بەشی بیست و نۆیەمی (ژینۆساید-جینۆساید)؛ جوگرافیای شاڵاوەکانی ئەنفال، ئەنفالی چوار: скачать в хорошем качестве

بەشی بیست و نۆیەمی (ژینۆساید-جینۆساید)؛ جوگرافیای شاڵاوەکانی ئەنفال، ئەنفالی چوار:

بەشی بیست و نۆیەمی (#ژینۆساید-#جینۆساید)؛ #جوگرافیای #شاڵاوەکانی #ئەنفال، ئەنفالی چوار، #ئاوگەی #زێی #بچووک (لە ٨ی نیسان تاوەکوو ٣ی ئایاری ساڵی ١٩٨٨ی.ز): هێزەکانی ڕژێم دووای تەواوکردنی تاوانەکانی ئەنفالی سێ، کە زۆرترین ژمارەی قوربانی و شوێنبزری لێکەوتەوە، لە هێرشەکانی بەردەوام بوو بۆ سەر ناوچەکانی تری #کوردستان بەهەمان شێوە. جوگرافیای ئەم شاڵاوە ئاوگەی زێی بچووک بوو، کە هێڵی سنووری هەر دوو #پارێزگای #کەرکووک و #هەولێری پێک دەهێنا. ئەم ئاوگەیە شارۆچکەکانی (#ڕێدار، #ئاغجلەر، #تەقتەق و چەند گوندێکی گەورەی وەک: #عەسکەر و گۆپتەپەی دەگرتەوە)، کە دەتوانین بڵێین سنووری ئەم شاڵاوە ناوچەکانی دەشتی کۆیە و #تەقتەق و #شێخ #بزێنی و #ناوشوان و ئاغجلەر و #خاڵخاڵان و #چەمی #ڕێزانی گرتەوە. سەرەتای ئەنفالی چوار بە #کیمیابارانی #گوندی #گۆپتەپە لە ڕۆژی ٣ی ئایاری ساڵی ١٩٨٨ی.ز دەستیپێکرد بەهۆی #فڕۆکە #جەنگییەکان بۆمبی کیمیاوی بەسەر خەڵکەکەی داباراند، قوربانییەکانی ئەم گوندە بە نزیکەی (٣٠٠) کەس دەخەمڵێندرێت، هاوکات گوندی عەسکەری بە هەشت بۆمبی کیمیاوی #بۆردوومانکرا، بۆنی کیمیاوییەکەی تەشەنەی کرد تاکوو گەیشتە گوندی #حەیدەر #بەگ، لەوێش ژمارەیەک قوربانی لێکەوتەوە. بۆ ڕێگرتن لە دەربازبوونی دانیشتوانی گوندەکانی گۆپتەپە و عەسکەر و حەیدەر بەگ، ڕژێم #ئاوی #بەنداوی #دووکانی بەردایەوە، تاکوو نەتوانن لە زێیەکە بپەڕێنەوە و ڕزگار ببن، خەڵکەکە بەرەو ناوچەکانی #چەمچەماڵ و #تەکییە و هەندێکیشیان بەدەم زێیەکە شۆڕبوونەوە بەرەو ناوچەی شێخ بزێنی. هەڵاتووەکانی گوندی عەسکەر لەسەر جادەی سەرەکی لە لایەن #سوپا و #کوردە #جاشەکانەوە دەسگیرکران و ڕەوانەی کۆمەڵگەی سوسێ کران، بەم جۆرە زۆربەی خەڵکی ناوچەکە، کە لە دەست سوپا ڕزگاریان نەبوو، شوێنبزرکران. لە ٤ی ئایار هێرشەکە فراوانتر بوو بەشێوەیک ناوچەکانی دەوروبەری شاری کۆیە و گوندەکانی لێواری زێ و دەورووبەری شارۆچکەی تەقتەق و ناوچەی شێخ بزێنی گرتەوە. بە درێژای زێی بچووک سوپا گوندەکانی ئەمبەر و ئەوبەری وێرانکرد و سووتاندی. ژمارەی شوێنزبرکراوانی ئەم ناوچەیە گەیشتە (١٦٨٠) هەزار و شەش سەد و هەشتا کەس. بەم شێوەیە، دڕندایەتی ڕژێم هەموو گوند و ناوچەکەی گرتەوە، (٢٣٧) دووسەد و سی و حەوت گوند #تەخت و #وێرانکران و #سووتێندران، نزیکەی (٢٥٠٠) دووهەزار و پێنج سەد کەس، لە دەشتی کۆیە و (٣٠٠٠) سێ هەزار کەس، لە ناوچەکانی شێخ بزێنی و ناوشوان #شوێنبزرکران. لەم شاڵاوەدا هەمان سیاسەتی ئەنفالەکانی تر پەیڕەو دەکرا، بۆ کۆکردنەوەی خەڵکە گیراوەکە، کە چەند شوێنیان ئامادەکرد بۆ کۆکردنەوە و جیاکردنەوەی خەڵکەکە و #ڕاگواستنیان بۆ شوێنی نادیار. ------------------------------------------------------------------------------------------------------------------------- بۆ دیتنی بابەتەکە وەک خۆی سەردانی تێلێگرامی کوردزانست بکە: https://telegram.me/kurdzanistnet ------------------------------------------------------------------------------------------------------------------------- Kurdzanist is a scientific and social site کوردزانست، ماڵپەڕیکی زانستی و کۆمەڵایەتییە   / kurdzanist1     / kurdzanist   https://telegram.me/kurdzanistnet https://chat.whatsapp.com/EMVoVXw7msU...   / kurd-zani.  .   / kurdzanist.n.  .