'Zef Lush Marku' promovon vlerat e folklorit shqiptarë скачать в хорошем качестве

'Zef Lush Marku' promovon vlerat e folklorit shqiptarë

Për një moment, salla e gjimnazit "Zef Lush Marku" në Shkup u shndërrua në shtëpi tradicionale shqiptare, me odë burrash, kuzhinë popullore me gatime të shumëllojshme, si dhe sfilata veshjesh tradicionale nga të gjitha trojet të banuara me shqiptarë. Sipas profesorit Naser Miftari, aktiviteti kishte për qëllim të dëshmonte se historia është shkencë shoqërore dhe humane. "Nga ky vend, nga ky segment do të kisha apeluar ndaj të gjithëve se historia është shkencë dhe nuk kemi shkencë të konflikteve, para së gjithash ajo është shoqërore, por jo dhe vetëm aq, ajo është edhe humane. E tani, nëse ajo është e tillë dhe na mëson të kaluarën vazhdimisht ndërsa pa të kaluar ne nuk mund të dimë të sotmen e aq më pak të ardhmen, kjo ishte një ndër nxitjet, ndër motivet që unë të bëj në këtë formë, pse bash kështu dhe këtu, desha që të nxisë brezat e rinj, nxënësit me të cilët ne punojmë që të besojnë se vërtet historia është mësuese e jetës", deklaroi Naser Miftari, profesor i historisë. Edhe pse në moshë të re, nxënësit që morën pjesë në sfilatë me veshjet tradicionale, treguan se prej nga vinin dhe se për çfarë përdorej veshja. "Falënderoj shumë kujdestaren e klasës Nazime Haredinaj e cila na mundësoi që sot të prezantojmë këto veshje. Kjo është veshja tradicionale kërçovare e nuseve. Unë mendoj se duhet të përdoren ende këto veshje se janë shumë të bukura", u shpreh Fatime Ameti, nxënëse. "Kjo veshje përfaqëson arbëreshët të cilët prej Shqipërisë u shpërngulën në Itali dhe kur kanë vallëzuar janë prezantuar me këto veshje. Ky është xhamadani, kjo është këmisha, kjo tjetra përparësja, brezi dhe fustani", tha Alena Amza, nxënëse. Gjatë këtij aktiviteti kulturor u ndanë edhe mirënjohje për nxënësit që dhanë kontributin e tyre në promovimin e folklorit shqiptarë. Organizatorët premtuan se një aktivitet i tillë do të shndërrohet në traditë për shkollën. Melihate Rustemi