Fatmir Limaj vizitë në Tiranë, Mediu vlerëson rikthimin e Limaj në politikë - (22 Shkurt 2006) скачать в хорошем качестве

Fatmir Limaj vizitë në Tiranë, Mediu vlerëson rikthimin e Limaj në politikë - (22 Shkurt 2006)

Lajme arkiva 2006 Nënkryetari i Partisë Demokratike të Kosovës Fatmir Limaj po zhvillon një vizitë 2 ditore në Tiranë. Pas takimit me ministrin tonë të mbrojtjes zoti Mediu ka vlerësuar rikthimin e Limajt në politikë. I mbi quajtur “komandant Çeliku” gjeneral Limaj ka qenë drejtuesi kryesor i UÇK-së në zonën e Llapushnikut në Drenicë, ndërsa u konsiderua i pafajshëm nga Gjykata e Hagës për akuzat për keqtrajtim të burgosurve në kampin e Lllapushnikut. Fatmir Mediu: “Unë mendoj që këto kontakte janë shumë të pritshme për të arritur një mirëkuptim të përbashkët për një kontribut, për stabilitetin në Kosovë, për një ndërmarrje të rëndësishëm ndërmjet Shqipërisë dhe Kosovës. Shkëmbyem besoj mendime të vlefshme për sa i përket zhvillimeve të kohëve të fundit në Kosovës, duke e vlerësuar në mënyrë maksimale vetë arritjet e krahas politike të Kosovës me zgjedhjen e presidentit zotit Fatmir Sejdiu, por edhe me procesin e negocimit për statusin dhe mendoj që rikthimi në politik i zotit Limaj natyrisht është një moment tjetër shumë i rëndësishëm për të gjithë qytetarët e Kosovës, për partinë që ai përfaqëson dhe për rrugën që tashmë po finalizohet për statusin dhe pavarësinë e Kosovës”. Zoti Limaj ka konfirmuar se do të rikandidojë në zgjedhjet e ardhshme të përgjithshme në Kosovë dhe vlerëson se i ka superuar të gjitha mosmarrëveshjet me Thaçin dhe LDK. Sipas tij i gjithë faktori politik në Kosovë është i unifikuar për pavarësinë e saj dhe kërkon që Shqipëria të mbetet aktive edhe në proceset e pas pavarësisë në Kosovë. Famir Limaj: “Këtu ku është sot Kosova është një pjesë merite e pa ndashme e shtetit Shqiptarë. Kosova nuk do të ishte këtu pa një kontribut, pa një ndihmë të vazhdueshme që ka dhënë shteti Shqiptar dhe është krejt normale që klasa politike po edhe populli i Kosovës vazhdon pret nga Tirana zyrtare të ketë, jo të jetë shikues pasiv, po të ketë rolin aktiv edhe në procesin e bisedimeve, por një procesi që na vinë drejt funksionalizimit të shtetit të Kosovës dhe jam i sigurt që dokumenti që është ofruar në Vjenë nga pala kosovare është një zgjidhje e pranueshme dhe një diskriminim pozitiv për minoritetin serb”. Nënkryetari i PDK ka takuar edhe presidentin e Republikës Alfred Moisiu, sekretarin e përgjithshëm të PS Pandeli Majko dhe kryetarin e LSI Ilir Meta. Nesër zoti Limaj do të takohet edhe me kryeministrin e vendit Sali Berisha./tvklan.al Gazetare: Mimoza Koçiu SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/