"FESTA E ABETARES", KLASA I/1, SHFMU "FAIK KONICA", PRISHTINË, 2019/2020 скачать в хорошем качестве

"FESTA E ABETARES", KLASA I/1, SHFMU "FAIK KONICA", PRISHTINË, 2019/2020

Një klasë model, me fëmijë dhe mësuese model, për punën dhe përkushtimin që kanë treguar gjatë këtij viti shkollor (2019-2020). Ne prindërit, nuk mund të themi asgjë tjetër, përveç se jemi të bekuar me fëmijët tanë, kaq të mire, dhe me fatin e madh, për ta pasur mësuese, znj. Suzana Ibrahimi. Që në ditët e para të shtatorit, ne e kuptuam vullnetin dhe përkushtimin e mësueses për t’u marrë me fëmijët tanë, jo vetëm për procesin e mësimdhënies, por ajo u bë edhe edukatore, psikologe, madje edhe nënë, kur është dashur t’i pajtojë ata që qanin në atë fillim. U njohëm më shumë, pas 12 marsit 2020, kur vazhduam mësimin në distancë për shkak të pandemisë me virusin korona. Në këtë situatë të rëndë, megjithatë, ishte një përvojë e jashtëzakonshme për fëmijët, por edhe për ne prindërit, sepse kështu kuptuam se si duhet të jemi më objektivë ndaj mësueses dhe punës së saj me fëmijët tanë… Kjo klasë, ka punuar intensivisht, duke u angazhuar me detyra edhe nga platforma tjera, përveç asaj të MASHTI-it, në mënyrë që të plotësojnë sa më shumë dijen e tyre. Madje, pavarësisht pengesave teknike, shpesh me internetin, mësuesja ka mbajtur edhe orët e shkathtësive, pra edhe edukatë fizike, në mësimin në distancë, duke tejkaluar kështu stresin e izolimit për fëmijët. Kjo është mësuesja Suzana Ibrahimi! Rezultati i punës së saj, u pa edhe me përgatitjen e programit festiv të “Festës së Abetares”, i cili është shumë vështirë të realizohet në distancë, për fëmijët e klasës së parë. FËMIJË TË DASHUR, NA KENI MREKULLUAR! Ishte kënaqësi për fëmijët që morën vlerësimin edhe nga drejtoresha e shkollës, znj. Jehona Oruqi, për programin që kishin përgatitur. Urojmë të shihemi në shkollë në shtator, kur do të vazhdojmë me klasën e dytë. NE, MËSUESE E DASHUR, TË PREMTOJMË se do të jemi edhe më të përkushtuar për të vazhduar Klasën e dytë, sepse duhet të jetë shumë funksional trekëndëshi: NXËNËS – MËSUES- PRIND! URIME!