潘燦良專訪︱豆腐火腩飯的魅力 潘燦良：我嘅戲如果令觀眾生活更好，覺得好有意思｜壹人訪 x 林蕾( скачать в хорошем качестве

潘燦良專訪︱豆腐火腩飯的魅力 潘燦良：我嘅戲如果令觀眾生活更好，覺得好有意思｜壹人訪 x 林蕾(

最近晚上看潘燦良，我感受到那一點甜。他在《反起跑線聯盟》裡飾演的「虎爸」浮誇得來充滿喜感，角色越瀨嘢，觀眾就越開心。 「Charles呢個角色真係每一集都瀨嘢，個個都反我，我冇得唔輸。好喎，我好樂意做一個『壞人』去娛樂大家！」潘燦良笑道。 現實中的潘燦良溫文儒雅，就像茶記裏的一客豆腐火腩飯般親切實在，含蓄地為觀眾的生命注入養份。不同的是，滲透在茶記裡頭那陣中佬群組獨有的淡淡哀愁，沒有在他身上出現，他中佬得來毫不麻甩， 鬚根帶白但絕不欷歔。來到五十五歲，男人味與戲味互相輝映，戲裡戲外都在發光發亮。 入行超過三十年，潘燦良遊走過舞台、電影、電視，在2011年獲得「香港藝術發展獎年度最佳藝術家獎（戲劇）」，也三度奪得香港舞台劇最佳男主角，成就一早解鎖。與太太蘇玉華相愛廿七載，更是公認的暖男。 「我都算浪漫嘅⋯⋯兩個人相處要搵對方缺點實在太容易，最重要係問下自己，你點解愛佢先？當你搵到答案，好多問題都唔再係問題。」 如果男人的浪漫是豆腐火腩飯，潘燦良這一碟，好高汁。 【我驚小朋友多啲】 演員都說最怕跟寵物和小朋友做對手戲，今次《反起跑線聯盟》潘燦良就要和多位五、六歲的小朋友交手，可謂一大挑戰。 「你問我嘅話，係我驚小朋友，多過小朋友驚我！始終佢哋太細，有時唔係太知道幾時叫工作，幾時叫玩。佢哋拍拍下會突然之間大嗌：『我好肚餓！』咁就要停落嚟俾佢哋食嘢。當一個話：『我要去廁所！』咁就所有人一齊去廁所。好彩我哋有副導演一路照顧，有時要氹下佢哋，但有時又要適當地惡下，到佢哋肯拍時就即刻去拍。雖然今次拍攝時間比平時多幾倍，但拍得好開心，當佢哋做到啲難度高嘅戲，大人都拍晒手，比小朋友更加興奮。」 演員演得開心，觀眾自然感受到那份融洽。飾演他兒子Martin的小演員植海維不時與他妙問妙答，令人忍俊不禁，二人更建立了微妙的「父子」關係。 「最初當然有啲陌生，但相處咗兩三個月後都好唔捨得。臨拍完之前，Martin將我哋之前一齊影嘅相曬咗出嚟，做咗一本紀念冊送俾我，我好感動。雖然大家唔係真正父子，但已建立咗一種好特別嘅感情，拍到後期甚至有人話覺得我同Martin越嚟越似樣！可能大家已經搵到默契，俾人感覺好舒服。」 潘燦良演出經驗豐富，但今次卻帶給他另類體會。 「小朋友嘅純真係會令到大人溶化！佢哋好簡單直接，同佢地相處有好大得着，令我覺得做人無需要咁複雜，簡簡單單其實開心好多。」 他沒有生小孩，但假如是一位父親的話，他肯定自己不會是虎爸。 「之前見過有朋友在大庭廣眾鬧個仔：『做功課偷懶，係咪第時大個想做賊呀？』咁樣會好傷小朋友個心，可能佢會一世記住。我成長那個年代冇『起跑線』呢回事，自己本身冇乜學術天份，好彩屋企人冇俾壓力。其實迫啲小朋友讀書係冇用，好似我咁，當搵到一樣自己有興趣嘅事，自然會投入，老土啲講行行出狀元，無論邊行都好，只要你認真做，一定可以做得好。」 【災難性學業】 潘燦良在彩虹邨長大，家有一兄一姊，父親是油漆工人，母親則是一名校工。父母為口奔馳，對於孻仔並沒有太大管束。他就讀中華基督教基協中學，對於自己的學生時代，他用「災難」去形容。 「望住本書，其實係本書望住我之嘛！成績只係啱啱夠升班，舊年啲嘢未搞掂又要學新嘢，所以好災難性。我唔算曳，但都好貪玩，聽日考試今日都仲會去游水，因為知道讀同唔讀都冇乜分別。如果比着今時今日啲虎爸虎媽，呢個仔要趕出門口喇…… 【生命中的太陽】 能夠心無旁騖地打拼，或多或少因為得到身邊愛侶支持。潘燦良跟太太蘇玉華是演藝同學，他永遠記得這生人第一次見到對方那一刻，猶如見到陽光…… 有你支持❤我們可以走得更遠🙌 請訂閱《娛壹》Patreon閱讀全文：  / 64710032   相片︰Photo by Kit Chan #潘燦良 #壹人訪 #林蕾 #娛壹 0:00 豆腐火腩飯的魅力 潘燦良 0:34 《反起跑線聯盟》浮誇滿喜感娛樂大家 1:33 55歲潘燦良溫文爾雅 絕不麻甩 3:10 自知無讀書天份 話劇改寫人生 5:00 畢業頭幾年被投閒置散 反思自己不足 6:22 離開話劇團 踏足電視電影圈形象更入屋 7:35 心無旁騖為事業打拼 靠相伴27年太太蘇玉華