Áhrif skógræktar og áburðargjafar á losun eða bindingu metans og nituroxíðs í jarðvegi - Bjarni D.S. скачать в хорошем качестве

Áhrif skógræktar og áburðargjafar á losun eða bindingu metans og nituroxíðs í jarðvegi - Bjarni D.S.

Hingað til hafa allar rannsóknir hérlendis á loftslagsáhrifum skógræktar einungis horft til kolefnis eða koldíoxíðs (CO2). Hins vegar eru tvær aðrar gróðurhúsagastegundir, metan (CH4) og nituroxíð eða hláturgas (N2O), sem einnig geta orðið fyrir áhrifum af breyttri landnýtingu eða umhirðu skóga. Þær eru báðar mun kraftmeiri gróðurhúsalofttegundir en CO 2 og því mikilvægt að vita hvernig jöfnuður þeirra breytist við skógrækt. Rannsóknirnar sem hér er sagt frá fóru fram í Tilraunaskóginum í Gunnarsholti sem er rúmlega 30 ára gamall asparskógur. Þar hefur farið fram áburðartilraun með smáskammta-áburðargjöf frá árinu 2004. Við mældum losun eða bindingu CH 4 og N2O reglulega í heilt ár, bæði utan skógar og í áburðartilrauninni, og munum greina frá meginniðurstöðum þeirra mælinga hér.