Скачать с ютуб kubalwela mahamewna asapuwa | කුඹල්වෙල මහමෙව්නා අසපුව | sri lanka в хорошем качестве

kubalwela mahamewna asapuwa | කුඹල්වෙල මහමෙව්නා අසපුව | sri lanka

kubalwela mahamewna asapuwa | කුඹල්වෙල මහමෙව්නා අසපුව | sri lanka කුඹල්වෙල මහමෙව්නාව භාවනා අසපුව සුන්දර ඇල්ල පුරවරයේ රමණීය කුඹල්වෙල ග්‍රාමයේ අක්කර 2000 ක් පුරා පැතිරුණු රක්ෂිතයක මුහුදු මට්ටමේ සිට මීටර් 1300 ක් පමණ ඉහළ කඳු මුදුනක පිහිටා ඇත. ශ්‍රී සත්බුදු මහා සෑ විහාරය ලෙසද හදුන්වන කුඹල්වෙල මහමෙව්නාව භාවනා අසපුව දෙස් විදෙස් වන්දනාකරුවන් හා සංචාරකයන් අතර ප්‍රචලිත විහාරයකි.බොහෝ සංචාරකයන් මේ විහාරය මිහිපිට දෙව්ලොව ලෙස හදුන්වන්නේ රමණීය පරිසරයක පිහිටා ඇති අති සුන්දර පුදබිමක් බැවිනි... ශ්‍රී සත්බුදු මහා සෑය කල්ප සියයක් ඇතළත ලොව පහළ වී වදාල විපස්සී,සීඩී,වෙස්සභු,කකුසඳ,කෝණාගමන,කාශ්‍යප,ගෞතම යන සත්බුදු රජාණන් වහන්සේල වෙනුවෙන් ලෝකයේ ඉදී වූ එකම සෑ රජුන් වේ.අඩි 120 ක් වන මේ සෑරජුන් පොළව මට්ටමේ සිට අඩි 20 ක විහාර මන්දිරයකින් සහ එතැන් සිට කොත් වහන්සේ තෙක් අඩි 100 ක උසකින් යුතු වේ.කොත් වහන්සේගේ උස අඩි 15 කි. නමුණුකුල කඳු ප්‍රධාන කරගත් කඳු යායකින් වට වූ සුන්දර පරිසරයේ පිහිටි මෙය ඌව පළාතේ උසම සෑ රජුන් ලෙස ද සැලකනු ලබයි. මෙම ස්තූපය ඌව පළාතේ සුපිහිටි මහියංගණ මහා සෑය ඉදිකළ සුමන සමන් දෙවියන්ගේ ශ්‍රී නාමයේ "සමන්" යන කොටසත්,මුතියංගණ මහා සෑය ඉදිකළ ඉන්දක දෙවියන්ගේ ශ්‍රී නාමයේ "ඉන්දක" යන කොටසත් යොදා උන්වහන්සේලාගේ ශ්‍රී නාමයට උපහාර පිණිස සිරි ඉන්දක සමන් සත්බුදු මහා සෑය ලෙස නම් කර ඇත...හැදින්වීමේ පහසුව තකා වර්තමානයේ ශ්‍රී සත්බුදු මහා සෑය ලෙස හදුන්වනු ලබයි. ප්‍රධාන ධාතු ස්ථූපයක් හා ඒ වටා පරිවාර ස්ථූප 6 කින් සමන්විත වන සේ නිමවා ඇති "ශ්‍රී සත්බුදු මහා සෑය" සෑදීම සදහා මුල්ගල් තබන්නේ 2011 වර්ෂයේදී වන අතර විහාර මන්දිරය සහිත ස්ථූපයේ වැඩ නිම වන්නේ 2024 වසරේ දී ය. ප්‍රධාන ස්ථූපය ගෞතම බුදුරජාණන් වහන්සේ උදෙසාත්,පරිවාර ස්ථූප විපස්සී බුදුරදුන්ගේ සිට කාශ්‍යප බුදුරදුන් දක්වා වන බුදුරජාණන් වහන්සේලා උදෙසා ඉදිකර ඇත. 2018 වසරේ නොවැම්බර් මස 18 වන දින ඉරු දින හිමිදිරියේ මහා සංඝරත්නයේ වැඩිවීමෙන්,දහස් ගණන් සැදැහැවතුන්ගේ සාදු නාද මධ්‍යයේ ත්‍රිවිධ මංගල්‍යය,දම්සක් දෙසුම, සමනොළ ගිරි හිස සිරිපා පිහිටුවීම