Hmangaih LM | Laltanpuia Tochhawng | Lallianmawia Pachuau скачать в хорошем качестве

Hmangaih LM | Laltanpuia Tochhawng | Lallianmawia Pachuau

He hla hi Laltanpuia Tochhawng phuah a ni a. A hnathawhna hmun Saihaa a awm laiin Lallianmawia Pachuau hi a lo boral ta mai si a. Saiha atanga a lo phei hnu chuan Lallianmawia Pachuau te in luah Thakthing Damvengah an sulhnu te fangin a lêng a, amah Mawitea hmuh tur a awm ta si lo, Mawitea farnu te chauh khawhar taka an lo awm a hmuh chuan an lung a chhiain inhnem tur bik chuang awm lovin an vâi mai chuan an tap ta vawng vawng mai a. In-a a haw hnuah he hla hi hun rei lo te chhûngin a siam zo nghal a ni. Laltanpuia Tochhawng hian a cassette leh radio-ah lungrun em em maiin a sa a, a hunlai chuan Zoram mipui mittui a ko chhuak nasa hle a ni. HMANGAIH LM 1. Aw kan thinlâi tihlim thintu, Kan dâwn lungrûk tikim thintu; Mawite’n pâr ang i vullaiin, A lo tliak ta i vullai ni; Aw i hla mâwi leh zâi mâwite’n, Nitin min âwi kan ngâi ning lo; Mahse tawn tur i awm si lo, Awmhar tizualtu mai lo ni. Kan ngaithiam lo Hmangaih LM, Piallei dâia rûn i rem hi; I chûn leh zua i thâi leh hraichawi, I û leh nau lenrual zawngte; Kan tah laini a bâng thei lo, In hnêm tur pawh kan awm chuang lo. 2. Aw i fam chhan i hliam te kha, A nâ a ni kan dem lo che; Damna rûn pawh i tân damna, A tling zo lo a pawi lua e; Aw i fam tâk ni atang khân, Nang hmangaihtu zawng zawngte hi; Kan hlimlaini i liampui nge? Hlim zâi reng reng kan rêl thei lo. 3. I hmangaih i liamsan tâkte’n, Bânah min vuan luaithli an nûl; Aw hnêmtu tur an va ngâi êm! Vawikhat tal han hnêm leh turin; Puini chu lêm ang der ta la, Hringmi zingah lo kir leh rawh; Kirtiang rêl leh a rem loh paw’n, Tawnmangah tal lo lêng rawh aw.