Скачать с ютуб EP1. ទម្លាប់ទាំង៧យ៉ាងដ៏មានប្រសិទ្ធភាពសម្រាប់យុវវ័យ The 7 Habits of Highly Effective Teens. в хорошем качестве

EP1. ទម្លាប់ទាំង៧យ៉ាងដ៏មានប្រសិទ្ធភាពសម្រាប់យុវវ័យ The 7 Habits of Highly Effective Teens.

ខ្ញុំគឺជាកល្យាណមិត្តដ៏ជិតស្និតបំផុតរបស់អ្នក ។ ខ្ញុំ គឺជាអ្នកដែលតាមជួយអ្នកលើសពីអ្នកណាទាំងអស់ក្នុងភពផែនដីនេះ ប៉ុន្តែខ្ញុំក៏ជាបន្ទុកដ៏ធ្ងន់បំផុតរបស់អ្នកដែរ ។ ខ្ញុំនឹងរុញអ្នកទៅមុខ​ ប៉ុន្តែខ្ញុំក៏អាចទាញអ្នកមកក្រោយឲ្យធ្លាក់ក្នុងក្តីវិនាស។​ ខ្ញុំស្តាប់បញ្ជាររបស់អ្នកទាំងអស់ កិច្ចការដែលអ្នកចង់ធ្វើ គ្រាន់តែប្រគល់ឲ្យខ្ញុំ ខ្ញុំនឹងធ្វើវាយ៉ាងលឿន និង​ យ៉ាងត្រឹមត្រូវបំផុត ។ អ្នកអាចចាត់ចែងខ្ញុំដោយងាយ គឺគ្រាន់តែម៉ឺងម៉ាត់ដាក់ខ្ញុំ គ្រាន់តែធ្វើអ្វីមួយឲ្យច្បាស់ ក្រោយពីអ្នកធ្វើវា២ទៅ៣ដង ខ្ញុំនឹងធ្វើវាដោយខ្លួនឯង និងដោយស្វ័យប្រវត្តិ ។ នៅចំពោះមុខបុគ្គលអស្ចារ្យ ខ្ញុំនឹងសម្តែងនូវភាពអស្ចារ្យ ហើយនៅចំពោះមុខជនបរាជ័យ ខ្ញុំនឹងសម្តែងនូវភាពបរាជ័យ ។ អ្នកអាចប្រើខ្ញុំដើម្បីបង្កើតប្រយោជន៍ ឬ ក៏ប្រើខ្ញុំដើម្បីបំផ្លាញខ្លួនឯង ព្រោះអ្វីៗទាំងអស់ គឺស្រេចលើអ្នក មិនមែនស្រេចលើខ្ញុំនោះទេ ។ ទទួលយកខ្ញុំ បង្វឹកខ្ញុំ ម៉ឺងម៉ាត់ដាក់ខ្ញុំ ពេលនោះ ខ្ញុំនឹងធ្វើឲ្យពិភពលោកកោតស្ញប់ស្ញែងអ្នក តែបើអ្នកមិនម៉ឺងម៉ាត់ដាក់ខ្ញុំទេ ខ្ញុំនឹងបំផ្លាញអ្នកជាក់ជាមិនខាន។ តើខ្ញុំជានរណា? ខ្ញុំនេះ គឺជាទម្លាប់របស់អ្នក​ អ្នកដឹងទេថា ហេតុអ្វីខ្ញុំនិពន្ធសៀវភៅនេះឡើង? ខ្ញុំសរសេរវា​ ក៏ព្រោះខ្ញុំគិតថា ជីវិតរបស់យុវវ័យបច្ចុប្បន្ន គឺលែងជាក្មេងឡេះឡោះដូចក្មេងក្នុងសួនទៀតហើយ ប៉ុន្តែវាដូចជាការផ្សងព្រេងក្នុងព្រៃដ៏ជ្រៅមួយ ។ សៀវភៅ ទម្លាប់ទាំង៧យ៉ាងដ៏មានប្រសិទ្ធភាពសម្រាប់យុវវ័យ នឹងក្លាយជាត្រីវិស័យមួយ ដើម្បីជួយបង្ហាញផ្លូវអ្នកឲ្យឆ្លងផុតពីព្រៃជ្រៅនេះ ។ ****************************************************************************** ក្នុងឪកាសដែលទទួលប្រយោជន៍ដ៏មហិមាពីចំណេះដឹងនៃសៀវភៅ ទម្លាប់ទាំង៧យ៉ាងដ៏មានប្រសិទ្ធភាពសម្រាប់យុវវ័យ ដែលធ្វើការបកប្រែពីសៀវភៅដើម THE 7 HABITS OF HIGHLY EFFECTIVE TEENS ។ ខ្ញុំបាទ និងមិត្តអ្នកស្តាប់ទាំងអស់ សូមថ្លែងសេចក្តីដឹងគុណយ៉ាងជ្រាលជ្រៅចំពោះអ្នកនិពន្ធលោក SEAN COVEY និងអ្នកប្រែសម្រួលសៀវភៅជាភាសាខ្មែរ ដោ នីដា នៃស្ថាប័ន EDU ។ ខ្ញុំសង្ឃឹមរំពឹងទុកថា ការអានសៀវភៅជាសម្លេង ឬ AUDIO READING BOOK នេះ បានរួមចំណែកកសាងប្រយោជន៍ច្រើនក្នុងការអភិវឌ្ឍធនធានមនុស្សពិសេសសម្រាប់យុវវជនដែលជាសសរទ្រូងដ៏មានសារៈសំខាន់សម្រាប់សង្គមជាតិ ក៏ដូចជាពិភពលោកទាំងមូល ។