වැනි සම්බුද්ධ චරිතයේ සුවිශේෂ අවස්ථා දැක්වෙන චිත්‍ර, පිළිම නිර්මාණය, රන්කම්, ලියකම් ආදී නොයෙක් නිර්මාණයන්ගෙන් අලංකෘත සත්බුදු මහා සෑයේ ප්‍රධාන ධාතු ගර්භය තුළ ශ්‍රී සර්වඥ ධාතූ මංජුසා තැන්පත් කොට ගර්භයේ රන් ද්වාර නැවත කිසි දිනක විවෘත කල නොහැකි පරිදි වසා ශක්තිමත් ආරක්ෂාවක් සැලසී ය... තවද,එක් එක් ස්ථූපයන්ගේ ධාතු ගර්භයන් 7 හිම සහ සතරැස් කොටු 7 හිම සොඳුරු සිතුවම් සහ ඉදිකිරීම් සහිත විහාර මන්දිර 14 ක් නිර්මාණය කර ඇත.එසේම සෑම ස්ථූපථකම සර්වඥ ධාතූන් වහන්සේල,ලංකාවැසී,දඹදිවවැසි බොහෝ මහරහතන් වහන්සේලාගේ ධාතූන් වහන්සේල බොහෝ ප්‍රමාණයක්,තඹ පත්තිරුවල ලියන ලද ත්‍රිපිටක ශ්‍රී සද්ධර්මය තැන්පත් කර ඇත.පරිවාර ස්ථූපයන්ගේ ඒ ඒ බුදුරජාණන් වහන්සේලාගේ සම්බුද්ධ චරිතයේ විශේෂ අවස්ථාවන් ද සිතුවම් කර ඇත... සත්බුදු මන්දිරය අඩි 120 ක් උසැති ස්ථූපයේ පොළොව මට්ටමේ අඩි 20 ක් උසකින් ප්‍රධාන බුද්ධ මන්දිරය ලෙස මෙම සත්බුදු මන්දිරය නිමවා ඇත.වර්ග අඩි 7000 ක් පුරා පැතිරුණු මෙම සත්බුදු විහාර මන්දිරයේ එක් එක් සත්බුදු රජාණන් වහන්සේල උදෙසා වෙන වෙනම ප්‍රතිමාවන් ද එම එක් එක් බුදුරජාණන් වහන්සේගෙන් අපගේ මහා බෝසතුන් ගෞතම නමින් සම්බුද්ධත්වයට පත් වීමට නියත විවරණ ගැනීම,බුදුරජාණන් වහන්සේ සමනොළ ගිරි හිස සිරිපා තැබීම,මිහිඳු මහරහතන් වහන්සේ මිහින්තලයට වැඩම වීම ආදී අවස්ථාවන් කැළණි විහාර සිතුවම් සම්ප්‍රදායට නවීන වර්ණ සංකලනයන් භාවිතයෙන් සිතුවම් කර ඇත... දකින විටම බුද්ධ ගෞරවය ඇතිවන පරිදි ජීවමාන පිළිරුවක් මෙන් ඉදිකර ඇති මෙම සෑම සත්බුදු ප්‍රතිමාවක ම තායිලන්තයේ ස්වාමීන් වහන්සේල සහ දායක පිරිසක් විසින් එරටින් ගෙනෙන ලද සැබෑ රන් ලෝහ පත්‍ර ආලේප කර ඇත. සත්බුදු මන්දිරයේ බිම මොරගහකන්ද ජලාශය ඉදිකරන සමයේ කපා ඉවත් කල කුඹුක් ගස් වල ලෑලි අතුරා ඇති අතර ප්‍රධාන උළුවස්ස තනි ගසකින් නිර්මාණය කර ඇත.එය ලංකාවේ දෙවැනියට උසම උළුවස්ස ලෙස ද සලකනු ලැබේ. සත්බුදු මන්දිරයේ සියුම් කැටයම්,ලියකම් නිර්මාණය වලින් විවිධ වර්ණ සංකලන සංයෝජනයන් මගින් තව තවත් අලංකාර කොට ඇත... මෙම මහා සෑය ; සත්බුදු රජාණන් වහන්සේලගේ ශ්‍රී නාමය වෙනුවෙන් ලෝකයේ ඉදිවූ එකම ස්ථූපය වන අතර අක්කර 48 ක් පුරා දිවයන පුදබිමේ බෝධීන් වහන්සේල 1000 නමක් රෝපණය කර ඇත.එම නිසා මෙම කන්ද ශ්‍රී බෝධි පර්වතය ලෙස හදුන්වනු ලබයි. #kubalwela #mahamewnaasapuwa #visitsrilanka