DORE batatu bakuru bayoboraga MRND mu 1994: Matayo NGIRUMPATSE, Edouard KAREMERA & Joseph NZIRORERA. скачать в хорошем качестве

DORE batatu bakuru bayoboraga MRND mu 1994: Matayo NGIRUMPATSE, Edouard KAREMERA & Joseph NZIRORERA.

MATAYO NGIRUMPATSE N’ABAGENZI BE BABAJENOSIDERI ARIBO KAREMERA EDOUARD NA JOSEPH NZIRORERA Matayo Ngirumpatse umugabo w’Umuririrmbyi ukomeye waririmbye kenshi muri Chorale de Kigali akaniyihimbira indirimbo nyinshi akanamenyekana mu bashinze iyi Chorale ni umwe mu mazina akomeye kandi ahambaye y’abantu bagize uruhare muri Jenoside yakorewe abatutsi mu mwaka wa 1994 kuburyo izina rye rizwi cyane kuko yari Perezida wa MRND ku rwego rw’igihugu mu gihe cya Jenoside yakorewe abatutsi.uyu Ngirumpatse Matayo niwe tugiye kugarukaho muri iki kiganiro mu buryo bwihariye kuri bimwe mu byaranze ubuzima bwe turebe inzira uyu mugabo wabaye umuririrmbyi ukomeye mu kiliziya yanyuzemo kugirango ahinduke umwicanyi ukomeye w’Umujenosideri watsembye abatutsi akabamara.ntitumugarukaho wenyine ahubwo turanavuga kuwari uwungirije Edouard KAREMERA wari Visi perezida wa MRND mu gihe cya Jenoside ndetse turanagaruka kuwari Umunyamabanga wa MRND mu gihe cya Jenoside Joseph NZIRORERA.Aba bose bagaragaye bari hamwe mu kuyobora ibikorwa byose bya MRND n’amashyaka ya Jenoside yari ayishyigikiye mu gutsemba abatutsi.aba nibo tugiye kwibandaho muri iki kiganiro.iki ni ikiganiro IBYAHISHWE uwakiguteguriye ni BIZIMANA Christian naho jye ugiye kukikugezaho ndi Prudence NSENGUMUKIZA.Mbahaye Ikaze NGIRUMPATSE matayo yavutse tariki ya 12 z’ukwezi kwa cumi na biri mu mwaka wa 1939 avukira mu cyahoze ari Komini Tare muri perefegitura ya Kigali ubu ni mu karere ka Rulindo uyu yavukaga mu muryango w’abana 15 rero yize amashuri ye abanza I Tare amaze kuyarangiza yakomereje mu niseminari ntoya y’I kabgayi muricyo gihe byari bigoranye kubona amashuri akomeye Atari aya kiliziya Gatolika,ariko ntiyabashije kurangiriza muri iyi seminari ahubwo yakomereje amasomo ye mu ishuri ryitiriwe mutagatifu Pawulo ryari I Bukavu muri Congo mbiligi yicyo gihe ubu ni muri repubulika iharanira Demukarasi ya Kongo ,muri iri shuri yahavanye impamyabushobozi mu bijyanye n’amategeko. Mu 1962 Matayo Ngirumpatse yatangiye gukora nka subusititi mu Bushinjacyaha bukuru bwa Repubulika I Kigali. Akiri mu iseminari ntoya I Kabgayi Matayo Ngirumpatse yibonaga cyane mu bijyanye no kuririmba ndetse no gucuranga yarabikundaga cyane uretse ko byari n’impano ye yaranabishoboye. muri aya mashuri yombi yaba I Kabgayi ndetse ni Bukavu yize yahahuriye na benshi ariko hari umwe ngirango ntuze kwibagirwa ariwe Yuvenal HABYARIMANA wamurushaga hafi imyaka ibiri kuko we yari yaravutse tariki ya 08 z’ukwezi kwa gatatu mu 1937 I Rambura muri perefegitura ya Gisenyi. Aba basore bombi bari bakiri bato ubwo bari mu mashuri y’isumbuye basa naho batari bafite igitekerezo cyukuntu mu myaka mirongo ine yari igiye gukurikiraho bari bagiye gusenya igihugu cyababyaye bakagisigira amateka asharira ya Jenoside yakorewe abatutsi .ku buryo Isi yarikuzatangarira umuvuduko uwo mugambi wateguwe ndetse ukanashyirwa mu bikorwa bigizwemo uruhare n’aba basore. Ubwo Matayo Ngirumpatse yatangiraga imirimo ye mu by’amategeko icyo gihe Yuvenal Habayrimana nawe yari amaze kurangiza amasomo ye ya Gisirikare mu ishuri rya gisirikare I Kigali (Ecole des Sous Officielles de Kigali) ahita anakomeza mu bijyanye n’umwuga we wa Gisirikare aho nawe yazamukaga ubutegetsi mu mapeti.icyo gihe rero mu 1962 yari umusirikare watangaga ikizere mubo barikumwe. Ku mugoroba wa tariki ya 05 z’ukwezi kwa karindwi mu 1973 Generale Major Yuvenal Habayrimana afashijwe n’abandi basirikare bakuru 10 bari bibumbiye mu itsinda ryiyise inshuti z’uwa gatanu Nyakanga (Les camarades de cinq Juillets) yahiritse ubutegetsi bwa Perezida Geregori Kayibanda maze atangiza ubundi bwiswe Repubulika ya Kabiri, akimara gufata ubutegetsi yahise yibuka inshuti ye yakera Ngirumpatse Matayo maze amugira ambasaderi uhagarariye u Rwanda I Addis abeba muri Ethiopia aho yamaze imyaka itanu akora aka kazi .mu 1978 yarongeye ahabwa izindi nshingano nkizo zo guhagarira u Rwanda mu Budage. Mu 1982 Ngirumpatse Matayo yakomereje amasomo ye muri Universite ya stasbourg yo mu bufaransa aho yaragiye kuminuza mu bya mategeko muri iyi kaminuza yahavanye impamyabushobozi ihanitse mu mategeko PHD mu mwaka wa 1985.ubwo yagarukaga mu Rwanda yahise agirwa umujyana wa perezida Yuvenal Habyarimana mu bijyanye n’imibanire n’amahanga .nubwo yari amaze igihe mu mahanga hari ikintu Atari yari yaribagiwe kuririmba no gucurunga kuko yakomeje kuba umuririmbyi ukomeye muri Chorale de Kigali.kuri iyi ngingo yo kuba umuririmbyi muri Chorale de Kigali Ngirumpatse Matayo arihariye kuko mu mateka y’iyi chorale si ubonetse wese kuko Matayo ni umwe mu bashinze iyi Chorale ndetse ni numwe mu bantu bayihimbiye indirimbo nyinshi kandi zamenyekanye zirimo Mushumba Ushagawe;Inganji y’ingabe;Nzasingiza Uhoraho .. #IntsinziTV #MatayoNgirumpatse #JosephNzirorera