مركي عتيبه لا جاء القوم قومه و قعده | كلمات : فيصل بن دبيل | اداء : متعب بن دخنه 2024 скачать в хорошем качестве

مركي عتيبه لا جاء القوم قومه و قعده | كلمات : فيصل بن دبيل | اداء : متعب بن دخنه 2024

لا أدلهمّ الليل و إنكفّوا المتسمّرين ابتدى ليلٍ طواريّه .. تسوق سهده و الطواري ما تجي غير روس الطيبين تسرق الطيّب و تلعب بـ عقله و جسده و الردي لا هم دنيا .. و لا به هم دين ميّتٍ ياكل و يشرب .. و همّه مرقده واحدٍ ما يقطع الشكّ بـ الفعل اليقين ودّك إنّه يدفنونه .. بـ ليلة مولده و ألّا انا لي راسٍ اصوك و عزمٍ ما يلين البعيد يقرّبه .. و الظلام يبدّده ان وقفت اطوي دروب النجاح بـ خطوتين و لا جلست اقلط صدر و الفعول موكّده و ابطي من الشعر و اشتاق له حينٍ و حين و لا نويته .. لاح برقه يسابق لـ رعده هاجسي لا من تزبّر و سمّى بـ الغِشِين ينعش الاذهان .. و يروعها ضرب برده في لزوم الكفو ما اعرف يسار و لا يمين والله إن يبشر بـ عزّه و يبشر بـ سعده يا فهد يا طيّب الراس .. يا ذرب اليمين المدايح فيك .. مثل الفعول مردّده يا ابن دبيل الفرايد بـ غيرك ما تزين مجد جدّانك ورثته .. و جيت تجدّده ابن عمّ و درع جنب و حزامٍ لـ السنين لـ الخوي جنّه و لـ الخصم نارٍ موصده بـ الحجاج الطلق و الـ مرحبا على السمين القدور تْفور .. و المكرمات مسنّده فيه لـ العدوان سطوه و لـ المسكين لين يبذل المجهود دونه .. و لا كلّ جهده و بـ الكرم يمناه تندى و ترهي بـ الثمين عبّد رْياله لـ وجهه .. ما هو يستعبده و بـ الفزوع اللي تفكّ المغربل و السجين راحة العالم بسط دونها .. راحة يده فيك اماري و اتباهى و اطول الفرقدين و القبيله فيك ناموسها .. زاد رغده عادةٍ لـ آلاد عاصم .. كعام العايلين مركي عتيبه لا جاء القوم قومه و قعده كلّ علمٍ يرفع الراس .. فيه مجمّلين نسبق العالم بـ فعلٍ ما قبْله و بْعده العصيمي فـ المقام اسبق من المارتين و إن توفّى .. سبعة انعام ميراث ولده ان زعلنا نضرب الضلع و يعوّد طحين و ان رضينا مثل غيثٍ يجي في موعده و من هقى فينا لقانا له حزامٍ متين العصيمي راس مال الرفيق و مسنده يبتهج و لا يشوف الخطوب بـ نصّ عين و يتبجّح كنّه اللي .. حكم وسط بلده و مثل فرق هْروج الالسن عن فْعول اليدين في مقام الطيب فرق العصيمي ما ابعده فيصل بن دبيل