Әскерге күштеп әкеткен сарбаздың жұмбақ өлімі: Президент кінәлілерді табуды бұйрық берді скачать в хорошем качестве

Әскерге күштеп әкеткен сарбаздың жұмбақ өлімі: Президент кінәлілерді табуды бұйрық берді

Отан алдындағы борышын өтеуге кетіп, бес күннен кейін туған жеріне табытпен оралған маңғыстаулық сарбаздың денесі бүгін жер қойнына тапсырылды. 18 жастағы Әлібек Қалбай Отардағы № 30/212 әскери бөліміне өткен дүйсенбіде ғана қабылданған еді. Алайда, жұма күні таңертеңгі сапқа тұру кезінде есінен танып, тілге келместен көз жұмған. Марқұмның туыстары әскерге күштеп әкеткен баламызға бармай жатып әлімжеттік жасады деп отыр. Өйткені Әлібектің денесінде көп көгерген іздер мен түрлі жарақаттың бар екенін көзімізбен көрдік дейді. Бірақ Қорғаныс министрлігінің өкілдері жауынгерлік антты қабылдамай жатып бақилық болған сарбаздың жақындарының сөзін жоққа шығарды. Жамбыл облысы Гвардейск әскери қалашығында қайтыс болған Әлібек Қалбайдың денесі сенбі күні кешке ұшақпен туған жеріне жеткізілді. Өткен дүйсенбіде ғана әскерге сау кеткен ұлдарының табытын қарсы алу жақындарына ғана емес, көңіл айтып жиналғандардың барлығына оңай тимеді. Туыстарының сөзінше, Әлібекті жұмыста отырған жерінен әскерге алып кеткен. Сөйтіп жас жігіт 18 сәуір күні Отардағы әскери бөлімге қабылданған. Ал 22 сәуірде әскери бөлімдегілер жақындарына жас жігіттің қазасы туралы естіртіпті. ДИНАРА ТІЛЕСОВА, Әлібек Қалбайдың жеңгесі: – 12-сі күні мәжбүрлі түрде армияға кетсін деп баланы алып кетеді. Сотталасың, болмаса 3 миллионға штраф төлейсің дейді. Баланың көретін жері жоқ. Почкасы, іші бәрі, қолдары көгерген. Басы көгерген, құлағының артында бірдеңе тағылып тұрды. Уже біз шыдай алмай қалдық ол кезде шығып кеттік. Кейбір балдар мамасының нөмерін жазып беріп жіберді тығылып. Мамаларымызға ескертіңізші, Әлібектің өлімінен кейін қорқамыз служить етуге деп жатыр. Сарбаз Әлібектің денесін туыстарына тапсыруға келген төрт әскери қызметкерді туыстары кезекпен сұрақтың астына алды. Әскерилердің сөзінше, Әлібек сапта тұрған кезде есінен танып құлаған. Содан кейін оған алғашқы көмек көрсетіпті. Бірақ аман алып қала алмаған. Сондай-ақ, әскери бөлімнің өкілдері мен қорғаныс министрлігі сарбаздың денесінде ешқандай жарақат болмады деп отыр. СЕРІК БОРАМБАЕВ, ҚР Қарулы Күштер бас штабы бастығының орынбасары: – Қатардағы жауынгердің өліміне қатысты тергеумен Ішкі істер министрлігінің әскери-тергеу органдары айналысады. Олар тәуелсіз және Қорғаныс министрлігіне есеп бермейді. Бұл - тексерістің әділ және неғұрлым объективті жүргізілуі үшін жасалған. Егер кінәлілер анықталса және оларды жауапкершілікке тартса, біз үшін абырой болар еді. Әскери бөлім қызметкерлері сарбаз сапта тұрған жердегі камера істен шыққан деп отыр. Ал, әскери бөлімдегі жағдайды өз көзімен көріп келген Әлібектің жеңгесі командирлерге қатты ашулы. Ұлдарынан айырылып, қабырғасы қарс айырылып отырған отбасы бұл істе бір шикілік бар дейді. Айтуларынша, Әлібек қайтыс болардан бірер күн бұрын әскери бөлімде төбелес болған. Құпия өлімнің сыры ашылмаса да, туыстары 18-де қыршын қиылған Әлібекті бүгін жер қойнына тапсырды. Медициналық сараптама қорытындысы әзірге белгісіз. Дегенмен, марқұмның туыстары қорытындымен келіспеген жағдайда тәуелсіз сараптамаға қайта береміз деп отыр. Махаббат Нұржанқызы, Фархад Шадкам Бізді әлеуметтік желіде оқыңыздар: Youtube -   / @informburo31kanal   Facebook -   / informburo31   Instagram -   / informburo31   Vkontakte - https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #әлімжеттік #әскер #жұмбақ_өлім