សមរភូមិ Vovchansk ក្លាយជាការសម្លាប់រង្គាល ដោយមេទ័ពរុស្ស៊ីចាត់ទុកជីវិតទាហ៊ានខ្លួន ថោកជាងយានជំនិះ скачать в хорошем качестве

សមរភូមិ Vovchansk ក្លាយជាការសម្លាប់រង្គាល ដោយមេទ័ពរុស្ស៊ីចាត់ទុកជីវិតទាហ៊ានខ្លួន ថោកជាងយានជំនិះ

ប្រាំសប្តាហ៍នៃការវាយលុកភាគខាងជើងរបស់រុស្ស៊ីនៅអ៊ុយក្រែន សមរភូមិជុំវិញ Vovchansk ដែលនៅជិតព្រំដែនរុស្ស៊ី-អ៊ុយក្រែន បានក្លាយទៅជាគ្រោះថ្នាក់ យ៉ាងខ្លាំងសម្រាប់រថពាសដែករុស្ស៊ី។ ជាលទ្ធផល ទាហានថ្មើរជើងរុស្ស៊ីត្រូវបង្ខំចិត្តដើរចូលសមរភូមិដោយថ្មើរជើង ដោយទទួលរងគ្រោះយ៉ាងធ្ងន់ធ្ងរ ពីយន្តហោះគ្មានមនុស្សបើក និងកាំភ្លើងធំរបស់អ៊ុយក្រែន។ នៅរដូវផ្ការីក និងរដូវក្តៅ មានការកើនឡើងយ៉ាងខ្លាំងនៃចំនួនអ្នកស្លាប់ និងរបួសរបស់រុស្ស៊ី ដែលការខាតបង់សរុបឥឡូវនេះមានលើសពីកន្លះលាននាក់។ ការកើនឡើងនៃអ្នកស្លាប់ និងរបួសនេះ ផ្ទុយទៅនឹងការខាតបង់របស់អ៊ុយក្រែនទាបជាងយ៉ាងខ្លាំង។ ថ្វីបើមានអ្នកស្លាប់ច្រើនក៏ដោយ សង្រ្គាមមិនបង្ហាញសញ្ញា នៃការបញ្ចប់ក្នុងពេលឆាប់ៗនេះទេ ដោយសារវិមានក្រឹមឡាំងកំពុងជ្រើសរើស និងបណ្តុះបណ្តាលទាហានថ្មីប្រមាណ 30,000 នាក់ជាំរៀងរាល់ខែ ដើម្បីទូទាត់នឹងការខាតបង់ទាំងនេះ។ ទោះបីជាទាហានរុស្ស៊ីស្លាប់ក្នុងចំនួនច្រើននៅ Vovchansk និងតំបន់ប្រយុទ្ធផ្សេងទៀតក៏ដោយ ក៏កងទ័ពរុស្ស៊ីនៅតែបន្តបំពេញបន្ថែមអង្គភាពរបស់ខ្លួន និងបង្កើតអង្គភាពថ្មី។ Kriegsforscher ដែលជាប្រតិបត្តិករយន្តហោះគ្មានមនុស្សបើករបស់កងម៉ារីនអ៊ុយក្រែនបាននិយាយថា រុស្ស៊ីកំពុងរៀបចំកងកម្លាំង ថ្មីសម្រាប់ការវាយលុកនាពេលអនាគត។ ទីក្រុង Vovchansk គឺជាគោលដៅសំខាន់ដំបូងនៃការវាយលុកភាគខាងជើងរបស់រុស្ស៊ី ដែលបានចាប់ផ្តើមនៅថ្ងៃទី 10 ខែឧសភា បច្ចុប្បន្ននៅតែជាសមរភូមិដ៏ក្ដៅ។