TIPS SA PAGTATANIM NG MANGGA MULA SA BUTO AT SANGA PARA MAGKAROON NG MATAMIS AT HITIK NA BUNGA скачать в хорошем качестве

TIPS SA PAGTATANIM NG MANGGA MULA SA BUTO AT SANGA PARA MAGKAROON NG MATAMIS AT HITIK NA BUNGA

Pagtatanim ng Mangga mula sa buto at sanga para magkaroon ng matamis at hitik na hitik sa bunga. Ngayong araw na ito ay ise-share ko sa inyo kung paano ang tamang pagtatanim, pag-aalaga ng Mangga para magkaroon ng hitik na hitik sa bunga. Ito po ang link ng video ng step by step na pagtatanim    • TIPS SA PAGTATANIM NG MANGGA MULA SA BUTO ...   Ang Mangga ay masarap at masustansiya. Mainam sa ating kidney ang Mangga na tumutulong para mailabas ang alat at fluid na hindi kailangan ng ating katawan. Ilan sa taglay na health benefits ng Mangga ay Vatamin A, Vatamin C, Vatamin K, Fiber, Calcium, Anti-oxidant property na tumutulong para maiwasan ang pagkakaroon ng sakit na cancer at marami pang iba. Ang Mangga ay nagtataglay ng Beta-Carotine para maging matibay ang ating mga buto at magkaroon ng malakas na resistensiya ang ating katawan. Masarap ang hilaw o manibalang na Mangga na isawsaw sa bagoong na ginisa habang ang hinog nito ay masarap na panghimagas. Maraming paraan ang pagtatanim ng Mangga, puwede ang buto mula sa hinog na bunga, cuttings mula sa matandang sanga, grafting at marcotting. Simpleng alagaan, patubuin gawing masarap at matamis ang bunga ng Mangga. Tiyakin lamang na matabang lupa ang gagamitin sa pagtatanim ng ano mang halaman, tulad ng Mangga. Ang matabang lupa ay pundasyon ng malusog ng halaman. Ang ratio ng lupa sa pagtatanim ng mga halaman tulad ng Mangga ay 60 percent buhaghag na lupa, 20 percent ipa ng palay, o Carbonize Rice Hull or cocopeat at 20 percent ay vermicompost or chicken manure Sa pagtatanim mula sa buto ay maaari gumamit ng sirang timba o sirang galoon ng mineral water kung wala kang malaking espasyo na pagtatanim. Pero mas maganda kung direktang itanim sa lupa ang Mangga pala malayang makagala ang mga ugat nito at makakuha ng sapat na nutrients ayon sa kanyang pangangailangan. Tiyakin lang na direktang naaarawan ang pagtataniman ng Mangga mula 8-oras sa loob ng isang araw. Kapag buto ang itinanim sa Magga ay aabot ng 8 hanggang 10 taon bago magbunga pero kapag cutting, grafting at marcoting ay 8 buwan hanggang isang taon ay mamumunga na. Kapag nasa apat hanggang limang buwan na ang Mangga ay maaari ng diligan at ispreyan ng natural fertilizer na Fermented Plant Juice (FPJ),.isang beses kada Linggo para manatiling malusog. Kapag ang dahon ng Mangga ay dark green na at nasa pito hanggang walong buwan na ang edad nito ay sinyales na malapit ng mamulaklak at magbunga, kaya diligan at ispreyan na ang potasium na Fermented Fruit Juice (FFJ) once a week. Para hindi lapitin ng mga insekto ang Mangga ay one's a week ding mag-ispray ng Oriental Herbal Nutrients (OHN) kahit walang naninira para maagapan agad ang posibleng manira sa ating mga tanim. Para maging matamis at masarap ang bunga ng Mangga ay tuloy-tuloy lang ang pag-ispray ng FFJ isang beses kada-Linggo hanggang makitang unti-unti ng nagkukulay dilaw ang mga bunga na tanda na manibalang at nahihinog na. Maraming benepisyo ang makukuha sa pagtatanim ng ating sariling pagkain, una ay makakatipid kana, masustansiya pa ang pagsasaluan ng buong pamilya, makakatulong kapa sa pagpreserba sa Inang Kalikasan. Tandaan lang po na laging i-apply ang TLC-Tender Love and Care sa pagtatanim ng mga halaman para ito ay mapakinabangan. Ang Magsaskang Reporter po ay marami ng tanim pero patuloy pang nagtatanim dahil sa paniniwalang ang pagkakaroon ng seguridad sa pagkain ay dapat magsimula sa ating tahanan, "FOOD SECURITY STARTS AT HOME. Milyun-milyon ngayon ang nagugutom, maraming kabataan ang malnutrition, ang pagtatanim at pagkain ng gulay ang solusyon. Nagawa ko po ito, magagawa rin po ninyo. Nawa po ay nakapag-share ako ng kaalaman at impormasyon ngayong araw na ito tungkol sa pagtatanim, pag-aalaga at pagkakaroon ng hitik na hitik sa bunga ng Mangga. Para sa iba pang tips at sikreto sa pagtatanim ng iba't-ibang uri ng halaman ay maari po kayong manood at makinig ng aking TV at Radio program na Masaganang Buhay tuwing Linggo, alas-7:00 hanggang alas-8-00 ng umaga sa OnePH Cignal TV, Channel 1 ng TV-5. Mapapakinggan din po sa Radyo Singko 92.3 News FM. Live din ninyong mapapanood sa Facebook at Youtube. Maaari din kayong manood at mag-subscribe sa aking Youtube Channel na ANG MAGSASAKANG REPORTER para sa iba pang kaalaman at ipormasyon sa pagtatanim ng iba't-ibang uri ng halaman sa pamamagitan ng Organikong pamamaraan. Tuwing araw ng Martes ay regular ninyong mababasa ang aking kolum dito sa Pilipino Star Ngayon (PSN) ng Star Group of Publication. Happy Farming po. GOD BLESS US ALL.