Sipaiin a dul an kah ṭeh vek Zara chu zawn lovin an kai kal lui ! || Pu K Sangremthanga kawmna - 4 скачать в хорошем качестве

Sipaiin a dul an kah ṭeh vek Zara chu zawn lovin an kai kal lui ! || Pu K Sangremthanga kawmna - 4

Chhuah 4-na. HAN CHHIAR MAH TEH.. Chhim lama an awm laiin Chakmain CRPF ho bulah an hek a, a ṭhiante pahnih nena an awm lai chu Vai sipaiin an rawn bei ta, a ṭhian pakhat zawk Lianchhinga chu a lu-ah an kap a, engmah hre tawh loin a rum a rum a. Tin, a ṭhian pakhat leh Zarnova pawh a dulah an kap bawk a, a rilte a bung rum a, a ni pu K Sangrema erawh an man a, an hnung khirh a, nasa takin an sawi sa ta. Aw le,Pu K Sangrema sawi ṭhen khat chu he tiang deuh hi a ni.... " Ka ṭhianpa Lianchhunga kha thingah an ṭawn a, an zawn ta a, a la thi chiah si lo va. Zarnova kha chu dul ṭet vek chungin zawn lohin an kai kal ta a ni, a rapthlak a sin, ka sawi zawng pawhin ka thinur hi ka ṭah a chhuak tlat ṭhin a maw, ka thinur hi a la reh thei lo va," "Zarnova an khaw ngaih leh tawh si kha, Lianchhunga kawng thlangah an paih a, Zara chu an zawn ta zawk a?..." " Lianchhunga an han paih chu ka mitthui hi a tla tlawk tlawk a, ka thlir liam a, mi an rawn nam zui bawk si a." " ka ṭhianpa an paih ka thinlung na lutuk khan thih chilh ka tum a, ka tal chhuak zo si lo..' ka tal chhuak thei a nih chuan an mahni pawh, kei pawh ka thi ang' ka ti a, thih hrehna a awm tawh lo... " Lalpa, ka thiante pahnihin min boralsan dawn a ni a, pakhat chu a biak theih loh a, pakhat erawh a la biak theih a, mahse hei pawh hi a dam dawn lo va.... martarin heti hian an thi dawn a ni a, khawngaih takin i ramah ka thiante hi min laksak ang che," " Tunhma chuan scarf ( Rawmawl lian / thlan ilo hrukna towel tê)a lo chhuah khan lunglei nulain hlai deuh mai min lei sak a, ' hei hi awrh la, i inhmeh ve dawn em mai,' a ti a, ka nghawngah min bah tir a, ka hlim ve khawp mai a, ka ak ta a. Kha ngei mai khan min hnungkhirh a ni, ka talchat zo si lo." " ...lawnglêngah min dah a, min phur tawh a...Zarnova'n a tui hal thu a sawi a, pek chuan a thi dawn tih ka hre si, ' a hal ang, ka pe ang che, lo insum hram hram la, khi laiah ka pe ang che,' ka ti a, min hnung khirh tlat bawk si a." " Chhak deuh kan thleng a, ' min va pe har ve,' a ti a, kut hnung khirh chungin lawngleng tlangah ka kut ka zen chhuak a, ka kutin tui ka zu suak a, ka inher kual a, a kaah ka zuk dah a, ka in her kual leh a, ka kutin ka zu thal leh a, vawi li ka tih hnuah, 'a tawk rih,' ka ti a, ' ka chhawl a la hal lutuk, ka dang ro a la reh loooo,' a ti a, keiin, ' a tawk, lo tuar hram hram rawh, patling i nih kha,' ka ti a, " Kan tlan chho leh a, tui a rawn lam leh a, 'ka pe ang che' ka ti a, mittui tla chungin kan suak leh a, kan barh a, ka lainat lutuk chu ka mittui hi a tla zung zung mai a, mittui pawh a hruk theih si loh, min hnungkhirh tlat si a, a hrehawm khawp mai..." " kha tah kha chuan thih hi ka chak, hlauhna hi ka nei reng reng lo, ṭhiante chhan thei lo va kha tia ka awm kha, hrehawm hi ka ti lutuk , mipa lo pawh ka inti a, mahse, tihngaihna a awm thlawt si lo," " vawi li tui ka pek hnuah ka duh tawk leh a, ka pek vak chuan tlabung a thleng hman lovang tih ka hlau si, tlabung min thlenpui se ka duh a ni, chutah, ' Pa Rem, enga ti nge, min hmangaih ta lo em ni, ni dang a va ang lo ve,' a rawn ti a, ka lai a na lutuk a, ka mittui kha a dirin a dir zung zung mai a ni. " chhak deuh kan thlenin kha le, tui chu in leh rawh le, tiin zai dam deuhin kan ti leh a, a rawl hi a rawn chhuah a, ka va han lawm em, 'min hmangaihtu bulah ka awm a, tui min han intir a, ka va han lawm em,' a ti a," Aw le, heng lai vel hi a ni ka thinlung ti nâ a, ka mittui titlatu chu. A ma sawi kim chang i ngaihthlak hunah chuan i rilru a nâ ang a, i thin a rim ang a, i hnuk a ulh bawk ang.