vinayvvs - MUSAFIR (Official Trailer) скачать в хорошем качестве

vinayvvs - MUSAFIR (Official Trailer)

MUSAFIR. 27th MARCH. A mixed media trailer curated by vinayvvs for the project "MUSAFIR", featuring a prose poem written by vinayvvs and narrated by Danish Khan. Connect with vinayvvs: https://vinayvvs.lnk.to/connect   / vinayvvseast     / vinayvvseast     / vinayvvstweetin   MUSAFIR Hum sab iss prithvi par musafir hain. Humare jaise bohot aaye, bohot gaye. Humare jaane ke baad bhi bohot aayenge, bohot jaayenge. Yeh musafiro ki duniya hai. Har musafir apni yaatra poori karke chala jaata hai. Kisi ko parwah nahi hoti ki usse pehle kon tha aur uske baad kon aayega. Har musafir apni hi daud mein laga hua hai — un cheezon ki daud mein, jo ek din yahin chhod kar chala jayega. Phir koi doosra musafir aayega aur unhe apna samajh lega. Bas yahi chakravyuh chalta rehta hai. Kuch bhi tumhara nahi hai. Sab kiraaye par hai, kyunki waise bhi sab chhod kar jaana hai. Phir ahenkaar kis baat ka? Tere aur mere beech koi farq nahi bachta agar hum dono hi iss prithvi par musafir hai, jinhe sirf maut ka vaada mila hai. Khaali haath aaye the, khaali haath jaayenge. Sunna toh bohot baar hoga yeh sab. Par kabhi sach mein socha hai iss baare mein? Hum apni poori yaatra iss prithvi par unn cheezon ke peeche daudte hue bita dete hain, jinhe waise bhi yahin chhod kar jaana hai. Rishte, pyaar, yaadein, khushiyaan, parivaar — sab kho dete hai, bas unn cheezon ki daud mein jo waise bhi chhod kar jaani hai. Bohot choti si hai yeh zindagi. Ek din tumhari yaatra khatam ho jaayegi. Phir koi aur musafir aayega, tumhari hi tarah apni yaatra poori karne. Woh bhi cheezon ke peeche dhaudega. Woh bhi apni kabar mein, apni astiyo mein sirf afsos lekar jaayega. Yaadein, rishte, khushiyaan, mohabbat, dosti, anubhav, parivaar — inn sab ke peeche daud musafir. Apni yaatra ko fizool mat jaane de. Bahut naseeb walon ko hi mauka milta hai musafir banne ka. Daudte reh musafir. Daudte reh.