Mareska: “Qarabağ çox güclü komandadır!” – “Çelsi”nin baş məşqçisindən etiraf скачать в хорошем качестве

Mareska: “Qarabağ çox güclü komandadır!” – “Çelsi”nin baş məşqçisindən etiraf

Enzo Mareska: “Qarabağ yaxşı komandadır, amma biz qol epizodlarında daha dəqiq olmalı idik” Offsideplus.az xəbər verir ki, UEFA Konfrans Liqasının qrup mərhələsində “Qarabağ”la keçirilən oyundan sonra “Çelsi”nin baş məşqçisi Enzo Maresca qarşılaşmanı dəyərləndirib. Mareska bildirib ki, komanda oyuna yaxşı başlayıb, lakin sonrakı mərhələdə səhvlərə yol verib: “Bu gün oyuna düzgün başladıq, hesabı açdıq, amma sonra iki qol buraxdıq. Onların birini 10 nəfərlə oynayarkən buraxdıq. Hər iki qolu da qarşısını almaq olardı. Rəqib cərimə meydanında daha kəskin olmalıyıq.” Mütəxəssis bəzi futbolçuların istirahətə buraxıldığını da qeyd edib: “Moises (Kaysedo), Enzo (Fernandes), Malo (Qusto) və bir neçə futbolçunu dincəlməyə qərar verdik. Onlar hər üç gündə bir oynaya bilməzlər. Klub Dünya Çempionatı bizi çox yordu. Rotasiya etməyə çalışdıq.” Zədədən əziyyət çəkən Romeo Lavia barədə də danışan Maresca bildirib: “Romeo uzun müddət meydanlara dönə bilməyəcək kimi görünür. Hazırda vəziyyəti qiymətləndiririk, ehtimal ki, bud əzələsində problem var.” İtalyan mütəxəssis oyunun ikinci hissəsində komandasının daha yaxşı çıxış etdiyini vurğulayıb: “Oyuna nəzarət bizdə idi, amma birinci qolu buraxandan sonra qısa müddətdə ikinci qolu da buraxdıq. İkinci hissədə daha yaxşı idik. Hər oyun futbolçular üçün özlərini göstərmək imkanıdır.” "Qarabağ"ın performansını da qiymətləndirən Mareska rəqibini tərifləyib: “Qarabağ yaxşı komandadır, bu arenada oynamaq çətindir. Bu gün əsas fərq cərimə meydanında oldu. Buraxdığımız qollar sadə idi. Öz hücumlarımızda isə kifayət qədər dəqiq deyildik. Mənim üçün əsas fərq bu idi.” Mareska, həmçinin, bəzi gənc futbolçuların çıxışına toxunub: “Oyuna başlayan futbolçuların hamısı hazır idi. Alehandro Qarnaço ikinci hissədə yaxşı oynadı, yavaş-yavaş inkişaf edir. Jorrel Hato da yaxşı başladı, amma sonra səhvlər etdik. Bunu düzəltməliyik.” Sonda o, komandasının oyundakı ümumi performansına toxunaraq bildirib: “Topla oyunda problem görmürəm. Qarabağ yaxşı pressinq etdi, amma biz də bir çox imkanlar yaratdıq. Bəzi cəhətləri inkişaf etdirə bilərik, amma ümumilikdə yaxşı şeylər gördüm.” Qeyd edək ki, oyun 2:2 hesabı ilə başa çatıb. #Qarabağ #Chelsea #KonfransLiqası #EnzoMareska #QarabağChelsea #FutbolXəbərləri #AzərbaycanFutbolu #QarabağFK #ChelseaFC #UEFA #Futbol #Mareska #QarabağÇelsi #QarabağQalibGələcək #azərbaycanfutbolu #qarabağfk #futbol #qarabağ #futbolxəbərləri #çempionlarliqası #qurbanqurbanov #futbolhəyəcanı #futboldünyası