ci ildə Laçın uğrunda gedən döyüşlərdə həlak olmuşdur. İkinci Qarabağ müharibəsində göstərdiyi şücaətə görə (ölümündən sonra) "Vətən Müharibəsi Qəhrəmanı" adı verimişdir, “Vətən uğrunda", “Füzulinin azad olunmasına görə", “Xocavəndin azad olunmasına görə" medalları ilə təltif edilmişdir. İkinci Fəxri Xiyabanda dəfn olunmuşdur. 2021-ci ilin dekabrında Bakıdakı mərkəzi küçələrin birinə Azad Hümbətovun adı verilib. Ona məxsus materiallar ailəsi tərəfindən Milli Azərbaycan Tarixi Muzeyinin Vətən müharibəsi fonduna təhvil verilmişdir.   / ictimai.tv     / ictimaitv.official   https://itv.az/ #İTV #Heçkimunudulmurheçnəyaddançıxmır #ictimaitv #video #televiziya #baku #videolar #itv