Музыка және кино.Музыка пәні 6-сынып. скачать в хорошем качестве

Музыка және кино.Музыка пәні 6-сынып.

23-24 сабақ. Музыка және кино. Музыка пәні 6-сынып. Сабаққа шолу Сенің білетінің: кинематографтың пайда болуы туралы; дыбыссыз кино туралы; кино өнерінің қазақстандық туындылары мен осы өнердің жарқын өкілдері туралы. Сенің меңгеретінің: тыңдаған музыкалық шығарманы талдау; көркем бейнені құруда музыка және өнердің басқа түрлерінін көркемдеуші құралдарын салыстыру. "Балапан қаз" халық әнін үйренеміз. Дыбыссыз кино дыбыстық сүйемелдеуі жоқ кинематографтың бір түрі. Алғашқы дыбыссыз фильмдер өте қысқа болды, бір минуттан аспады. Дыбыссыз фильмдерге дыбыстық сүйемелдеу ретінде оркестр мен бір тапёрдің орындауындағы жанды музыка қолданылды. Тапёр – музыкант,пианист,өз орындаумен би кештерде, балдарда, дыбыссыз фильмдерде сүйемелдеу жасайтын адам. Кинематограф XIX ғасырдың соңында ойлап табылды және ХХ ғасырда өте танымал болды. Синематограф Лумьер ағайындылары жасаған қозғалмалы суретті жазуға және ойнатуға арналған құрал. Киноөнер – туындыларды қозғалмалы бейнелер көмегімен жасалатын бейнелеу өнерінің бір түр. Киноиндустрия (кино өндіріс) — кинофильмдер, кинофильмдерге арналған арнайы эффектілер, мультипликация жасайтын және осы туындыларды көрерменге көрсететін экономика саласы. Дыбыссыз кинодағы актерлік ойынның негізінде пантомимаға ерекше назар аударылды. Дыбыссыз кинодағы кейбір актерлердің қимылдарының мәнерлілігі ең заманауи дыбыстық фильмдерден де асып түседі. Дыбыссыз кинодағы актерлік ойынның жарқын өкілдерінің бірі Чарли Чаплин мен Луиза Брукс болды. Чарли Чаплин – американдық және ағылшын киноактері, сценарист, композитор, кинорежиссер, продюсер және монтажер, кинематографтың әмбебап шебері. Луиза Брукс – американдық биші, модель, дыбыссыз кино актрисасы. 1929 жылы Алматы қаласында ең алғаш киностудия құрылды. Бұл киностудияда жеке қысқаметражды деректі фильмдер шығарылды, олардың ішінде «Ауылдардағы Кооперация», «Жаңа астана» (Алматы туралы), «Қызыл Әскер», «Жайлауда». Ең танымал болған «Түрксіб» деректі фильмі. 1938 жылы «Ленфильм» киностудиясында қазақтың тұңғыш «Амангельді» фильмі түсірілді. Фильм режиссёрі Моисей Левин, басты рөлді сомдаған Елубай Өмірзақов. Бұл фильм қазақтың алғашқы көркем фильмі болып саналады. Елубай Өмірзақов – актёр, ұлттық театр өнерінің негізін қалаушылардың бірі, Қазақ АКСР-інің халық әртісі. «Амангельді» филімінен үзіндіні қара. «Амангельді» филімінен музыкалық үзіндінің лады – минорлы, екпіні – орташа, сипаты – байсалды болып келеді.Михаил Гнесин және Ахмет Жұбанов композиторлары фильмге арналған музыка жазған болатын. Тәуелсіздіктің алғашқы жылдарында мемлекеттік киностудия тарихи тақырыптағы фильмдерге үлкен көңіл бөле бастады. Алматы қаласында орналасқан ірі қазақстандық Шәкен Айманов атындағы «Қазақфильм» киностудиясы. 2003 жылдан бері Алматы қаласында өткізіліп келе жатқан «Шәкен жұлдыздары» фестивалі Қазақстандағы алғашқы тәуелсіз фестиваль болып табылады. Ол жыл сайын өткізіліп, белгілі бір қазақстандық режиссер мен актердің есімімен аталады. «Astana» халықаралық экшн-фильмдер кинофестивалі әлемдегі жалғыз экшн киножанры фестивалі. Жыл сайын шілде айында Астана қаласында өтеді. «Astana» халықаралық экшн-фильмдер кинофестивалінің негізін қалаушы және президенті – Тимур Бекмамбетов. Тимур Бекмамбетов – кеңес, қазақстандық және ресейлік кинорежиссер, сценарист, продюсер, клипмейкер. #МузыкаКино#МузыкаПәні#6сынып