Ijana rya Bisangwa - Sipriyani Rugamba & Amasimbi n'Amakombe, 1981 - Rwanda скачать в хорошем качестве

Ijana rya Bisangwa - Sipriyani Rugamba & Amasimbi n'Amakombe, 1981 - Rwanda

Umpe inka nk'izo uha abandi Abana bavuka iwacu Umpe inka zica igikumba Zibe ikimenyetso ko unkunda Ne kuzumva ubworo ukundi Umpe inka zikomanya ihembe Umpe izitali inshamahendo Ziteretse imfizi Inka nziza z'isanzu Nk'ijana rya Bisangwa Ndaguha, ndaguha Inyamibwa, Ndaguha Inyubahiro nziza, Ndaguha Indamutsa n'iyayo Ndaguha iyera umubiri hose, Ni umushibuka w'Umuhozi. Urebe iryo hogoza ry'inka, Ndaba nguhojeje ayo warize, Utuze guhana Ngo uhanike cyane Waka iza Bisangwa. Umpe inka, umpe inyambo nziza, Umpe inka zera de nk'inyange, Inyamibwa zizira icyasha. Zize nzicyure amarembo, Maze zizabe amarenga Y'uko nzamera ejobundi Wampese izindi z'urwunge, Ngo nagure urwuli Ntunge inka z'isanzu Ziruta iza Bisangwa. Ndaguha singuha isanzu, Kandi singuha isave. Ndaguha imfizi n'isumba, Ndaguha Ruvuzo n'izayo, Imfizi dukesha imivanda Itazana ivata iyo ivuka. Ndaguha iziteye uko ureshya, Ntukwiye izirenga Nk'eshanu zisaga Ku ijana rya Bisangwa. Umpe inka ntungaye indeshyo, Ahubwo muzane indengo Nanjye mpamagare ndenze, Maze yitabe Bisangwa. Nimusanga ansumbya ubworo Nanjye ubwo ndatuza ubwema, Mureke ahabwe iby'ubwanza, Nzarinde nsaza Ndacyuye isanzu Nk'ijana rya Bisangwa. Inhi, kubita izo uhawe; Inhi, wihana cyane, Byava aho bibyara icyaha. Ahubwo ujye wirima icyara Aho gukabiriza icyaka, Ngo uralilira iby'isanzu. N'uwo dufitanye isano, Muha ibyo asanze, Atwara imwe isaga Ku ijana rya Bisangwa. Umpe inka si cyababo. Wibuke nita mu cyuho Ngo ejo utaraswa mu cyico; Naje nk'imfizi idashyama Nkwamururaho ab'ishyanga. Uzahanuze n'ab'ahandi, Nubona hali abahanga Babona isano Isumba iyo ngiyo Nzareka iza Bisangwa. Umpe inka, Umpe inka, Umpe inka. (Ijana lya Bisangwa, Cyprien RUGAMBA & Ballet Amasimbi n'Amakombe, Rwanda, 1981)