KOMPROMISU DOMIN AI-LEBA || Poezia Liurai Aifunan скачать в хорошем качестве

KOMPROMISU DOMIN AI-LEBA || Poezia Liurai Aifunan

KOMPROMISU DOMIN AI-LEBA Poezia Liurai Aifunan Music by : RAYN BEATS Title : Free- Sad Love Beat (Instrumental No Copyright) Link :    • Video   Nonoi, Ha'u Hadomi Ó Ne'e La'os retórika bé laiha prátika Hanesan Polítika-na'in Hipókrita Ne'ebé fan-an ho liafuan persuasivu Hodi Tane Liman ba Povu Nia fiar Wainhira hetan tiha fiar ho regalia Sai tiha Prostituta ba ukun Haluha tiha se mak Povu! Ha'u Sei la husik Ó terus mesak Ha'u sei la Fó Biban ba tempu hamout Ksolok bé ita rua harii hamutuk Ha'u sei la husik minutu ida halakon Ó Nia hamnasa Ha'u sei hamriik iha Ó sorin funu hasoru susar hotu Ha'u prontu hikis Kosar iha Dalan-Ninin ba ita rua Nia moris diak La hanesan Sira Ne'ebé halo promesa mamuk Hodi Kalsu Netik Sira Nia Lasu ba Kabun Bosu Katak prontu hikis Kosar ba Povu Nia moris diak Ikus Mai Husik Povu Kosar Mesak-Mesak Sira tur hela iha AC laran Kosar la sai Fiar Ba Ha'u.... Ha'u sei la haluha Ha'u Nia promesa Ha'u sei la Hewai domin Ne'ebé mak Ó Fó mai Ha'u Fuan Ne'e Ó Nian Forsa Ne'e Hodi Serbi De'it Ó Maski Dalan Ne'e Nakonu Ho Ai-Tarak Promete Nafatin Hatuur Ó iha Laletek Haksolok Nian Wainhira Domin Ne'e Desidi Ó Sai Inan ba Ha'u Nia Oan Sira Husik Hakat Bé Ha'u Fó Dudu Hasoru Nakukun Ne'e Sai Nuudar Lisaun ba ita rua Nia oan atu aprende Katak Han ho Hemu husi saida mak sira hetan liu husi Kosar-been rasik... Karik Loron Ida Sira sai Matenek hodi ukun Ra'i ne'e Labele Sai Ukun-Na'in Kan-ten Ukun-Na'in Na'ok-ten Tamba Ra'i-Lulik Ne'e Presiza Ukun-Na'in Honestu Ra'i Lulik Ne'e Presiza Ukun-Na'in Hadomi Nia Povu La'os Ukun-Na'in han Bosu to kabosu desidi tuir Nia Gostu Husik Povu Moris hanesan Manu Oan Nurak Ne'ebé Ema Tiru sai husi nia knuk rasik Nonoi ! Ha'u la matenek iha hakerek ho lee Sa tan retorika ! Ha'u la kuda promesa falsu Ha'u la lori esperansa Mamuk La hanesan Sira Ne'ebé hananu Knanuk domin Tuir Nia Tempu iha Palku Leten Hamutuk Ba Timor-Leste Ida Buras Liu Fiar-an La'o ba Oin Maibé realidade Haburas Nepótizmu no Vingansa polítika Grupu ida sai kabosu Povu krekas ba nafatin Ha'u La Fiar-an Lao ba oin wainhira Ó la haksolok Domin Ne'e La Presiza Jura Hemu Raan ne'e Ezplorasaun Ha'u Hadomi Ó laiha hanoin atu Manán Ó Hodi Halakon ema seluk Ha'u la istima deit Ó hodi buka oportunidadi Ha'u sei hamutuk ho Ó to'o iis nee fila ba Nia-na'in Fó mai Ha'u biban Domin tomak ne'e Ó nian