කලා කරුවන් ඇගයීම скачать в хорошем качестве

කලා කරුවන් ඇගයීම

කලා කරුවන් ඇගයීම ප්‍රංශයේ ජාත්‍යන්තර බෞද්ධ මධ්‍යස්ථානයට අනුබද්ධ ශ්‍රී ලංකා අධ්‍යාපනික සංස්කෘතික හා සාමාජීය සංවිධානය හෙවත් සෙක්සා පදනම මගින් සිදුකරණ කලාකරුවන් ඇගයීමේ වැඩ සටහන යටතේ 2011 වසරේදී කලා කරුවන් දස දෙනෙකුටත්, 2019 වසරේදී කලකරුවන් දස දෙනෙකුටත්, 2026 වසරේදී කලා කරුවන් දස දෙනෙකුටත් සම්මාන සමග මුදලින් ආධාර දුන්නේ බොහෝ කලා කරුවන්ගේ ජීවිතයේ සැදෑ සමය බෙහෙවින්ම කනගාටුදායක තත්වයට මුහුණ දී ඇති නිසාය. පසුගිය ජනවාරි මාසයේදී අපේ රටේ කලාවට , සංගීතයට තම ජීවිතය කැප කළ කලා කරුවන් දස දෙනෙකුට සම්මාන සමග මුදලින් ආධාර කිරීමේ විශේෂ අවස්ථාවක්, ආපදාවන්ගෙන් සියල්ල අහිමිවූ පවුල්වල දූ දරුවන්ට පාසල් උපකරණ හා මුදලින් ආධාර කිරීම සඳහා මිනුවන්ගොඩ ජාත්‍යන්තර බෞද්ධ මධ්‍යස්ථානයේදී පැවැත්වූ උත්සවයේදී සිදු කෙරුණි. මෙදින දැනට 92 වන වියේ පසුවන සම්මානනීය රංගනවේදී විජයරත්න වරකාගොඩ ශූරීන්ට, සංගීත ක්ෂේත්‍රයට අපරිමිත සේවයක් සිදු කරමින් ජනහද දිනාගත් අසුවන විය ඉක්මවා සිටින සුජාතා අත්තනායක ශූරනියන්ටද, සම්මානනීය සංගීතඥයෙකු මෙන්ම දේශීය සංගීතයට පණ දෙන්නට ඉමහත් කැප කිරීමක් සිදුකල රෝහණ බැද්දගේ රංගනශූරීන්ටද, ප්‍රවීණ ගායන ශිල්පී ප්‍රියංකර පෙරේරා රංගන ශිල්පියාටද, මෙලනි අශෝකා ප්‍රවීණ රංගනවේදිනියටද, ගීත රචක පද්මකුමාර මෙත්තසේන ප්‍රවීණ සිනමා ඡායාරූප ශිල්පියාටද, රිද්මා තරංගනී ප්‍රවීණ වේදිකා සහ රූපවාහිනී රංගන ශිල්පිනියටද, සැනට් දික්කුඹුර ප්‍රවීණ රංගන ශිල්පියාටද, සිරි කහවෙල ප්‍රවීණ මාධ්‍යවේදියාටද විශේෂ ඇගයීම් සහිතව සම්මාන පුද කිරීම සිදුකරණ ලද අතර ඔවුන් සැමදෙනා ප්‍රංශයේ ජාත්‍යන්තර බෞද්ධ මධ්‍යස්ථානයට අනුබද්ධ සෙක්සා පදනමේ බහුමානයට පාත්‍ර වූහ. මීට කලින් 2014 වසරේදී බණ්ඩාරනායක සම්මන්ත්‍රණ ශාලාවේ පැවති ශිෂ්‍යත්ව ප්‍රදාන උත්සවයකදී දේශයේ මහා ගාන්ධර්වයා ලෙස ප්‍රකට වූ මහා සංගීතවේදී, විශාරද අමරදේවයන්ටද විශේෂ සම්මානයක් පිරිනැමූ අතර බර්ටි ගුණතිලක සහ සුනිල් හෙට්ට්ආරච්චි විකට ශිල්පීන්ටද, මුදලින් ආධාර කරණ ලදි. විශේෂයෙන්ම මෙම සම්මාන සකස් කිරීමට කටයුතු පිළියෙල කළ මහාචාර්ය පූජ්‍ය මල්වානේ චන්දරතන හිමියන්ට සහ සම්බන්ධීකරණය සිදුකළ මාධ්‍යවේදී සමන්ති එදිරිසිංහ මහත්මියට හා ඡායාරූප ශිල්පී ඔස්බන් පීරිස් මහතාටත් අපේ පුණ්‍යානුමෝදනාව පලකල කරමු. විශේෂයෙන්ම සිසුදරුවන්ට පාසල් උපකරණ ලබාදීම සඳහා ලක්ෂ 3 ක මුදලක් පරිත්‍යාග කළ ප්‍රංශයේ වාසය කරණ විජේතුංග බෝගහවත්ත මැතිඳුන්ටත් , මේ කටයුතු සිදු කරන්නට අපට ආධාර කළ ප්‍රංශයේ වාසයකරණ විවිධ ජාතික පින්වතුන්ටත් අපගේ පුණ්‍යානුමෝදනාත්මක ස්තුතිය පල කරමු.