Lalhungchhungi Pachuau - Hlim zan скачать в хорошем качестве

Lalhungchhungi Pachuau - Hlim zan

Phuahtu : Zirsangzela Hnamte Phuah hun : Shillong - 28 May 1978 Phuah chhan : He hla hi chawp leh chilha ka phuah vawi khatna a ni a. 'Chawp leh chilh' han tihah; Ṭingṭang inpêk chawt a, "Hei chutiang khatiang a ni a, hla phuah rawh le," intih chawt a ka phuah nghal vawi khatna a ni e, ka tihna a ni. Ka phuah dan chu hetiang hi a ni : Kan ṭhianpa Hmingthanzama'n Table Tennis khelhnaah Cup a la a, a lawmna kan siam a. Heta telho hi College leh University kai lai, khaw hrang hrang - Champhai, Aizawl, Lunglei, Churachandpur leh Shillong a mi hrim hrim te kan ni hlawm a. A hmun hi Shillong a ni a. Kan hlim tak êm avangin hla phuah turin min ti ta tlat mai a. Tichuan châng khatna hi ka phuah ta nghal a, ka han sa chu ṭhenkhat an rawn lâm ta hial a. Keima phurnain châng hnihna hi ka phuah leh a. Chutah, 'A lawmawm e' tiin No mawi (Cup) chuan zu min thlit a. 'Kha kha phuah leh rawh' an ti leh ta zel a, tichuan châng thumna hi ka phuah leh a. Atawp nan inthlahna châng khat dang an ngiat leh avangin châng tawp ber khi ka siam leh ta a ni. Chawp leh chilh tak meuh a phuah a sak nghal zêl a nih avangin a thunawn pawh a nei hlei thei ta lo a. Ka hla phuah te zingah 35-na a ni a, zan a siam a ni. (Thlalak te hi Zirsangzela Hnamte puala thiltihkhawm, a hlimawm lai thlalak dah mai a ni e.)