UMPTda "Yosh ekolog" mavzusidagi seminar: скачать в хорошем качестве

UMPTda "Yosh ekolog" mavzusidagi seminar:

2025 yil 2 mayda ekolog talabalar UMPTga tashrif buyurib, kompaniyaning ekologik menejment tizimi bilan tanishdilar Geologiya fanlari universitetining "Ekologiya va atrof-muhitni muhofaza qilish" yo'nalishi bo'yicha studentlarning nazariy bilimlarini mustahkamlash va amaliy ko'nikmalarini shakllantirish maqsadida UMPT korxonasi bilan hamkorlikda zavodning ishlab chiqarish jarayoni bilan tanishishga qaratilgan o‘quv ekskursiyasini tashkil etdi. Tadbir "Yosh ekolog" mavzusida o'tkazilib, ta’lim muassasalari va sanoat korxonalari o‘rtasidagi hamkorlikni rivojlantirishga qaratildi. Tashrif davomida talabalar korxonaning ekologik menejment tizimi, biologik xilma-xillikni muhofaza qilish loyihalari, shuningdek, zamonaviy tozalash inshootlari – oqava suvlarni tozalash tizimi va chang-gazlarni tozalash uskunalari bilan bevosita tanishdilar. Talabalar atrof-muhitni muhofaza qilish, hamda ishlab chiqarish jarayoni bo‘yicha o‘zlarini qiziqtirgan savollarga javob olish imkoniyatiga ega bo‘ldilar. Korhona bilan tanishgandan so‘ng, talabalar tomonidan tayyorlangan taqdimot qismi alohida e’tibor qozondi. Ularga zavodning atrof-muhitga ta’sir ko‘rsatadigan asosiy ekologik aspektlarini aniqlash va korxonada ularning ta’sirini kamaytirish bo‘yicha ko‘rilgan chora-tadbirlarni tahlil qilish vazifasi topshirildi. Har bir jamoa ushbu vazifaga o‘z qarashi va ijodiy yondashuvini namoyish etdi. Taqdimot yakunlari bo‘yicha eng yaxshi jamoa aniqlanib, taqdimotning originalligi va to‘liqligi uchun esdalik sovg‘alari bilan taqdirlandi. “Neft va gaz geologiyasi, gidrogeologiya va geoekologiya” kafedrasi dotsenti, Pulat Kushnazarov tadbir tashkilotchilariga minnatdorchilik bildirdi va bu kabi tadbirlarning kelajak ekolog-mutaxassislarining kasbiy shakllanishida muhim ahamiyatga ega ekanligini ta’kidladi. U ekskursiya orqali talabalar ishlab chiqarish sharoitida ekologik bilimlarning qo‘llanilishini o‘z ko‘zlari bilan ko‘rish imkoniyatiga ega bo‘lganliklarin qayd etdi. Mazkur tadbir ta’lim va sanoat o‘rtasidagi samarali hamkorlikning yorqin namunasi, shuningdek, talabalar orasida ekologik ongni shakllantirish yo‘lida muhim qadamlardan biri bo‘ldi.