HUTBA 27.06.2025 - Hixhreti i Pejgamberit ( mësime dhe këshilla)- Pjesa e parë скачать в хорошем качестве

HUTBA 27.06.2025 - Hixhreti i Pejgamberit ( mësime dhe këshilla)- Pjesa e parë

Mesazhi i Hutbës së Xhumasë E mbajtur, më27//06/2025 m. 1 muharrem 1447 h Vendi:Xhamia Dardania - Gjilan Ligjërues: Hoxhë Shaban Murati Tema: Hixhreti i Pejgamberit ( mësime dhe këshilla)- pjesa e parë- Sot jemi në xhumanë e parë të vitit të rij, vitit 1447 sipas kalendarit hënor, apo sipas kalendarit hixhrij. Së bashku me ju do të qëndrojmë disa qaste, që të njihemi me kuptimin e hixhretit, si dhe me disa ndodhi dhe ngjarje që kanë ndodhur në këtë, që të marrim këshilla dhe mësime nga kjo ngjarje e cila është ngjarja më madhështore e jetës së Pejgamberit. Hixhret do të thotë shpërngulje prej një vendi në një vend tjetër. Shpërngulje nga një vend ku nuk të lejohet ty besimi, nga një vend i dhunimit, maltretimit keqtrajtimit, në një vend ku ti mund ta jetosh besimin tënd, ku mund të jetosh i lirë dhe i sigurt. E tillë ishte shpërngulja e Pejgamberit nga Meka në Medine. U shpërngul nga vendi i tij, ku nuk i lejohej manifestimi i besimit, nuk ishte i lirë, nuk ishte i sigurt, ishte i përdhunuar, i keqtrajtuar, i shtypur, nga një vend ku edhe besimi i tij e edhe jeta e tij rrezikohej, në një vend të lirë, në një vend sigurt dhe të përshtatshëm për besimin e tij dhe jetën e tij. Hixhreti me këtë kuptim nuk kishte ndodhë për herë të parë me Pejgamberin Muhamed. Shpërngulje me këtë kuptim ka pas edhe tek pejgamberët e mëhershëm. Allahu përmend në Kuran shpërnguljen e Ibrahimit me djalin e vëllait të tij Lutin nga Iraku në Palestinë: “Unë do të mërgoj te Zoti im; me të vërtetë, Ai është i Plotfuqishmi dhe i Urti” ( Ankebut 26). Po ashtu Allahu na tregoi për shpërnguljen e Musait nga Egjipti në Medjen. Por shpërnguljet që i bënë të dërguarit e Allahut kishin rezultate të caktuara, edhe pse kishin një mundi dhe një sakrificë të madhe. Ndërsa shpërngulja e Pejgamberit, Muhamedit alejhi selam, ishte një shpërngulje që i kishte parapri një përgatitje shpirtërore, një edukimi mbi dhjetë vjeç,një sakrificë e jetuar nën trysni, nën dhunë të vazhdueshme, fizike, psikike dhe shpirtërore. Qëllimi kryesorë dhe sublim i kësaj shpërngulje ishte ruajtja dhe ngritja e kësaj feje, ruajtje dhe kujdesi që kjo fe të jetoj deri në ditë të kiametit. Ashtu siç tha Allahu: “dhe bëri që fjala e mosbesimtarëve të jetë më e poshtëruara, kurse Fjala e Allahut të jetë më e lartësuara. Vërtet, Allahu është i Plotfuqishëm dhe i Urtë” ( Tevbe 40). Pra, hixhreti, shpërngulja e Pejgamberit nuk ishte ikje, as dezertim, nuk ishte për shkak të frikës për tu ballafaquar me armikun. Por ishte një plan, një taktikë e medituar shumë mirë, një përgatitje e fuqishme për një kthim të fuqishëm në vendin e tij. Nuk ishte ikje nga një caktim, por shkuarje në një caktim më të fuqishëm. Hixhreti shpërngulja e Pejgamberit nga Meka në Medine, nuk është thjeshtë tregim që rrëfehet, e as legjenda që lexohen brez pas brezi. Por ishte shpallje e gjallë e një populli që dëshiron të jetoj i lirë dhe me dinjitet, i fuqishëm deri në kiamet. Hixhreti i Pejgamberit është një grumbull më i lartë i disa mësimeve më të larta, të nevojshme për jetën e njeriut, që nuk mund ti gjesh diku tjetër. Në këtë shpërngulje sheh se si duhet të jetë besnikëria me shokun, dhe flijimi për shokun dhe udhëheqësin tënd. Sheh se si duhet të kesh një përgatitje të madhe në vepra të mëdha, sheh një flijim të rrallë, sheh burrërinë që duhet ta ketë njeriu, sidomos në udhëtim me shokun e tij, sheh besnikërinë, sheh mbështetjen e plotë pas marrjes së shkaqeve më të mira të mundshme, sheh shpresën që besimtari duhet ta ketë për të ardhmen e tij, sheh një udhëheqje të dresuar mirë dhe një planë të përgatitur në formën më të mirë të mundshme. .......... Vazhdone leximi këtu: 📌Facebook:   / shaban.murati.9   KUJDES: Ndalohet rreptësisht ngarkimi i kësaj video në kanalet tjera pa lejën tonë! Të drejtat e rezervuara vetëm për kanalin Hoxhë Shaban Murati.